Luka 3:14 - Buku ꞌba Tisaki ni Tɔdɔ to Lömu Laꞌja ꞌBa Yësu Kurïsïtö Ŋere Ze

¹⁴ Bɔ kanya mɔtɔ ga ako kititi bo, iya te, “Ne waꞌdi ga na gɔ doꞌdɔ ꞌbeze?” Bo iya te, “Kinza kolɔ a ꞌba bɔtɔ dë. Kina kinza kunzö bëtï dë kpa bɔtɔ gɔ kopi wa zïyï. Bi gomɔ ꞌba röyï ma këdï kopi zïyï iꞌdi lende mo kɔꞌbɔ yi.”

Luka 3:14 ပူးပေါင်းရင်းမြစ်များ

Tɔdɔ 20:16

Kinza kunzö lende dë rɔ bëtï kpa lëpï yï mɔtɔ.

Tɔdɔ 23:1

Kinza kebe dë tilaki ti lende rɔ bëtï. Kina kinza kunzö bëtï dë gbï tandi gɔ lende ti bɔ lende kënyë.

Matayo 8:5

Kina ɔdɔ Yësu kɔdɔ ꞌdeni mï Kaparanoma bɔ dɔ bɔ kanya mɔtɔ ꞌba Romo ako zi bo komaꞌjo rɔ bo zi Yësu,

Luka 19:8

Tine di yayi na Zakayo kënyï tɔrɔ kilende zi ŋere Yësu, iya te, “Oŋgɔ ŋere, tɔne ti miꞌdi kapa ꞌba a ma ga zi bɔ lisa ni. Kina ɔdɔ muꞌbölu bɔtɔ mɔtɔ ra ti mopi kileki teyi mï sowɔ.”

Luka 3:10

Bilaka naga nima ënyï kititi bo, iya te, “Ne waꞌdi na gɔ doꞌdɔ nati?”

Luka 3:13

Bo iya te, “Kinza kogba dë kebe dɔ ame kose zïyï ne.”

Ndɔbɔ ꞌBa Bɔ Laja 10:7

Di pötö malayika nima kari ꞌdeni tine, Koroneliyo ïdëkï bɔ laja abo ga ma rïyö kako zi bo ti bɔ kanya ma kɔtɔ mɔtɔ ame këdï koꞌdɔ ndɔbɔ zi bo gbï rɔ bɔ koro Bɔkoꞌba ne.

Pïlïpöyï 2:15

Kina ya ma laki pili ti koŋgɔ ŋgï wa ma kënyë mɔtɔ inza mï loma ꞌbe römöyï ëddïke ꞌdeni kinza lende kënyë kɔzɔ kole ꞌba Bɔkoꞌba mï löŋgö bɔ lende kënyë ma kilagi bo naga nima. Kina ti këddïke ŋgï zïnnï kɔzɔ këlu ame këdï kiyɔpɔ bi mï mandölu ne tara,

Pïlïpöyï 4:11

Minza miya nime gɔ leri ꞌba rɔma. Toloma ŋge gɔ wa ame ga ꞌdɔ koꞌdɔ rönnï zö ne ikali rɔma ꞌdeni.

Tito 2:3

Kina ꞌdɔ kilende gbï zi ꞌja löbu mo ga, lïjë ꞌba Bɔkoꞌba na, loma ꞌbënnï köꞌbö rɔ ma laka. Kinza lïjë köꞌbö dë rɔ bɔ kore ala rɔ atɔli ꞌba layi. Tine zïnnï tiyandi ꞌja titi ti lende laka tɔꞌɔ mëꞌdë nnï gbï ti kole ꞌbënnï ga.

Tileme 12:10

Kina muwö birɔ kudu ŋgï rɔ ma kembe di mïtɔrɔ, iya te, “Kɔnyi ömö ꞌdeni di zi Bɔkoꞌba ze. Kina tigɔ ti ŋere löbu abo ömö ꞌdeni gbï ti közï kakpa ꞌba Kurïsïtö abo. Römöyï bɔ susu tönë köꞌbö tususu lëpï ze ga kote kada kote korɔndɔ zi Bɔkoꞌba ne, bo inza kpe ïtïŋï bo ꞌdeni bërï.