Luka 3:11 - Buku ꞌba Tisaki ni Tɔdɔ to Lömu Laꞌja ꞌBa Yësu Kurïsïtö Ŋere Ze

¹¹ Yowani ileki dɔmo zïnnï, iya te, “Bɔ ame këdï ti bɔŋgɔ kolɔ rɔ rïyö kogba mɔtɔ kɔtɔ kokɔnyi bɔ ame kinza du ti ɔtɔ ne timo. Kina ꞌdɔ bɔ ame këdï ti akonyo ne koꞌdɔ gbï tara.”

Luka 3:11 ပူးပေါင်းရင်းမြစ်များ

Matayo 25:40

Tine ŋere ti kileki dɔmo, iya te, ‘Rɔ ma laka miya ziye, wa naga nime kolomake toꞌdɔ mo pele zi löndö ma kɔtɔ mɔtɔ ame ga wötï rɔ lisa ne ma na koꞌdɔke ꞌdeni zö.’

Luka 11:41

Iꞌdike di yïmo ti mï këyï zi bɔ lisa. Kina ti wa pili këdï ŋgï rɔ ma kɔpɔ ziye.

Luka 18:22

Kina ɔdɔ Yësu kuwö bɔ nima ꞌdeni kiya tara tine, bo ileki dɔmo iya te, “A mɔtɔ ola gba kɔtɔ zïyï toꞌdɔ mo. Ari kugö ëꞌbï ga me mökö koza gïrïsï mo zi bɔ lisa. Kina ti këddï ŋgï ti wa rɔ mbëmbë mï dɔyayi ꞌba mïtɔrɔ. Kina ꞌdɔ kako ti kösö gɔma.”

Luka 19:8

Tine di yayi na Zakayo kënyï tɔrɔ kilende zi ŋere Yësu, iya te, “Oŋgɔ ŋere, tɔne ti miꞌdi kapa ꞌba a ma ga zi bɔ lisa ni. Kina ɔdɔ muꞌbölu bɔtɔ mɔtɔ ra ti mopi kileki teyi mï sowɔ.”

Yowani 13:29

Römöyï Yuda na rɔ bɔ kikeki gïrïsï ꞌbënnï, gɔ köꞌdu mo na ya mɔtɔ naga nima komeri ꞌbënnï, iya te, mɔtɔga Yësu ëdï koja Yuda kari tugö wa ame ga lïjë koꞌdɔkɔ mï kada ꞌba karama ne. Ala mɔtɔga Yësu ëdï koja bo kari tiꞌdi gïrïsï zi bɔ lisa mɔtɔ.

Ndɔbɔ ꞌBa Bɔ Laja 10:2

Tine bo rɔ bɔ koro Bɔkoꞌba kina bilaka ꞌba liŋɔ abo ga gbï pili rɔ ma koro Bɔkoꞌba. Bo öꞌbö nduwë rɔ tokɔnyi bɔ lisa ꞌba Yudayi gbï toꞌdɔ mötu zi Bɔkoꞌba.

Ndɔbɔ ꞌBa Bɔ Laja 10:31

Bo iya te, ‘Koroneliyo, Bɔkoꞌba uwö mötu ꞌbï ꞌdeni, bo ëdï ti mï këyï rɔ mbëmbë gɔ kɔnyi ꞌbï nime këddï koꞌdɔ zi bɔ lisa ne.

Ndɔbɔ ꞌBa Bɔ Laja 10:4

Kina tikere kindaꞌba bo ŋgï kodɔ rɔ bi koŋgɔ zi bo dɔ malayika nima. Bo iya te, “Ŋere, waꞌdi na koꞌdɔkɔ?” Malayika nima iya zi bo, tëgë, “Bɔkoꞌba ëdï ti mï këyï rɔ mbëmbë gɔ mötu koꞌdɔ ꞌbï gbï ti kɔnyi ꞌbï ame ga këddï koꞌdɔ zi bɔ lisa ne.

Epeso 4:28

Nï ame këddï rɔ bɔ ꞌbögö ola gɔ ꞌbögö yaga kileki toꞌdɔ ndɔbɔ ꞌbï ti közïyï ꞌdɔ kokɔnyi bɔ lisa gbï timo.

1 Timatiyo 6:17

Iya zïnnï lïjë ame ga rɔ bɔ mɔri ne, kinza lïjë kombi dönnï dë. Kina kinza lïjë komeri dë gbï tëgë wa mbëmbë ꞌbënnï naga nima ti köꞌbö nduwë tokɔnyi lïjë. Römöyï wa nime rɔ mɔri koꞌdɔ ne öꞌbö dë ŋgï nduwë ŋburu. Tine ꞌdɔ lïjë kikali laka Bɔkoꞌba na ti kokɔnyi lïjë. Bo na rɔ bɔ kiꞌdi wa pili zize ame gɔ kiꞌdi ze dëdïke rɔ lɔŋɔ.

1 Timatiyo 6:18

Ma laka mo ꞌdɔ lïjë köꞌbö toꞌdɔ lende laka ame ꞌdɔ këdï rɔ mɔri koꞌdɔ ꞌbënnï ne. ꞌDɔ lïjë köꞌbö gbï tokɔnyi ya mɔtɔ ga ti wa ꞌbënnï ga.

Ebere 6:10

Burë koꞌdɔ abo ꞌba Bɔkoꞌba na rɔ ma kodɔrɔ. Bo inza kiꞌdi kɔnyi ꞌbe tönë koꞌdɔke zi bilaka abo ga nduwë gba koꞌja kabate ne kudölu di dɔ bo römöyï ileme ŋgï ɔꞌɔke bo.

Yakoba 1:27

Römöyï mötu ma laka ame ꞌbu ze Bɔkoꞌba koꞌdɔkɔ di zize ne, kina rɔ tokɔnyi kiriꞌbala ni ti makuruꞌbë ame ga rɔ lisa ne di mï gomɔ ꞌbënnï ga, kina gbï ꞌdɔ doŋgɔke rɔze laka di zi lende konya ꞌba dɔliŋɔ naga nime.

Yakoba 2:14

Löndö ma ga, ɔdɔ nï bɔ mɔtɔ kiya te iꞌdi döyï ꞌdeni gɔ lende ꞌba Yësu Kurïsïtö, ne ɔdɔ kiya te koꞌdɔ lende laka mo dë lende ꞌbï naga nima ëdï ka ŋgï rɔ wa sari. Kina gbï tiꞌdi döyï ŋge gɔ lende ꞌba Yësu Kurïsïtö nima inza kikali tɔmɔ yi di mï burë ꞌba Bɔkoꞌba.

1 Yowani 3:17

Ne oŋgɔke te, nï mɔtɔ ame këdï ti wa ꞌba dɔliŋɔ nime tine kebe kupupu dökïꞌdï yï ŋgï lipo bërï di bi tokɔnyi löndö mɔtɔ ame rɔ leri mo ne, ti akɔꞌɔ ꞌba Bɔkoꞌba këdï mïyï totondo?

1 Yowani 4:20

Nï bɔ ame koꞌji löndö yï ne ɔdɔ kiya te ɔꞌɔ Bɔkoꞌba nï bɔ bëtï na. Römöyï ɔdɔ kɔꞌɔ löndö yï ame këddï koꞌja kïnë mo ne dë, ti kɔꞌɔ Bɔkoꞌba ame kinza koꞌja kïnë mo dë ne totondo ga?