ZOZUWE 9:25 - Bible en langue guiziga

²⁵ Wurenna na, ndra ani asi haŋ ɗiki. Gi ti ndra kaɓa ka muwuɗ le, yo kaɓa ka mupura le naŋ jeŋŋe.»

ZOZUWE 9:25 ပူးပေါင်းရင်းမြစ်များ

ZLI VIRZI 16:6

Abram a mbiɗa da Saraya: «I beke ɗiki, i ka miwaŋ. Gi di kaɓa ka mawuɗo.» Dar Saray a zla ga bonoy da Agara haɗi, hã Agar a kil sindik.

SAMUYEL MUCUW NAŊ 15:26

Amma, da Buymisemuŋ a ɓi le: ‹Yi wuɗ ka mata na, zuy. Anja a giy gwat naŋ mahĩyãŋ.›»

SAMUYEL MUCUW NAŊ 24:14

Davit a ɓa Gat tuwa na: «Wurenna yi ro lik haɗa haɗa. Zuwen ya madiɗ asi haŋ ngi Bumbulvuŋ, a funa ya madiɗ asi haŋ ngi mizli titiraˀahaya le, asi pura ircece ngi Buymisemuŋ naŋ haɗa.»

BUYOY MUCUW NAŊ 10:5

Vurˀe, mbur madiɗa ngi hay buy ati buy ngir walahaya, mizli micawwahay ati mizli masirkaka ziri ngi buyoyo, a slinam ng'avu Zehu, a ɓakaŋ ani: «Ndr'i gawla ɗikey, yo gwat ka miɓa ndra di le gar na, i gakaŋ. Amma ndr'anta cifam buy mekelem pal mata. Gwat ka mupura le kuy ngi gi na, ka gaŋ.»

EZAYI 47:6

I ji mevel le zleˀe ar mizli ɗuwoyo, mizli nga yahaya, i mataŋ le a ruwuy, i vula taŋ le asi haŋ ɗiki. Amma ko ki pura taŋ ircece neˀ le ta, ki luwa galalaŋ mududok fineˀ gidaŋ le liw da mbur midigila.

ZEREMI 26:14

Na ya, ya asi haŋ kum, gam ti yakaɓa kum mawuɗam, kaɓa kum mupuraka le naŋ jeŋŋe.

ZEREMI 38:5

Buy Sedekiyas a mbiɗa taŋ di: «Zeremi naŋ asi haŋ kum, ya buyo, i tikikum gu neˀ ta.»

Matiye 11:26

Haˀaw Baha, ki hĩyã le ɓa a gi kahana.

ZOZUWE 9:26

Zozuwe a gi ti taŋ kanah so, a laha taŋ tisi haŋ ngi Israyeleye, mbak a kiɗaka taŋ vagay vagay mata.

MIGI KIITAHAY 10:15

Israyeley a ɓaka Bumbulvuŋ: «Aw Bumbulvuŋ ɗu! I gam mungra le, gi ti ndra kaɓa ka mawuɗo, amma laha ndra dana ma si!»

MIGI KIITAHAY 8:15

Akẽh na, Zedeyoŋ aru ng'avi mizli Sukotoyo so, dar a ɓa taŋ: «Ki ɓikiy vur ɓi ngi Zeba ati Salmuna: ‹ki wa Zeba ati Salmuna le, ɓa i vulaka gwat ngi zum da mizli ɗikey migiram le kwa tuwa na, ki sinaka le aruŋ ya?› Yawwa! Na Zeba ati Salmuna t'ani.»

SAMUYEL MUDUMBUŊ NAŊ 3:18

Dar Samuyel a ɓaŋ ɓi Buymisemuŋ miɓaŋ taŋ tuwa gar, ko a ɗumoŋ pal ta. Eli a ɓaŋ: «I Buymisemuŋ. Gwat naŋ mapura kuy gar na, anja a gaŋ.»