ZOZUWE 9:19 - Bible en langue guiziga

¹⁹ Akẽh na, mizli buyɓihey tuwa, a ɓaka jum ngi Israyeleye: «Ani i hudumom le a mbuŋ taŋ ti Bumbulvuŋ, Buymisemuŋ ngi Israyele. Zle dana na, ndr'anta i gaka taŋ malambaˀ gu mata.

ZOZUWE 9:19 ပူးပေါင်းရင်းမြစ်များ

TILA MI 8:2

Ya i ɓuw: Buy miɓa ɓi le ɗaˀ na, ja a hirngaŋ, asi i hudumom le a mbuŋ Buymisemuŋ.

TILA MI 9:2

Gwat masa gi avu mizli gar na, i gwat misi purla, masa gi avu mbur mijeŋŋe waɗ avu mbur misi moˀore, i gwat mupurla avu mbur mezle, avu mbur misi mevel mubuna le, avu mbur misi ti dili a mevele, avu mbur magi mikuli waɗ avu mbur magi mikuli ta, avu mbur mezle waɗ avu mbur migi mungra, avu mbur mahudum waɗ avu mbur mazluwun ngi hudumo gar na, i gwat mupurla.

ZEREMI 4:2

Da ki hudum, ki ɓi le: «Ti slimiɗ ngi Bumbulvuŋ misi ti siifa!» Da i gisiŋ, i kaslsla, yo ti jiviɗ mijeŋŋe na, naɓa sukwi ngi mizli a sa ɗuwulam mi ti slimiɗ nga ya Bumbulvuŋ, yo a sa huhumom di vu.

ZOZUWE 9:18

Israyeley a kiɗaka taŋ ta, asi buyɓi ngi jum ngi Israyeley a hudumom le a mbuŋ taŋ ti Bumbulvuŋ Buymisemuŋ ngi Israyel. Na so na, jum ngi Israyeley a dirɗaka mizli buyɓiheye.

ZOZUWE 9:20

Gwat ndra masa gaka taŋ di ani: I sa pulaka taŋ ti siifa, anja ɓa himaˀ ngi Bumbulvuŋ a po ng'ar ndra ta. Asi mike na, i hudumom le a mbuŋ taŋ ti Bumbulvuŋ.»