ZOZUWE 8:35 - Bible en langue guiziga

³⁵ Gwat Moyis miɓa ɗaˀ le na, Zozuwe a slufa prek prek a mbuŋ jum ngi Israyeley gar, taŋ jom ati ngwasay, ziri waɗ moholoyoy misi a wuzla taŋ.

ZOZUWE 8:35 ပူးပေါင်းရင်းမြစ်များ

ESDRAS 10:1

Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

NEHEMI 8:2

Masay Esdras a so ti ɗerewol ngi Ɓimujuwa nga mbuŋ mizli ar kuso. Ar kus nah i ziley ati ngwasay waɗ ziriy zliv macinam gu. Naɓa i hin mudumbuŋ ngi kiya mitarnaˀ naŋ.

NEHEMI 8:3

Esdras a slufa ɗerewol tuwa, a mbuŋ mizlingre ngi Yama, a mbuŋ ziley ati ngwasay waɗ ziriy zliv macinam gu, zle ngi li biŋ biŋ, hã wuzla papas. Mizli gar a jikaka slimiɗe le kuy kuy ngi cine ɓi ngir ɗerewol Ɓimujuwa nah.

BI NGI ISRAYELEY 12:38

Mizli mekelemey wal wal a ram le asi taŋ ya, waɗ tumuŋ, ˀaway ati slahay ˀuyok ˀuyok.

ZEREMI 26:2

«Ya Bumbulvuŋ i ɓuw na: A ra cici deŋ a wazlaray nga ya Bumbulvuŋ, mizli ngir walahay Zudahay gar, masoko huruk ar hay nga ya Bumbulvuŋ na, ɓi ya maɓuw di ani ɗaˀ ɗaˀ gar, ɓa ki ɓa vur taŋ na, ɓa taŋ di, ko ki pul loŋ ta.

ZOWEL 2:16

Kusoko mizli, zilam vu ngi gi kus mipal. kusoko midigilahaya, cikilaka ziri gawlahay ati ziri ngi mi ɗuwahaya. Gawla muzuɓ ngwas wureˀ aruŋ na, anja a pula viŋ naŋ, ngwas muzuɓ zil wureˀ aruŋ kwana, a pula li hin naŋ.

ZAKARI 8:23

Ya Bumbulvuŋ misi gidaŋ wãˀa, i ɓi na: Angi hin nah na, ziley kuruˀ maɓam mi wal avu ngi cala avu ngi cala na, a sa soko avu mbur Yude, kaw kaw haŋ avu mi ngi zana naŋ, a sa ɓam: «I wuɗam i ram asi ka, asi i cinaka na: Buymisemuŋ naŋ avu kum.»

Mark 10:14

Yesu mupura kahana na, a ji mevel, dar a ɓa taŋ: «Pulaka ziri a soko nga vi ya! Ki tikaka taŋ ta, asi zumabuy ngi muŋ i ngi mizli misi ka taŋ.

SLRA 20:27

Yi ɗum ɓi ko neˀ ta ndiɗaˀ, jiviɗ ngi Buymisemuŋ miɗiya gar na, yi tulukum di mi le gar jaka.

SLRA 21:5

Amma a dirba ndra mikiɗaka mi ngi hin tarnaˀ na, i zuɓam jiviɗ, i ra ram. Taŋ tuwa gar, ngwas taŋhay ati ziri taŋhay gar, a kisam ndra sesẽŋ a duba gala. I dilkam a mi yam a diga, dar i diram dibiɗi.

Slu cuw 29:10

yo ziri kumoy, ngwas kumoy waɗ moholoyoy misi asi hirwuy kumoy, majuwukum dum malla manuwukum yama.

Slu cuw 29:11

Bumbulvuŋ Buymisemuŋ kum, a jum ˀay le wurenna ati kum, ara zulukum ɓa ki tiɓaka ti hudum hadam le aseˀe.

Slu cuw 29:9

Moyis a ɓi: Kum ani cek dana a mbuŋ Bumbulvuŋ Buymisemuŋ kumo aka ati buy kumoy, mizli micawwa kumoy, buyɓi kumoy, kum Israyeley cek ceke,

Slu cuw 31:12

Ki sa cikilaka mizli gar: ziley, ngwasay, ziri, ko mulakay misi ar walahay kumoy, ɓa ngi cine ɓi maslufaka hana, ɓa a dubunakaŋ, a zluwunam ti Bumbulvuŋ Buymisemuŋ kumo, ɓa a jaka mingiɓi ngir ɓimujuwahay gar a hirnga, yo ɓa a kam slimiɗ ar taŋ.

Slu cuw 4:2

Ɓimuɗuva ngi Bumbulvuŋ Buymisemuŋ kum, ya muvulukum di na, ki cam ɓi mekelem ng'ara ta, yo ki zuɓam avra ta ma, amma gam di slra kuy kuy.