ZOZUWE 8:28 - Bible en langue guiziga

²⁸ Zozuwe a wura walahay Aya, a tiri di diŋ, a tiri di ɓuh mikirɗak kirɗak. N'ada kanah, hã dana aruŋ.

ZOZUWE 8:28 ပူးပေါင်းရင်းမြစ်များ

BUYOY MUCUW NAŊ 19:25

Zle misi nga dana ta, miga ɓa gwat tayna a gam na i yaha, yo angi hin mucohomoy zlezle, mukicuwa taŋ ɓa a gam i ya na, ki si na takwa? Wurenna, yi ra ga ɓa a gam muduba so. Walahay muguno hirnga taŋhaya le gun gun ti moholoyo a sa tiram zikitiŋ zikitiŋ ar li purla kaɓa ɗugur mukuso le arleˀe. Mucufuw hĩˀĩ ɓa ki tiri taŋ kaɓa nah ya na, ki si na takwa?

EZAYI 17:1

Tila mi vur walahay Damas. Damasa, anta sa so i wuzla walahay mata, a sa ndir i hohoy ngi diŋ timbirim timbirim.

EZAYI 25:2

Walahaya, ki tiri di ɗugur le kos kos zikitiŋ, walahay muguno le ti moholo, ki tiri di diŋ le. Hay suburo ngi mulakaya, i hay mata, ko anta sa ndiraka hiri naŋ mata ndiɗaˀ wãˀ.

ZEREMI 49:2

Bumbulvuŋ a ɓi: «Yo mbak ɗagay so! Hin ara ndilawa, tapasa, i sa ga ɓa a cinam widi ngi vurum a Raba, walahay ngi Amoŋhoyo. Walahay Raba a sa tiri daŋ daŋ, a sa ɗuvaka vu div div da walahay migweˀ gweˀ ngi cikeˀehey a wuram. Israyele, mizli muzumaka hay naŋ zleˀe na, dar a sa zuma taŋ avu taŋ a muŋ. I ya Bumbulvuŋ maɓi.

ZEREMI 50:26

Soko tisi gazlavay kurzluˀ ng'avaŋ, wunakaŋ mi ngi dirgwaɗ naŋhaya. Cikilaka gwat ngi vurumo tiŋ tiŋ, vulaka da Bumbulvuŋ! Anja ko gwat mandir anta!

ZEREMI 9:11

Da mburo naŋ da ti sinmijileŋ na, anja a sla wala ngi ɓi Bumbulvuŋ miɓaŋ di na, a til di mi. Hirwuy a tiri diŋ le, i muwura le ka wuzlaɓuh kirɗak kirɗak, ko mbur loŋ macuh ti kẽh anta mata na vur mike?

MISE 3:12

Vurˀe, asi ɓi kumo, Siyoŋ a sa tiri kaɓa guva muhuva le ɓultoŋ ɓultoŋ, Zeruzalem a sa tiri kaɓa kitikil, yo muwã ngir hay ngi Bumbulvuŋ a sa tiri ɓuh.

Slu cuw 13:16

kisa kiɗaka mizli ngir walahay nah cek, ki ngizlaka ginew taŋhaya pay. A dirba nah, ki wahaka walahay nah krap krap wãˀ jom ti gwat ngi raˀahaya gar.

Slu cuw 13:17

Ki sa cikilaka zlili taŋhaya gar ar li ngi luuma, joˀ ki ɗuvaka taŋ vu, ki wuraka walahaya ma. A sa tiri kaɓa i mikuli mizlam zlam wãˀ da Bumbulvuŋ Buymisemuŋ kum. A sa tiri diŋ ngi set, ko mbur masa ndira hiri naŋ anta mata wãˀ.

ZOZUWE 4:9

Waɗ ma na, Zozuwe a ngi ɗuguroy kuruˀ nga cuw, ar li masayay majijiraka akoti ngi jumoˀay muɗuvaka sar taˀ taˀ ara tuwa. Ɗugur tayna t'ada dana kwaˀ aruŋ.

ZOZUWE 8:29

Amma buy Ay vuna so na, Zozuwe a luwa law ar widis, hã pastaˀ a gi di. Pas madiɗ so na, joˀ Zozuwe a pula jiviɗ da mizli, ɓa a poko sar ti vagay naŋ tir widise. Mizli a zuɓaka, ara hizigaka a mizlingre ng'ar walahay waɗ a kusom ɗugur kos kos zit a hirnga naŋ. N'ada kanah, hã dana aruŋ.