ZOZUWE 7:24 - Bible en langue guiziga

²⁴ Akan, mangal ngi Zera, dala, zana, ɓiri tapasl tapasl reta kilo tuwa, ziri naŋ mizilehey ati mongosohoy, gusoŋ naŋ, zungu naŋ, ˀaway ati tumuŋ naŋhay, guɗuk naŋ waɗ gwat naŋ misi ti naŋ gar na, Zozuwe a hila taŋ. Israyeley gar jom ng'avaŋ, a ram ti taŋ ng'ar sozo ngi Akor.

ZOZUWE 7:24 ပူးပေါင်းရင်းမြစ်များ

ZLI VIRZI 18:25

Kay, ɓa ki ga kanah na, naŋ kuy ta! Ɓa ki kiɗa mbur mijeŋŋe jom ati migi mungra sukwa? Naɓa mbur mijeŋŋe a tiri le rak rak ati migi mungra. Kay naŋ kuyta wãˀ! Migi kiita da duniya keɗeɗe, ɓa a ga kiita kaslsla ta na, a gi ta.»

Ɗerewol JOP 20:15

Zlili naŋ mitiɓa avu mizli tuwa na, sey a vunoho di. Buymisemuŋ a sa curkuslo di ti kwacay naŋ avra.

BI NGI ISRAYELEY 20:5

Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa.

MIKUCUWULOY 15:27

Mbur misi slra naŋ i hul na, a so ti hiryaˀay a wazlaray naŋ, amma mbur mangum a kakaŋ mi ti gwat ngatara ta na, a sa ndir ti siifa.

TILA MI 5:13

Zlili nah na, a hiryi ar gwat malambaˀhay, da a yi mangal mizile le na, mangal anta lum gwat neˀ le mata.

EZAYI 65:10

Ɓa ngi pula gir da mizli misipi ɗuwoy na, filkiy ngi Saroŋ a sa tiri li zum ngi ˀaw ati tumuŋhoy, yo sozo ngi Akoro, a sa tiri li zum ngi slahay.

Ɗerewol OZE 2:15

Hin ngi naŋ mawur taŋ gwat ngi mikulihey da Baˀal na, i sa ɓaŋ ɓa a slufa ɓi nah: Ti di nah, a ɗiyi vu ti dangwa ati gwat ngi wuyahay, aru ti kil asi mangasl naŋhay, na ya so na, a puyuk ti ya hirnga ɓula. I Buymisemuŋ miɓa.

ZOZUWE 15:7

Maakway a zuɓ paɗ ngir ti Debir, tir sozo Akor. Yo tir vay muŋ, a guno gunno ti Gilgal mpuɗak ar li jiɗ nga Adumim, tir vay ruwuy ngi mizaw. A cuh meehẽ tivi yam ngi En-Semes waɗ ara kiɗ mi a En-Rogen.

ZOZUWE 22:20

Akan, mangal ngi Zera, a gi teŋteŋ ta, asi naŋ muzuɓa gwat mitika jiviɗ nah le. Himaˀ ngi Bumbulvuŋ misa po na, ar jum ngi Israyeley gar takwa? Ko mumuc asi malambaˀ naŋ vuna, i naŋ pal naŋ ta jak ma ayɗi.»

ZOZUWE 6:18

Gwat purla na, sey ki jam lesl kuy kuy so. Gwat mitika le na, anja ki ra hĩyãka ɓa ki zuɓaka da kum ta so tuwaŋ. Naɓa ani kisa soko ti mendere ng'ar kum, walahay guɗuk kum a sa ngizl kap wãˀ.

ZOZUWE 6:21

Gwat misi ar walahaya gar na, a ngizlaka taŋ kap kap ngi ga dudok da Bumbulvuŋ kap wãˀ, ziley ati ngwasay, gawlahay ati midigilahay, gusoŋhoy, tumuŋhoy waɗ zunguhoyo, a ngumaka taŋ ti maslalam kac kac njeleleŋ.

ZOZUWE 7:1

Israyeley a gam teŋteŋ ar ɓi ngi gwat mitika le ta. Akan, mangal ngi Karmi, naŋ vuna i dideˀ ngi Zaɓdi, yo i dideˀ ngi popurok ngi Zera ma, yo naŋ i sukwi ngi Zuda. Gwat Bumbulvuŋ mitika taŋ vurˀe na, a zuɓaŋ. Akẽh na, Bumbulvuŋ a zuɓ himaˀ ar Israyeleye.

ZOZUWE 7:23

Mizli a hilaka gwataya ti hur guɗuko, a ram taŋ da Zozuwe waɗ da Israyeleye gar. A paka taŋ a mbuŋ Bumbulvuŋ.

ZOZUWE 7:26

Ɗugur mukuyupakaŋ ti naŋ na, a slikiɗ zikitiŋ a hirnga naŋ, naŋ da hã dana aruŋ. Akẽh na, Bumbulvuŋ a muca mevele misi ka vu na a muŋ so. Taŋ mazilaka li nah, ‹sozo ngi Akor› hã dana na, vurˀe.