ZOZUWE 7:20 - Bible en langue guiziga

²⁰ Akana kwana a mbiɗa da Zozuwe: «Naŋ kaslsla gisiŋ gwat naŋ, migi mungra avu Bumbulvuŋ Buymisemuŋ ngi Israyel i yaha. Ya miga na, jiviɗ nah a cuh anihĩ:

ZOZUWE 7:20 ပူးပေါင်းရင်းမြစ်များ

ZLI VIRZI 42:21

Dar a ɓam ar wala taŋ na: «Eyˀehe! Ndra mupuraka sukum ndra masi bonoy, naŋ macufuɗa ndra ɓa i purakaŋ ircece, ndra micinakaŋ di ta na, i zluɓam ɓi le avu sukum ndra. Vurˀe, bonoy nah na, a mbuɗo le nga hirnga ndra.»

Ɗerewol JOP 33:27

A zli dimis a mbuŋ mizli, a ɓi: «Zleˀe na, i gi mungra le, i ngila ɓimujuwa le, amma Buymisemuŋ a giy bonoy ter ngi giy di zleˀe na ta.

Ɗerewol JOP 7:20

I gi mungra le kwa? Aw mijiɗa mizli, i guw di i gwat mike? Ki tiri ti ya gwat ngi wi haŋ avu ya ti luvut ɗik vur mike? Yi tiri le avu ka dudok, kaɓa gwat ngi jijir kwa?

DIMISEY 38:18

Ani ya gweˀ ngi ɓuruslu, yo bonoy ɗu anta tiˀi teˀ le ta.

BI NGI ISRAYELEY 10:16

Buy Ezipte a wus vu kutum ngi zilo Moyis ati Aroŋ, a ɓa taŋ: «I gi mungra le avu Bumbulvuŋ Buymisemuŋ kumo waɗ avu kumo ma.

BI NGI ISRAYELEY 9:27

Buy Ezipte a zilo Moyis ati Aroŋ, a ɓa taŋ: «Wurenna, i gi mungra le muduba, mijeŋŋe i Bumbulvuŋ, ndra ati mizli ɗuwoy i zluɓaka le.

SLUFA VU 22:34

Balaˀam a ɓa modro ngi Bumbulvuŋ: «I gi mungra le! K'ada a mbuŋ ɗu a jiviɗe na, i si na zleˀe ta. Amma wurenna, da zuɓa mulak ɗu hana a cǝruw hiri ta na, yi mi le a muŋ.»

Matiye 26:9

A hiɗik dala haɗa, anja a hiɗikaka avra zleˀe, ɓa a vulaka dala naŋ da misi murgahay takwa!»

Matiye 27:4

A ɓa taŋ: «Ya muvula mbur migi gwat ta, ɓa a kiɗaka vagay na, yi gi mungra le.» Amma taŋ a mbiɗakaŋ di: «A ca ndra le kwa? Ka gi di.»

ZOZUWE 7:19

Zozuwe a ɓa Akan tuwa: «Mangal ɗu, vula dudok da Bumbulvuŋ, Buymisemuŋ ngi Israyele, yo hunumaŋ. Gwat ka miga na, bigiy di, anja ki ɗum gwat avu ya ta.»

ZOZUWE 7:21

A wuzla zlili ngi mesene ndrahay na, yi pur zana mezle ngi Mezopotami, kuy naŋ a zli ta wãˀ, yo suloy ngi ɓiri bara skat cuw, waɗ ɓiri tapasl tapaslreta kilo, may taŋ a jiy haɗa teˀe, joˀ yi hila taŋ. T'ani ɗum a ruwuy, a hur guɗuk ɗu, yo dala naŋ da kulaˀ aseˀeŋ.»

SAMUYEL MUDUMBUŊ NAŊ 15:24

Dar Sawul a ɓa Samuyele: «Yi gi mungra le, yi ngila ɓi ngi Buymisemuŋ le, yo waɗ ɓi ɗike. Asi mike na, yi zluwun di i sojehey, joˀ yi cin mi taŋ.

SAMUYEL MUDUMBUŊ NAŊ 15:30

Sawul a ɓaŋ: «Kay, i gi mungra le. Wurenna, ambuh ta kwa, gi ti ya yi mbur mupuɗaw a mihiri ngi mizli micawwahay ati Israyeleye. Mawa, i ram bummoˀ, i ra huruk huruk a mbuŋ Bumbulvuŋ Buymisemuŋ, ɗike.»