ZOZUWE 7:19 - Bible en langue guiziga

¹⁹ Zozuwe a ɓa Akan tuwa: «Mangal ɗu, vula dudok da Bumbulvuŋ, Buymisemuŋ ngi Israyele, yo hunumaŋ. Gwat ka miga na, bigiy di, anja ki ɗum gwat avu ya ta.»

ZOZUWE 7:19 ပူးပေါင်းရင်းမြစ်များ

BUYOY MUCUW NAŊ 20:15

Ezayi a mbiɗaŋ di ma: «A puram mi a hay ɗike ka?» Ezekiyas a mbiɗaŋ di: «A puraka gwat misi a hay ɗuwoyo le ng'ar: zlili ɗu gar manja yi biga taŋ di ta na, anta»

ƁI NGI HINEY MUCUW NAŊ 30:22

Levihey mupulaka mevel taŋ le mbak kuy kuy da Bumbulvuŋ gar na, mingiɓi ngi Ezekiyas a ci le a mevel taŋ. Joˀ a ram ti gi muguzlumo hã hin tarnaˀ, a roko gam mikuli ngi ngiɓiˀay, yo ara gaka sise da Bumbulvuŋ Buymisemuŋ ngi dideˀ taŋhaya.

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

DIMISEY 51:3

Aw Buymisemuŋ ɗu, ka miteŋteŋ haɗa na, puriy ircece. Ka mapur ircece haɗa na, susuyumo mungra ɗuwoy avra.

MIKUCUWULOY 28:13

Mbur maɗumo malambaˀ naŋ na, naŋ anta bi ti jeŋ ta, mbur manjika malambaˀ naŋ, yo maga mata na, a sa pulakaŋ malambaˀ naŋ vuna avra.

EZAYI 13:12

I sa ga ɓa mbur titira a lumam tuwaˀ fineˀ ɓiri tapasl tapasl pal naŋ, a lum tuwaˀ fineˀ ɓiri tapasl tapasl ngi ruwuy Ofire.»

ZEREMI 13:16

Bumbulvuŋ Buymisemuŋ kumo, dumbuŋ ɓa naŋ masa slino luvuŋ, ɓa sar masa bukum tikeˀe avu muwã misi luvuŋ timbiɗim na, gakaŋ dudok daf le. Ki ra kutukom li minjahha, amma naŋ a mbiɗi di luvuŋ makiɗ vu vagay, a mbiɗi di gazlavay mititim titim.

DANIYEL 9:4

I ra dir dibiɗ da Bumbulvuŋ Buymisemuŋ ɗu, i njikaŋ mungra ɗuwoyo, i ɓaŋ: «Aw Bumbulvuŋ ɗu! Ka ki Buymisemuŋ madiɗaŋ, yo magi zluwun da mbur. Mizli mawuɗam ɓimuɗuva ɗikey, yo majaka taŋ a hirnga na, ki ndir ti jumoˀay waɗ ka teŋteŋ avu taŋ.

Ɓimezle ngi Yesu Kristu LUK mitil di mi 17:18

Ko mbur pal asi taŋ mumo nga ga sise da Buymisemuŋ anta, sey mbur Samari hana tewle si kwa?»

Ɓimezle ngi Yesu Kristu ZAŊ mitil di mi 9:24

Farisahay a ziloko mbur dangar tuwa sar mucuw naŋ ma, a ɓakaŋ: «Ɓi njah a mbuŋ Buymisemuŋ! Ndr'i sinaka le, mbur nah i mbur migi mungra.»

ROMAHAY 10:10

Vur mike na, mbur matiɓi ti mevel purla na, Buymisemuŋ a ɗiyaŋ jeŋŋe, yo mbur maɓi njah ti mi naŋ kwana, Buymisemuŋ a lahaŋ.

TIMOTE MUCUW NAŊ 2:25

Sey a kuta mizli mingila miheye ti sekvu. Asinta, Buymisemuŋ a sa vula taŋ jiviɗ a mbiɗaka mevele, ɓa a sinaka ɓi mikaslsla kwani.

Ɗerewol TIT 2:2

Anja ki ɓa midigilahaya, ɓa a wam ti mbaazla ta, i mizli mindilaka le, a cifam ti lesl mezleŋ, a ndiram ar tiɓi mijeŋŋe, a wuɗam vu, a ɓusam ɓi.

Ɗerewol ZAK 1:20

Asi da mbur muzuɓ himaˀ le na, anta gi gwat mijeŋŋe a mbuŋ Buymisemuŋ ta.

ZOZUWE 7:20

Akana kwana a mbiɗa da Zozuwe: «Naŋ kaslsla gisiŋ gwat naŋ, migi mungra avu Bumbulvuŋ Buymisemuŋ ngi Israyel i yaha. Ya miga na, jiviɗ nah a cuh anihĩ:

ƁIMUNJUYO 16:9

Naŋ mazlum ŋcoˀ ŋcoˀ haɗi, mawura mizli tuwa na, dar mizli a zaka Buymisemuŋ misi ti gidaŋ ar bonoy tayna. Amma ko t'anta zilam marava a mevel taŋ, ɓa a vulaka dudok da Buymisemuŋ ta na si.

SAMUYEL MUDUMBUŊ NAŊ 14:43

Akẽh na, Sawul a ɓa Zonataŋ: «Slufiy ɓi ngi gwat ka miga na.» Zonataŋ a slufaŋ di, a ɓaŋ: «Naŋ kanah, yi titil mam le ti mi ngi ganday misi asi haŋ ɗu na. Y'ani, i juw vu le ngi muco.»

SAMUYEL MUDUMBUŊ NAŊ 6:5

Ki sa ndiram gwat kaɓa tandaw waɗ gwat kaɓa kotokomoy muhumbuɗaka gwat ngisi hirwuy kum na, yo kisa vulaka dudok da Bumbulvuŋ ngi Israyele kahana. Asinta, kum ati kuli kumoy waɗ hirwuy kum gar na, naŋ anta sa kutukum ta kwani.