ZOZUWE 7:11 - Bible en langue guiziga

¹¹ Israyeley a gam mungra le. Naŋ kine, jumoˀay ɗu ati taŋ, gwat ya miɓa taŋ di ɗaˀ le, ɓa a jaka a hirnga na, a ngilaka ɓi nah le. Naŋ kanah gisiŋ, gwat ya mitika ɓa a zuɓaka ta na, a zuɓaka le gbaˀa, a huloko le, waɗ mbizeˀ, kulaˀ a wuzla gwat taŋhay.

ZOZUWE 7:11 ပူးပေါင်းရင်းမြစ်များ

BUYOY MUCUW NAŊ 18:12

Ɓi nah migi kanah na, asi Israyeley a cinaka mi ngi Bumbulvuŋ Buymisemuŋ, taŋ na ta, yo asi taŋ mingilaka ɓi naŋ mujum di ˀay ati taŋ na ma. Moyis, gawla ngi Buymisemuŋ, ɓi naŋ muvula taŋ di gar na, ko a cinaka ta, yo a gam di slra ta.

BUYOY MUCUW NAŊ 5:24

Ti taŋ mindilam a Ofel na, Gehazi a tiɓa gabalaya tisi haŋ ngi gawlahay tuwa, a pa taŋ ngi hay naŋ, a mbiɗa taŋ mi, a mam a muŋ.

EZAYI 24:5

Hirwuy a hiryi le asi sar ngi mizli ngi raˀahay vuna, asi ara ngilaka ɓimujuwahaya, ɓi ngi sirikeye, a mbiɗaka taŋ le, jumoˀay taŋ ngi wãˀ ati Buymisemuŋ na, a ngilaka le.

ZEREMI 31:32

Jumoˀay nah na, a sa gi naŋ wal avu ngi ndra mujumom ati dideˀ taŋhay, ti ya mubo taŋ kaw kaw avu haŋ ti ruwuy Ezipte na. Taŋ a ngilaka jumoˀay ɗu le, amma ya, yi buy ngi hay taŋ na si. I ya Bumbulvuŋ maɓi.

Ɗerewol OZE 6:7

Taŋ, a ngilaka jumoˀaya le, kaɓa Adam na ya. kum minjikikiy na, ti ɓi hana:

LEVIHEY 5:15

«Mburo, tir manja sin naŋ na, a gi mungra madiɗa le, asi a zluɓa vula gwat mihĩˀĩ da ya Bumbulvuŋ na le. Na, ɓa ngi ɗiya ɓi nah avu ya na, sey a so ti zlengerek manja hereweɗ ava. A jo di a wuzla tumuŋ naŋhay, yo anja naŋ puɗaw kaslsla avu cikili magam di slra ar hay nga ya Bumbulvuŋ tapasaŋ, ɓa a gi di mikuli ngi ɗiya ɓi naŋ.

HABAKUK 2:6

Amma mizli mujoko taŋ na, a sa jumom gar taŋ, a sa gaka taŋ mi ngi sliŋ ta sukwa? A sa ɓam: «Kum mandiram ar li kuso zlili haɗa ti hulo gwat ngi mizli na, hã ti vunaka? Kay kum ar bonoy! Na ki kusom di i duvus mifineˀ hirnga kum.

ZAKARI 5:4

I slino nis, ɓa ara luuma hay ngi mbur muhul ati hay ngi mbur mahudum ti slire, ɓa a ndir a hay naŋ, a zlizlira haya ati mbalay waɗ ɗuguroyo talalaŋ. I ya Bumbulvuŋ misi gidaŋ wãˀ maɓi.»

Matiye 22:21

A mbiɗakaŋ di: «I ngi buy mimadiɗa.» Dar Yesu a ɓa taŋ: «Wurkaka gwat ngi buy mimadiɗa da buy mimadiɗa, yo gwat ngi Buymisemuŋ kwana, wurkaka da Buymisemuŋ ya.»

SLRA 5:9

Dar Piyer a slaŋ di: «Ki ngiɓamˀay mbri, ɓa ki jiginam mi avu ˀUf ngi Bumbulvuŋ ka? Mizli miram nga dika zil ɗike, ara moko, cine sar t'ani avu miviŋ. A sa ram ti ka ya.»

Slu cuw 17:2

Gwat asinta, pas mekeleme, ar walahay Bumbulvuŋ Buymisemuŋ kumo muvulukum taŋ na, ar pal asi taŋ, mbur zil malla ngwasa, ara gi gwat macira hiri da Bumbulvuŋ ta, ara ngila ɓi ngi jumoˀay naŋ,

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.

ZOZUWE 23:16

Jumoˀay ngi Bumbulvuŋ, Buymisemuŋ kumo, jumoˀay naŋ, naŋ mawuɗo, da ki ra ngilaka ɓi nah, yo da ki ra gam mezegwel da kulihey, ki ra hurkom a mbuŋ taŋ na, naɓa Bumbulvuŋ a sa zuɓ himaˀ kuyta wãˀ ar kumo, yo a sa ngizlukum leɗeɗ kutum angi hirwuy mezle naŋ muvulukum di na.»

ZOZUWE 7:1

Israyeley a gam teŋteŋ ar ɓi ngi gwat mitika le ta. Akan, mangal ngi Karmi, naŋ vuna i dideˀ ngi Zaɓdi, yo i dideˀ ngi popurok ngi Zera ma, yo naŋ i sukwi ngi Zuda. Gwat Bumbulvuŋ mitika taŋ vurˀe na, a zuɓaŋ. Akẽh na, Bumbulvuŋ a zuɓ himaˀ ar Israyeleye.

ZOZUWE 7:10

Bumbulvuŋ tuwa, a ɓa Zozuwe na: «Ki gi mi hurukko a ruwuyo ka? Slikiɗi!

MIGI KIITAHAY 2:20

Bumbulvuŋ a slikiɗ mevel fõh fõh ar Israyeleye, a ɓi: «Ani sukwi ngi mizli hana, a ngilaka ɓi ngi jumoˀay ɗu le, jumoˀay misi ya miɓa ɗaˀ le da dideˀ taŋhaya, yo a cinaka mingiɓi ɗu ta.

SAMUYEL MUDUMBUŊ NAŊ 14:38

Akẽh na, Sawul a zilo buy ngi mizli gar ng'avaŋ, a ɓa taŋ: «Migi mungra wa dana aka na, puraka ɓi nah kuy kuy.