ZOZUWE 6:25 - Bible en langue guiziga

²⁵ Rahap, ngwas sulome ati muy naŋhaya, Zozuwe a pula taŋ ti siifa waɗ gwat naŋhay gar. Rahap a cifi a wuzla Israyeleye hã dana, asi mizli Zozuwe mislina taŋ nga pura walahay Zeriko na, muɗumo taŋ i naŋ.

ZOZUWE 6:25 ပူးပေါင်းရင်းမြစ်များ

Matiye 1:5

Salmaŋ a yi Boˀos, mumuŋ ngi Boˀos i Rahap. Boˀos a yi Yobet, mumuŋ ngi Yobet i Rut. Yobet a yi Zese.

SLRA 2:21

Yo ko wa gar, mazila slimiɗ ngi Buymisemuŋ na, a sa lih.›

HEBEREY 11:31

Mizli macinam mi ta da Buymisemuŋ, Rahaɓ, ngwas sulome, a micam bumoˀ ati taŋ ta na, asi tiɓi. Asi ti di mizli mupura lihey musoko na, naŋ a tiɓa taŋ mulaka le ti zuy.

Ɗerewol ZAK 2:25

Naŋ kanah ya, Rahap, ngwas sulome, a tiɓa mislin ngi Israyeleye, a biga taŋ jiviɗ mekelem ɓa a lahama. Naŋ mitiri jeŋŋe na vurˀe takwa?

ZOZUWE 2:1

Zozuwe, mangal ngi Nuno, a slin mizli cuw, zle a Sitime, ɓa ara puroko li yaŋ yaŋ. A ɓa taŋ: «A ra puroko hirwuyo waɗ walahay Zeriko.» Mupura lihey tuwa, a ram nga Zeriko, a cam ngi hay ngwas sulome ada, a zilaka Rahap, a hinam a hay naŋ.

ZOZUWE 2:18

Ti ndra masa coko nga ruwuy kumo na, zeweɗ gagaza hana, kisa juwa tizirehhe a mi fenetir ka mupo sar ti ndra ti nga na. Ki sa cikila miyi ɗikeye ngi hay ɗiki, sukum ɗikey ati mizli ngi hay kumoyo gar.

ZOZUWE 2:4

Naɓa Rahap a ɗumo mizli mucuwoy tuwa le zleˀe ɗum. Joˀ a mbiɗa da mizli: «Naŋ kanah gisiŋ, mizli tayna a soko le ng'avi ya gwat naŋ, amma taŋ i mizli ngi damahay ka na, i si na taŋ zleˀe ta.

ZOZUWE 2:6

Dambalaka na, ngwas tuwa, a jiɗ ti taŋ le nga hirnga gbale a muŋ, waɗ a ɗumo taŋ ɗum asi dum ngi gugumay mislirkeɗ naŋ micikila zikitiŋ a hirnga gbale naŋ tuwa.

ZOZUWE 4:9

Waɗ ma na, Zozuwe a ngi ɗuguroy kuruˀ nga cuw, ar li masayay majijiraka akoti ngi jumoˀay muɗuvaka sar taˀ taˀ ara tuwa. Ɗugur tayna t'ada dana kwaˀ aruŋ.