ZOZUWE 6:23 - Bible en langue guiziga

²³ Gawla mupura hirwuyoy zleˀe tuwa, a cam ngi hay Rahapa, a boko di ng'avra, naŋ ati miyi naŋhay, sukum naŋhay waɗ gwat naŋhay gar. A boko ti muy naŋhaya gar, waɗ a cifaka taŋ a duba gala, zar avu walahay guɗuk ngi Israyeleye.

ZOZUWE 6:23 ပူးပေါင်းရင်းမြစ်များ

ZLI VIRZI 12:2

I sa tiri tika dideˀ ngi sukwi madiɗaŋ, i sa ɗuwuluw mi, yo i sa ga ɓa slimiɗ ɗik a zil haɗa. Mizli a sa lumam ɗuwula tisi ka.

ZLI VIRZI 18:24

Asinta, kisa lum mizli mijeŋŋehey kukur zlum a Sodomo kwani! Ki sa ziza walahaya gbaˀ na si kwa? Ki sa pula ɓi nah teˀ asi mizli mijeŋŋehey mizli ngir zlum na ta kwa?

ZLI VIRZI 19:29

Dambalaka, ti Buymisemuŋ maziza walahay ngir li tayna, misi Lot ara na, ara wulka Abrahama keŋŋe, a ɗiɗo Loto ti wuzla bonoyo ng'avra.

SLUFA VU 31:19

Na kum vuna so na, mbur mikiɗ mbur le vagay malla mija haŋ le avu vagay ngi mbur gar na, a cifi a duba gala hã hin tarnaˀ. Ki sa zuɓaka dili kumoy ar hin mimakir naŋ waɗ hin mitarnaˀ naŋ. Beke kumoy a sa gaka kahana ya.

SLRA 10:28

Dar a zla a ɓi: «Ɓa mbur Yude, a ndir ɓaˀ ngi ru ngi hay mbur Yude ta, malla ko ngi ru blaw blaw kwana, ki sinaka le, i mungra madiɗaŋ. Amma ya, Buymisemuŋ a bigiy di le, ɓa i pura mburo i misi dili malla i manja dili na, a gi ta.

SLRA 27:24

yo a ɓiy na: ‹Pol, ki zluwun ta, anja ki ra cici gbaˀ a mbuŋ buy mimadiɗa ngi Roma, mizli kum misi bumoˀ a hur palalama gar na, Buymisemuŋ a puluw siifa taŋ le asi haŋ ɗike, ɓa ki ra tuwuɗam.›

KORENTIHEY MUDUMBUŊ 5:12

Asi mizli misikristuhoy ta gar na, maga taŋ kiita i ya ma kwa? Anja kumo, ki gam kiita da mizli ngir jum kum aya takwa?

EFESEY 2:12

Zleˀe na, kum kileŋ avu Kristu, kum i mulakay. Kum anta wuzla mizli ngi Buymisemuŋhoyo ta. Buymisemuŋ mujum ˀay ati mizli naŋhay, naŋ miɓa ɗaˀ le na, kum anta nga ta. Kum manja Buymisemuŋ ar duniya, yo manja njaha hiri.

HEBEREY 11:31

Mizli macinam mi ta da Buymisemuŋ, Rahaɓ, ngwas sulome, a micam bumoˀ ati taŋ ta na, asi tiɓi. Asi ti di mizli mupura lihey musoko na, naŋ a tiɓa taŋ mulaka le ti zuy.

HEBEREY 11:7

Buymisemuŋ miɓa Nowe ɗaˀ ɗaˀ le, vur gwat masa gi, ko da Nowe anta pura gwat tayna t'aruŋ tekeɗe kwana, amma a ki slimiɗ le ar ɓi nah kuy kuy, a ɗiya palalam ngi laha hirnga naŋ ati ngi mizli ngi hay naŋhaya na, asi tiɓi. Naŋ kine, Nowe a ga kiita le da duniya, joˀ Buymisemuŋ a puraŋ, naŋ jeŋŋe na, asi tiɓi.

ZOZUWE 2:13

kisa pulaka miyi ɗuwoyo ti siifa, sukum ɗu mizile ati mongosohoy, waɗ gwat taŋ misi ti nah gar, yo kisa laham ndra avu muco.»

ZOZUWE 2:16

Dar a ɓa mizli tuwa: «Ngam hirnga kini nga muwã, vur mizli masupukum na, masa lumukum. Ki ra ɗumom a diga, hã hin makir kwaɗay, sey da mizli masupukum na, a moko le. A dirba nah so na, kisa zuɓaka jiviɗ kumo gwaɗ kum.»

ZOZUWE 2:18

Ti ndra masa coko nga ruwuy kumo na, zeweɗ gagaza hana, kisa juwa tizirehhe a mi fenetir ka mupo sar ti ndra ti nga na. Ki sa cikila miyi ɗikeye ngi hay ɗiki, sukum ɗikey ati mizli ngi hay kumoyo gar.

MIGI KIITAHAY 1:25

Mbur tuwa, a biga taŋ di, dar dideˀ ngi Manase ati ngi Efrayimeye, a ngizlaka mizli ngir walahaya ti maslalam, amma a pulaka mbur mibiga taŋ li tuwa, a cohom ati muy naŋhaya gwaɗ naŋ.