ZOZUWE 6:21 - Bible en langue guiziga

²¹ Gwat misi ar walahaya gar na, a ngizlaka taŋ kap kap ngi ga dudok da Bumbulvuŋ kap wãˀ, ziley ati ngwasay, gawlahay ati midigilahay, gusoŋhoy, tumuŋhoy waɗ zunguhoyo, a ngumaka taŋ ti maslalam kac kac njeleleŋ.

ZOZUWE 6:21 ပူးပေါင်းရင်းမြစ်များ

BUYOY MUDUMBUŊ NAŊ 20:42

Dar mijiviɗ ngi Buymisemuŋ a ɓaŋ: «Bumbulvuŋ a ɓi na: ‹Ya, i vul mbur le ngi kiɗ vagay, amma ka, ki pula, a lihi. Vurˀe, kisa wurka hirnga naŋ ti siifa ɗiki. Sukwi ɗikey kwana, a sa wurkaka hirnga ngi sukwi ngi mizli naŋhaya, ti siifa taŋ ya.›»

ZEREMI 48:18

Mizli Diboŋhoy, poko sar tir dudok kum na, cifam ar madalyam, mihirya Moˀapa, ara ru nga zlukum ngi kiɗa vu, ara waha mohol ngi walahay mugun hirnga ɗike.

Slu cuw 13:16

kisa kiɗaka mizli ngir walahay nah cek, ki ngizlaka ginew taŋhaya pay. A dirba nah, ki wahaka walahay nah krap krap wãˀ jom ti gwat ngi raˀahaya gar.

Slu cuw 2:34

A dirba nah si na, i tiɓaka walahay naŋhaya cek. I kiɗaka taŋ krap krap pay wãˀ. I ngizlaka ziley, ngwasay waɗ ziri pay wãˀ, ko i pulam mbur ti siifa pal ta.

Slu cuw 7:16

Mizli Bumbulvuŋ Buymisemuŋ kumo muvulukum taŋ le asi haŋ kum gar na, ngizlaka taŋ pay manja ircece. Ki huruk hurukam a mbuŋ kuli taŋhaya ta, vur kuli taŋhay majukum ar kwar.

ZOZUWE 10:28

Kalla tapas nah vuna si na, Zozuwe a zuma walahay Makeda, a kiɗa buy ati mizli ngi raˀahaya gar, a ngizla taŋ kap ti maslalam, ko a pul mbur loŋ ti siifa ta. A gi ti buy Makeda, kaɓa naŋ migi ti buy Zeriko tuwa ma.

ZOZUWE 10:39

A zumaka walahaya, buy ngi raˀa ati prok naŋhaya waɗ mizli ngir taŋ gar na, a kiɗaka taŋ ti maslalam, a ngizlaka taŋ kap kap ngi ga dudok da Bumbulvuŋ. Ko Zozuwe a pul mbur pal le ti siifa ta. A gam ti walahay Debir ati buy ngi raˀa, kaɓa taŋ migam ti walahay Hebroŋ waɗ Lipna ati buy ngi raˀa tuwa ma.

ZOZUWE 11:11

A kiɗaka mizli ngir walahay nah gar ti maslalam, a ngizlaka taŋ kap kap ngi ga dudok da Bumbulvuŋ. Ko gwat misi titirihey loŋ a pulam ti siifa ta. Waɗ a wuraka walahaya zlizlar zlizlar.

ZOZUWE 11:14

Zlili ati ginew ngir walahay tayna gar na, Israyeley a hilaka taŋ da taŋ kaɓa gwat ngi lum ngi vurum. Amma mbur titira gar na, a kiɗaka ti maslalam, hã a ngizlaka taŋ kap kap wãˀ ɓula. Ko gwat misi titiri pal a pulam ti siifa ta.

ZOZUWE 8:2

Ki sa gi ti walahay Ay ati buy ngi raˀa, kaɓa ka migi ti walahay Zeriko ati buy ngi raˀa na ya. Amma so na, zlili ati gineweye gar na, kisa hilaka taŋ da kum, kaɓa gwat ngi lum ngir vurum. Pi soje mipi hirihey sek ɗum ti duba walahaya.»

ZOZUWE 8:22

Israyel mekelemey a boko tir walahaya nga ji ti taŋ hirnga. Mizli ngi Ayaya a puraka na, ti ka i Israyeley ti ka i Israyeley, taŋ guc a wuzla. Joˀ Israyeley a kiɗaka taŋ biniˀ biniˀ, mbak ko a pulam mbur purla le ti siifa ta, yo ko mbur milih pal tekeɗe anta ma kini.

ZOZUWE 9:3

Mizli Gabaˀoŋhoyo gwat Zozuwe miga a Zeriko waɗ a Ay na, taŋ a cinaka ɓi nah le.

ƁIMUNJUYO 18:21

Modro migidaŋ a zuɓa ɗugur mududok ka ngurvuŋ, a hiziga dizlim ti gidaŋ ng'ar mubuliy, a ɓi: «A sa hizigaka Babiloŋ, walahay madiɗa, ti gidaŋ, kanah ya, anta sa lumaka mata wãˀ.

SAMUYEL MUDUMBUŊ NAŊ 15:3

Wurenna so na, ara kiɗa Amalekeye vagay vagay. Gwatay taŋ misi ti taŋ gar na, ki ngizla taŋ, ko ki ra pul ta. Ziley, ngwasay, ziri memeɗehey ati ziri ngi mi ɗuwahay, slahay ati tumuŋhoy, zlogomohoy ati zunguhoy gar na, ki kiɗa taŋ vagay vagay.

SAMUYEL MUDUMBUŊ NAŊ 15:8

Agak, buy Amaleke, a jakaŋ naŋ ti ji, a kiɗa ta, amma a ngizlaka mizli gar ti maslalam.