ZOZUWE 6:19 - Bible en langue guiziga

¹⁹ Ɓiri bara, ɓiri tapasl tapasl ati gwat ngi ɓiri gaza waɗ gwat ngi ɓiri ho gar na, i muvula taŋ le gar da Bumbulvuŋ. A sa paka taŋ ng'ar zlili ngi Bumbulvuŋ.»

ZOZUWE 6:19 ပူးပေါင်းရင်းမြစ်များ

SAMUYEL MUCUW NAŊ 8:11

Gwat tayna, buy Davit a vula taŋ ɓa a ndiram da Bumbulvuŋ, jom ng'avu ɓiri bara ati ɓiri tapasl tapasl naŋ muvulaŋ taŋ zleˀe na ma. I gwatay naŋ mutuɓo taŋ ti vu sukwi naŋ muzumo taŋ gar anihĩ:

BUYOY MUDUMBUŊ NAŊ 14:26

Zlili ngir hay ngi Bumbulvuŋ ati zlili ngi hay buyo a hila taŋ. A hila gwataya slar slar gar si, ko mbaray ngi ɓiri tapasl tapaslay Salomon muvuɗa taŋ na kwana, a hila taŋ le.

BUYOY MUDUMBUŊ NAŊ 7:51

Salomoŋ, ti naŋ mikiɗa mi ngi slra ngi ndira hay ngi Bumbulvuŋ wãˀ na, a ɓa mizli, a soko ti gwatay, cine naŋ Davit muvula taŋ da Bumbulvuŋ zleˀe na: i ɓiri bara, ɓiri tapasl tapasl, ati gwat mekelemey wal wal, waɗ a pa taŋ gar taŋ ar viŋ ngi zlili angi hay ngi Bumbulvuŋ.

BUYOY MUCUW NAŊ 24:13

Zlili ngir hay ngi Bumbulvuŋ ati zlili ngi hay buyo Nabukodonozor a hila gar. Yo gazlanga ngi ɓiri tapasl tapaslay misi ar hay ngi Bumbulvuŋ, Salomoŋ, buy Israyel muvuɗa taŋ zleˀe na, a nguɓuco taŋ gar nguɓoc nguɓoc. Hana gar a gi na kaɓa Buymisemuŋ miɓa zleˀe.

ƁI NGI HIN GAR MUDUMBUŊ NAŊ 18:11

Gwat tayna vuna, Davit a vula taŋ da Bumbulvuŋ, bac nga hirnga ɓiri bara ati ɓiri tapasl tapasl naŋ mutuɓo taŋ avu sukwi ngi mizli Edomoy, ngi Moˀapay, ngi Amoŋhoy, ngi Filistihey waɗ ngi Amalekey na ma.

ƁI NGI HIN GAR MUDUMBUŊ NAŊ 26:20

A vulaka buyɓi ngi ji zlili ngir hay Buymisemuŋ waɗ gwat muvula le da Buymisemuŋ na, da Levihey cah.

ƁI NGI HIN GAR MUDUMBUŊ NAŊ 26:26

Davit ati buyoy misi a wuzla muy taŋhay, waɗ soje muwam mizli durmuk durmukoy, ati skat skatay, muvulaka gwatay mipal da Buymisemuŋ na, buyɓi naŋ i Selomit ati sukum naŋhay.

ƁI NGI HIN GAR MUDUMBUŊ NAŊ 26:27

Gwat taŋ mulumoko di ar vurumo, a vulam cah ngi ɗiya hay ngi Bumbulvuŋ.

ƁI NGI HIN GAR MUDUMBUŊ NAŊ 26:28

Gwat mijiviɗ Samiyel muvula taŋ, Sawul mangal ngi Kis muvulaŋ, Abner mangal ngi Ner muvulaŋ waɗ ngi Zoˀap mangal ngi Seruya muvulaka taŋ gar na, buyɓi naŋ, naŋ avu Selomit ati sukum naŋhaya ma.

ƁI NGI HIN GAR MUDUMBUŊ NAŊ 28:12

A vulaŋ ɗerewol naŋ mutoho toh toh, naŋ muro ti wuluk ngi gi naŋ ngi gi naŋ a wazlaray ngi hay ngi Bumbulvuŋ gar, hayay ngi ndir gun gun a ciki wazlaray, hayay ngi cikila zlili ar hay ngi Buymisemuŋ waɗ gwat muvula taŋ le da Buymisemuŋ.

ƁI NGI HINEY MUCUW NAŊ 15:18

Gwatay, cine naŋ muvula taŋ zleˀe da Bumbulvuŋ ati misi naŋ vuna muvulaŋ taŋ: i ɓiri bara, ɓiri tapasl tapasl ati gazlangahay wal wal na, Asa a ɓa mizli, a soko taŋ ng'ar hay ngi Bumbulvuŋ:

ƁI NGI HINEY MUCUW NAŊ 31:12

Gwatay mizli mawuɗam avu gwat ngi migamay, mukuruˀ ngi gwatay ati gwat muvulahay le da Buymisemuŋ tuwa, a soko taŋ ng'ara so. Konaniya, mbur levi, a wunakaŋ naŋ i miji kaw ngi gwatay, mijingaˀ naŋ kwana, i sukum naŋ Simey.

NEHEMI 10:38

Maɗaf mufukuɗa mimezle ndraˀahaya, yi ngi widis ngi zumoyo gar, mbaazla si ati mal ndraˀahaya, i wuɗoko cah cah avu taŋ, i ram di da masay ndrahay misi ar viŋhey ar hay ngi Buymisemuŋ ndra waɗ mukuruˀ ngi gwat ngi migam ndraˀahaya kwana da Levihey. Levihey a sa ra tuɓoko mukuruˀ ngi gwata, ar walahayay ndra magam slra ara gar.

ZEREMI 38:11

Ebet-Melek tuwa, a hil mizli jom ng'avaŋ, aru ngi hay buyo, a hil kecekecehey ar hay ngi wi vu tu gwataya, a tila da Zeremi tuwa ti zeweɗe.

LEVIHEY 19:24

Angi vi mumufaɗ naŋ na, a sa vulaka yi taŋhaya gar da ya Bumbulvuŋ, angi muguzlum ngi hunumavu.

MISE 4:13

Diyli Siyoŋ, slikiɗ, ɗugo dawa, i sa tiri ti kakaɓa gwat misãmi misi durum ngi ɓiri, yo misi sar ngi ɓiri gaza. Ki sa mburusl mizli zigiduw taˀ taˀ haɗa, gwat ngi lum taŋ ngir vurumo, kisa ngizla taŋ ngi vul da Bumbulvuŋ, yo zlili taŋhaya, ngi vul da buy ngi ruwuy kurzluˀ gar.

SLUFA VU 31:11

Dar a cohom ti gwat taŋ mulumoko taŋ ar vurumo gar, mizli ati ginewey, taŋ mujoko taŋ.

SLUFA VU 31:12

A cohom ti gwat tayna gar ng'ar walahay taŋ misi ar li micay ngi Moˀap, migweˀ avu mizaw Zurdeŋ, mupuɗak angi Zeriko na. A ram taŋ cek nga mbuŋ Moyis ati masay Elazar waɗ nga mbuŋ jum ngi Israyeley gar.

SLUFA VU 31:22

gwat ngi ɓiri tapasl tapasl, ɓiri bara, ɓiri gaza, ɓiri ho gar, ɓiri eteŋ waɗ plom,

Matiye 27:6

Masay madiɗahay a hilaka dala tuwa, a ɓam: «Ɓa i paka dala hana nga wuzla zlili ngir hay ngi Bumbulvuŋ na, ɓi ndra a pula jiviɗ nah ta, asi i dala ngi pumbus ngi mburu.»

Mark 12:41

Yo Yesu a cifi le puɗak angi gwat macikilam di dala ar hay ngi Bumbulvuŋ, ara jiɗa zigiduw mapa dala ng'araŋ. Misi zlilihey haɗi a pam dala haɗi.

ZOZUWE 7:11

Israyeley a gam mungra le. Naŋ kine, jumoˀay ɗu ati taŋ, gwat ya miɓa taŋ di ɗaˀ le, ɓa a jaka a hirnga na, a ngilaka ɓi nah le. Naŋ kanah gisiŋ, gwat ya mitika ɓa a zuɓaka ta na, a zuɓaka le gbaˀa, a huloko le, waɗ mbizeˀ, kulaˀ a wuzla gwat taŋhay.