ZOZUWE 5:14 - Bible en langue guiziga

¹⁴ Mbur tuwa, a mbiɗaŋ di: «Kay! kanah ta, yi madiɗa ngi soje ngi Bumbulvuŋhoy. Yi ndilo wureˀ ani.» Ar nah na, Zozuwe a pula vu nga ruwuy, a huruk huruk, a ɓaŋ: «Ani ki ɓiy ya gawla ɗike na mbri ska, Buy ɗu?»

ZOZUWE 5:14 ပူးပေါင်းရင်းမြစ်များ

ZLI VIRZI 17:17

Abraham a huruk huruk a ruwuy, dar a singir, a ɓi ti kwacay naŋ: «Na, mbur ngi vi skata, a yi mbri maka gawlay! Yo Sara, ngwas ngi vi kukur ngoltire, ɓa hã a yi maso!»

ZLI VIRZI 17:3

Abram a huruk huruk a ruwuy, Buymisemuŋ a ɓaŋ ma:

SAMUYEL MUCUW NAŊ 7:19

Dambalaka, avu ka na, Buymisemuŋ, hana naŋ preˀ ɗagay. Ki ɓi le vur hay ngi gawla ɗike zlezlezleˀe ma. Haˀaw Buymisemuŋ, gwat masa gi na, ki bigiy di le da ya mbur ngatara ma.

SAMUYEL MUCUW NAŊ 7:20

Bumbulvuŋ, Buymisemuŋ, ya gawla ɗik Davite, i sa ɓuw mbri maka, asi mike, ki siniy le si.

DIMISEY 110:1

Dimis ngi wuzla dimis ngi Davitey. Bumbulvuŋ, Buymisemuŋ a ɓa buy madiɗa ɗu ani: «Cifi joˀ tir vay hazum ɗu, ɓa mesene ɗikeye, i tiri taŋ li ɗuva sar ɗiki.»

DIMISEY 24:10

—Buy madiɗa misi ti dudok vuna i waka? -I Bumbulvuŋ misi gidaŋ wãˀ, Buy madiɗa misi ti dudoko i naŋ.

BI NGI ISRAYELEY 4:10

Moyis a ɓa Bumbulvuŋ na: «Ambuh takwa Bumbulvuŋ ɗu, yi si na ɓi ɓi ɗaˀ ɗaˀa ta, zlezle vuna, i si na mi ta, ko zle ti ka maɓiy ya gawla ɗik vuna si na, i si na mi ta si. I ɓa mi tuwaˀ tuwaˀ, irne ɗu naŋ gbiˀgbiˀ haɗa.»

BI NGI ISRAYELEY 4:13

Moyis a mbiɗaŋ di: «Ambuh takwa Bumbulvuŋ, slin mbur ka muwuɗ le gar ɓa ara ɓa ɓi nah!»

EZAYI 55:4

Yi cifaŋ naŋ le i sedewo ngi biga gidaŋ ɗu da sukwi ngi mizli, i buy, yo i madiɗa ngi mizli ma.

EZAYI 6:8

Dar i cin ˀay ngi Bumbulvuŋ. A ɓi: «I sa slin waka? Masa gi mijiviɗ ndra i waka?» Joˀ yi mbiɗaŋ di: «Y'ani, ka sliniy.»

EZEKIYEL 3:23

I slikiɗ, i bi ng'ar sozo tuwa. Keɗ na, dudok ngi Bumbulvuŋ a diga. A pur kaɓa ya mupura zleˀe a mi mizaw Kebar tuwa. Dar i huruk huruk a ruwuy.

DANIYEL 10:13

Yerima misi i modro ngi ruwuy Perse, a cici kaŋ kaŋ avu ya, hã hin kukur cuw ngaŋ kaˀa. Amma pura Misel, ngi wuzla modro mudumbuŋhoy, a so jiniy, joˀ yi sa ndir a ciki buy Perse.

DANIYEL 10:21

Amma yi sa tiluw mi ti ɓi ngi gwat mutoho ar Ɗerewol ngi ɓi mikaslsla. Mbur masa jiniˀis asi ya anta, sey Misel yarma, modro kum na tewle.

DANIYEL 12:1

«Modro ngi Bumbulvuŋ a ɓiy na: ‹Ti hin tayna, Misel madiɗa ngi vurum ngi muŋhoyo naŋ macici zlak ar mizli ɗikey na, a sa bugo vu. A sa tiri i hin ngi muɗa didakay, zle ar zli virzi ngi ruwuy, hã dana, ko gwat ngi muɗa didak kanah, a gi ɗaˀ ta. Ti hin tayna, mizli ɗikey a sa laham, ko wa gar a wuzla taŋ, misi slimiɗ naŋ i mutoho le ar ɗerewol ngi siifa na, a sa lihi.

DANIYEL 8:11

A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

LEVIHEY 9:24

Vu a bo ti mbuŋ Bumbulvuŋ, a zluma mikuli ngi zlum ti zlum ati munguloy tuwa, zlam zlam ar li gi mikuli. Mizli gar mupuraka kanah na, a jam salalay, a hurukom huruk huruk a ruwuy.

SLUFA VU 16:22

Amma Moyis ati Aroŋ, a hurkom huruk huruk, a ɓam: «Aw Bumbulvuŋ, ka mavul siifa da gwat ka miga gar, vur mbur purla migi mungra ma na, ki ji mevel ar jum ngi mizilehey keɗeɗe vur mike?»

SLUFA VU 22:31

Dar ar nah akẽh, Bumbulvuŋ a wuna hiri ngi Balaˀama, a pura modro ngi Bumbulvuŋ mideŋ a jiviɗe, maslalam ceɗ kaw a haŋ. Balaˀam a huruk huruk a mbuŋ naŋ.

Matiye 22:44

«Bumbulvuŋ a ɓa Buy ɗu: So cifi joˀ tir vay hazum ɗu, ɓa hã yi hina mesene ɗikey asi sar ɗiki.»

Matiye 8:2

Joˀ mbur misi kukula a girdoˀo ng'avaŋ, a ɓaŋ: «Buy, da ki ngum le na, ki ɗiyiy gu.»

Ɓimezle ngi Yesu Kristu LUK mitil di mi 1:43

I ya wa, ɓa hã mumuŋ ngi Buy ɗu a so ngi hay ɗu ya na ka?

Ɓimezle ngi Yesu Kristu LUK mitil di mi 20:42

Asi mike na, angi ɗerewol Dimise, Davit ti hirnga naŋ a ɓi na: ‹Bumbulvuŋ a ɓa Bumbulvuŋ ɗu: Cifi joˀ tir vay hazum ɗu,

Ɓimezle ngi Yesu Kristu LUK mitil di mi 5:12

Akẽh na, ti Yesu misi angi walahay mekelem ada na, mbur ada a diga, kukula a bo avu vu naŋ tisl gar. Ti naŋ mupura Yesu na, a dira dibiɗe durus a ruwuy, a tumbuloŋ, a ɓaŋ: «Buy, da ki ngum le na, ki ɗiyiy gu.»

Ɓimezle ngi Yesu Kristu ZAŊ mitil di mi 20:28

Tomas a mbiɗaŋ di: «Aw Bumbulvuŋ Buymisemuŋ, ɗu!»

SLRA 9:6

Amma slikiɗ so, walahaya, yo a sa ɓukuw ɓi ngi gwat ka masa gaŋ.»

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.

HEBEREY 2:10

Naŋ kine, Buymisemuŋ miga gwatay gar, yo naŋ majaha taŋ gar na, a zlir le ava ɓa a tiri ti Yesu, a sa bonoy naŋ na, ko gwat makic neˀ anga, anta wãˀ, ɓa aru ti ziri haɗi nga lum dudok naŋ na ya. Asi mabiga taŋ jiviɗ ngi lih, i naŋ.

ZOZUWE 20:1

Bumbulvuŋ a ɓa Zozuwe:

ƁIMUNJUYO 12:7

Akẽh na, vurum a muŋ. Misel ati modro naŋhay a kiɗam vu ati ngoŋngoŋ. Ngoŋngoŋ ati modro naŋhay kwana, a kiɗam vu ati ngi Miseley aya.