ZOZUWE 3:17 - Bible en langue guiziga

¹⁷ Masayay, majijiraka akoti ngi jumoˀay ngi Bumbulvuŋ, a cicam dedeŋ ar li mingbaŋ ngbaŋ a wuzla mizaw Zurdeŋ, ko a wusam neˀ ta. Dar mizli Israyeley gar a tuwuɗaka mizaw Zurdeŋ ti sar njiraŋ njiraŋ, hã zigiduw gar a tuwuɗu.

ZOZUWE 3:17 ပူးပေါင်းရင်းမြစ်များ

BUYOY MUCUW NAŊ 2:8

Akẽh na, Eli a cuko zana naŋ, a fuɗa faɗ faɗ, waɗ a kiɗa yama ti naŋ, yam a ngic a wuzla cuw. Taŋ tuwa cuw taŋ a cohom ti sar ngbaŋngbaŋ.

DIMISEY 66:6

A mbiɗa mubuliye, a tiri di ruwuy migidaŋ gidaŋ, mizli a cohom a mizawa, ti sar njiraŋ njiraŋ. Mumulukum vur gwat madiɗa naŋ miga nah.

BI NGI ISRAYELEY 14:21

Moyis a zuɓa haŋ ng'ar mubuliye, kap ngi duvuɗo, Bumbulvuŋ a kursa yam ngir mubuliye ti burkataŋ gambara maso tisi pas ngi miprik, a hila yama, yam a wucuh wucah, li a ndir ngbalaŋ ngbalaŋ.

BI NGI ISRAYELEY 14:22

Israyeley a tuwuɗaka mubuliye ti sar njiraŋ njiraŋ. Yam a gi toŋ toŋ tir hazum taŋ, toŋ toŋ tir gula taŋ kaɓa mohol.

BI NGI ISRAYELEY 14:29

Amma Israyeley a tuwuɗaka mubuliye zleˀe ti sar njiraŋ njiraŋ, yam a gi toŋ toŋ ti hazum, toŋ toŋ ti gula kaɓa mohol.

EZAYI 25:8

A sa kiɗa muco ngi wãˀa. Bumbulvuŋ Buymisemuŋ a sa sõhõ tuwuy ngi hiri mizli gar, yo a sa ɓula mesem ngi mizli naŋhaya, asi ruwuy keɗeɗe. Naŋ Bumbulvuŋ a ɓa le.

SLUFA VU 33:51

«Ɓa Israyeleye na: ti kum misa tuwuɗaka mizaw Zurdeŋ le, ɓa ki cam nga hirwuy Kanaˀan na,

HEBEREY 11:29

Israyeley a tuwuɗaka mubuliy gaza njiraŋ njiraŋ, i li muˀulo na, asi tiɓi. Amma Eziptehey mututumaka ɓa a tuwuɗam aya na, yam a nda taŋ pay.

ZOZUWE 4:1

Sukwi Israyele, ti taŋ mutuwuɗaka mizaw Zurdeŋ a kiɗ mi le muduba na, Bumbulvuŋ a ɓa Zozuwe:

ZOZUWE 4:10

Masayay majijiraka akoti ngi jumoˀaya, a cicam dedeŋ a wuzla mizaw Zurdeŋ, hã gwat Bumbulvuŋ miɓa ɗaˀ le da Zozuwe ɓa a ɓa da Israyeley tuwa, a gi wãˀ kwaɗay. A gi kasl kasl kaɓa Moyis miɓa ɗaˀ le da Zozuwe tuwa. Joˀ mizli a wusam vu ngi tuwuɗa mizawa kutum kutum.

ZOZUWE 4:11

Mizli, ti taŋ mutuwuɗam nga dubazaw vay diga, a kiɗ mi le muduba na, akoti ngi Bumbulvuŋ ati masayaya, a kam ɓaˀ a mbuŋ mizli a muŋ.

ZOZUWE 4:22

kisa mbiɗaka taŋ di na: Israyeley a tuwuɗaka Zurdeŋ hana, ti sar njiraŋ njiraŋ.

ZOZUWE 4:3

Yo ɓaka taŋ ɗaˀ le: ‹Hilam ɗuguroy kuruˀ nga cuw a hur mizaw Zurdeŋ aka, ar li ngi sar ngi masayay muɗuvaka taˀ taˀ, ko a wusam was le ta na. Ki sa ram taŋ a haŋ, yo kisa paka taŋ ar li kum masa cicam anga ɓa ki hinam na.›»

ZOZUWE 5:1

Buy madiɗa ngi Amorihey misi ti dubazaw Zurdeŋ, kini tisi pas ngi pastaˀ naŋ, yo buy madiɗa ngi Kanaˀanay misek duba cakay ati mubuliy Mediterane, a cinaka le, Bumbulvuŋ a hisika yam ngi mizaw Zurdeŋ le hisik a mbuŋ ndra, hã i cohom. Taŋ micinaka cin kanah na, a huluɓa taŋ hilaɓ hilaɓ, yo ko a musuwunam fẽh a mbuŋ Israyele gu mata.