ZOZUWE 24:31 - Bible en langue guiziga

³¹ Ti hin ngi siifa ngi Zozuwe gar na, Israyeley ara huruk hurukam a mbuŋ Bumbulvuŋ. Yo ko a dirba Zozuwe, ti hin ngi siifa ngi mizli micawwahay, mizli misinaka gwat Bumbulvuŋ miga taŋ gar vur Israyeley na, kanah ma.

ZOZUWE 24:31 ပူးပေါင်းရင်းမြစ်များ

ZLI VIRZI 14:10

Vigiɗ ngi tebeɗ gudroŋ ada haɗi ar sozo ngi Sidim vuna. Buy ngi Sodom ati ngi Gomoro, a kilam, ara ndilam ar taŋ, mizli mindirama, a kilam nga muwã.

ƁI NGI HINEY MUCUW NAŊ 24:2

Ti masay Yoyada, misi ar siifa na, Zoˀas a gi gwat mikaslsla a mihiri ngi Bumbulvuŋ.

ƁI NGI HINEY MUCUW NAŊ 34:33

Akẽh na, Zoziyas a susuyumo gi gwat malambaˀ mukuyta wãˀ ngi si ruwuy Israyele gar, yo a tikaˀay da mizli ngi si ruwuy Israyel gar, ɓa a huruk hurukam a mbuŋ Bumbulvuŋ Buymisemuŋ taŋ. Angi hin ngi siifa ngi Zoziyasa gar na, ko Israyeley a mbiɗam duba avu Bumbulvuŋ Buymisemuŋ ngi dideˀ taŋhaya ta.

SLRA 20:29

Yi si na le kuy kuy, a dirba ya mucuh le na, kiriɓuh miji vuhoy, a sa coko a wuzla kumo, t'anta sa wam vu ti gineweye ta.

Slu cuw 11:2

Na ki sinaka le, ya maɓi dana ani na, i ziri kumoy ta, asi jiviɗ Bumbulvuŋ mibigi di gidaŋ naŋ na, taŋ a puraka ta, a si na ka ta Amma yi ɓi di i kum migam sedewo ngi madiɗa naŋ ati gidaŋ naŋ mihaɗa na.

Slu cuw 11:7

Haˀaw, gwat madidiɗahay Bumbulvuŋ miga taŋ na, ki puraka taŋ le ti hiri kumo.

Slu cuw 31:13

Ɓa ziri taŋhay misinaka zleˀe ta na, a cinamaya. Naŋ kine, a sa dubunaka cine mi da Bumbulvuŋ Buymisemuŋ kumo angi hin ngi siifa kum gar, kum masa cifam angi hirwuy masa ndir da kum a dubazaw Zurdeŋ na.»

Slu cuw 31:29

Asi a dirba muc ɗu, yi si na le, Israyeley a sa hiryam wãˀ, joˀ kisa cohom kileŋ avu jiviɗ ya mubugukum di na. Nga mbuŋ so na, kisa jam hirnga ti mendere, asi ki gam malambaˀ le a mihiri ngi Bumbulvuŋ, dar kisa slikiɗaka mevel da Bumbulvuŋ ti gwat ngi gi kumo.»

FILIPIHEY 2:12

Naŋ kanah, yeme ɗuwoy, zleˀe na, ki cinikiy mi le ndrehhe. Anja ki cinikiy mi, sey da y'ada avu kumo tew ta, amma ko ti ya misi anta avu kum wurenna ta na kwana, cinikiy mi fineˀ misi zleˀe jaka. Cikam vu ti ɓi ngi lih kumo, ti zluwun waɗ ti jijik kirkir.

MIGI KIITAHAY 2:10

Akẽh na, mizli mendele tayna gar a micam. A dirba taŋ, mizli mendele mekelemey a slam ma, amma taŋ a sinaka Bumbulvuŋ mata, ko slra naŋ miga da Israyeley na kwana, a si na ka ta

MIGI KIITAHAY 2:6

Zozuwe a waha zigiduwo, Israyeleye, mbur gar na, nga ruwuy nga naŋ nga naŋ, ɓa ngi tiɓa hirwuyo.

MIGI KIITAHAY 2:7

Mizli Israyeley a gam slra da Bumbulvuŋ ar siifa ngi Zozuwe gar waɗ ar siifa ngi mizli micawwahay micifam a dirba Zozuwe, i mizli mupuraka slra madiɗahay gar Bumbulvuŋ miga taŋ da Israyeleye.