ZOZUWE 24:20 - Bible en langue guiziga

²⁰ Da kum misa pulakaŋ naŋ Bumbulvuŋ le, ɓa ki gam mezegwel da kuli ngi mizli mulakay na, naŋ a sa mbiɗi hirnga avu kum, a gukum malambaˀa. Bam ti naŋ mugukum mezle haɗa na kwana, a sa ngizlukum kuɗup na si.»

ZOZUWE 24:20 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 28:8

Na wurenna a mbuŋ Israyele gar, a mbuŋ kus ngi mizli ngi Bumbulvuŋhoy, yo a mbuŋ Buymisemuŋ ndra na, dubunaka ɓimuɗuva ngi Bumbulvuŋ Buymisemuŋ kumo, yo jaka a hirnga, ɓa ki lumaka hirwuy mezle hana, joˀ kisa pulaka a ndir da ziri kumoy wãˀ ngi set a dirba kumo.

ƁI NGI HIN GAR MUDUMBUŊ NAŊ 28:9

Na ka, mangal ɗu Salomoŋ, dubuna si na bunuko, gi gawla naŋ ti mevel purla, yo ti membezleŋ ngi vu miwirwir. Asi Bumbulvuŋ ara ci a kwacay mizli gar, yo a sla wala ngi wuluk ngi mizli le gar. Da ki ra sipaŋ na, a sa buguw vu ɓa ki lumaŋ. Amma da ki pulaŋ le fuk na, a sa huzuguw a avra ngi sete.

ƁI NGI HINEY MUCUW NAŊ 15:2

a bi, ara luuma Asa, a ɓaŋ: «Ka asa ati mizli Zudahay waɗ Benjameŋhey gar, cinaka mingiɓi ɗu! Da kum ada ati Bumbulvuŋ na, naɓa naŋ da ati kumo. Da ki ra sipakaŋ na, a pulukum vu, ki lumakaŋ. Amma da ki pulakaŋ le fuk na, a pulukum fuko ya.

ESDRAS 8:22

Asi mike na, ɓa i cufuɗa buyo, a vula ndra sojehey ati misi pilisey ngi jigina ndra avu mesene ndrahay a jiviɗe na, kay i mesem. Asi i ɓaka buyo le zleˀe: «Mizli masipaka Buymisemuŋ ndra gar na, ara jigina taŋ ti haŋ naŋ, amma mizli mapulakaŋ fuk na, himaˀ naŋ a zuɓ ti gidaŋ ar taŋ gar.»

DIMISEY 89:31

«Ɓimujuwa ɗu, da ziri naŋhay ara pulakaŋ, yo ɓi ya ɓi micica le na, da t'anta sipaka ta,

EZAYI 1:28

Amma mislikiɗa ɓiheye, a sa zizam jom ati migi mungrahay. Mizli mumbiɗaka duba le da Bumbulvuŋ na, a sa ngizlaka taŋ pay.

EZAYI 63:10

Amma taŋ a slikiɗam ɓi, a giraka ˀUf naŋ mipala. Dar naŋ a mbiɗi hirik ng'ar taŋ, a gi taŋ mesene, naŋ vuna tehhe, a gi vurum ti taŋ.

ZEREMI 17:13

Bumbulvuŋ, Israyel a ɗuva wuluko le taˀ ar ka, mizli mupulukuw le gar na, a roko ti mesem, mizli mikiraham le gar avu ka na, i mija taŋ le ti kiita, asi ara pulaka Bumbulvuŋ, miviɗiviɗi ngi yam miyaɓ yaɓa.

EZEKIYEL 18:24

Amma mbur mijeŋŋe mupula gi gwat mijeŋŋe naŋ na le, a gi gwat malambaˀhay rak rak kaɓa gi gwat mukuyta wãˀ ngi mbur misi moˀore tuwa ya na, a ndir ti siifa sukwani? Slra mijeŋ, naŋ miga taŋ zleˀe gar na, anta sa wulkaka ɓi nah keŋ mata. A muc asi gi teŋteŋ ta naŋ ati mungra naŋ miga taŋ na, a muc asi taŋ.

SLRA 7:42

Amma Buymisemuŋ a mbiɗi duba avu taŋ, a pula taŋ mbak a dilkam a mbuŋ gwat ngi muŋhoy, a gi le kaɓa taŋ mutohoko angi ɗerewol ngi mijiviɗey miɓi: ‹Kum Israyeley, angi vi kukur mufaɗ a wuzlaɓuh na, kum mikiɗaka gwatay, yo kum migaka mikuli na, da ya kwa?

Slu cuw 4:25

Da kum misa cifam le, ki zikam le angi hirwuy muvulukum di tuwa, yo ki yam ziri le, ki ra zilam dideˀ muduba na, ki cam ar mungra ngi ɗiya kulihey ta, ko sukwi ngi gwat wanaka ngi huruk huruk ava gar na, ki ɗiyam ta. Ki gam malambaˀ a mihiri ngi Bumbulvuŋ Buymisemuŋ kumo, ɓa hã a jaŋ mevel ta.

Slu cuw 4:26

Da ki gam mungra misi ka tayna le na, yi ɓukum ɗaˀ ɗaˀ le so tuwa, sedewo ɗuwoy dana, i muŋ ati hirwuy: Hirwuy kum masa tiɓaka da kum a dubazaw Zurdeŋ na, kisa susuymom anga kutum si, kum anta sa zikam anga haɗa ta, a sa ngizlukum pay.

HEBEREY 10:38

Amma mbur ɗu mijeŋŋe na, a sa ndir ti siifa tisi tiɓi. Amma da a mi le nga durba na, membezleŋ ngi dumvu ɗu anta sa mumul vurˀe ta.»

ZOZUWE 24:21

Mizli a mbiɗaka da Zozuwe: «Kay, kanah ta, ndr'i sa gaka mezegwele da Bumbulvuŋ na si.»

SAMUYEL MUDUMBUŊ NAŊ 12:15

Amma da kum anta cinaka mi da Bumbulvuŋ ta, ɓi Bumbulvuŋ muɗuvukum di le na, da ki ra slikiɗam ɓi vurˀe na, naɓa Bumbulvuŋ a sa biga gidaŋ naŋ ar kumo, kaɓa naŋ mibiga zleˀe da dideˀ kumoy na ya.

SAMUYEL MUDUMBUŊ NAŊ 12:25

Amma da ki ra gam malambaˀ na, kum ati buy kumo, kisa ngizlam kuɗup.