ZOZUWE 24:19 - Bible en langue guiziga

¹⁹ Akẽh na, Zozuwe a ɓa mizli: «Kay! Ki gaka mezegwel da Bumbulvuŋ gu ta, asi mike na, naŋ i Bumbulvuŋ mipal. Naŋ a wuɗ ɓa Bumbulvuŋ kum pal i naŋ. Kum maslikiɗam ɓi, yo kum magam mungra na, naŋ a ɓusa ɓi nah gu ta.

ZOZUWE 24:19 ပူးပေါင်းရင်းမြစ်များ

ƁI NGI HINEY MUCUW NAŊ 36:16

Amma Israyeley tuwa, a singiram ar mislin ngi Buymisemuŋhoyo, a hirsaka mingiɓi naŋ, yo a singiram ar mijiviɗ naŋhaya. Dar Buymisemuŋ a zuɓ himaˀ ar taŋ fõh fõh, a tik mata.

DIMISEY 99:3

Ka Bumbulvuŋ, misi slimiɗ ɗik mazil haɗa, magi zluwun da mbur na, anja mizli a hunumukuw. Kay, ka pal.

DIMISEY 99:5

Zluzluɓam a mbuŋ Bumbulvuŋ, Buymisemuŋ ndra, hurukom drus drus a mbuŋ li ɗuva sar naŋ. Kay, ka pal!

DIMISEY 99:9

Zluzluɓam a mbuŋ Bumbulvuŋ, Buymisemuŋ ndra, hurukom drus drus puɗak ng'ar muwã nga naŋ na, asi Bumbulvuŋ, Buymisemuŋ ndra, naŋ pal.

BI NGI ISRAYELEY 20:5

Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa.

BI NGI ISRAYELEY 23:21

Jam lesl kuy kuy ɓa ki cinakaŋ mi, ki gakaŋ gwat ngi ji mevel ta, da ki slikiɗam ɓi le na, naŋ anta sa ɓusa ta, asi a ga gwata ti slimiɗ ɗu.

BI NGI ISRAYELEY 34:14

Naŋ kine so, ko ki huruk hurukam a mbuŋ buymisemuŋ ngi mulakay ta, asi a zilikiy ya Bumbulvuŋ ‹Mawuɗ vu suloŋ suloŋ›. Yi wuɗ ɓa a huruk hurukama, a mbuŋ ɗu pal ɗu tewle.

BI NGI ISRAYELEY 34:7

I biga gi mezle ɗu hã dideˀ dideˀ durmuk. I ɓusa malambaˀ ati slikiɗa ɓi waɗ mungra. Amma mbur migi gwat le na, y'anta tiɗi kalaf ara ta. I mbiɗi hirnga avu mbur migi mungra, avu ziri naŋhay hã dideˀ dideˀ makir malla mufaɗa.»

EZAYI 2:9

Vurˀe, sey mizli titirahay a huruk hurukam, mbur titira, sey a huruk huruk a ruwuy. Buymisemuŋ, ko ki pula taŋ mungraˀahaya ta.

EZAYI 27:11

Ti mihaŋ ngi widisey misa muˀulom le na, a sa ngilaka taŋ, ngwasay a sa soko, a ɗuvaka taŋ vu. Haˀaw, mizli hanayna, sli wala ngi gwat anta avu taŋ ta. Vurˀe, mbur miga taŋ na, ko ircece anta gaŋ ti taŋ ta, mbur migi taŋ, ko anta ga taŋ mezle neˀ le ta.

EZAYI 30:11

Mbuɗam duba avu licuho, baˀam a jiviɗe. Buymisemuŋ mipal ngi Israyel na, susuymom ndra di avra.»

EZAYI 30:15

Bumbulvuŋ Buymisemuŋ, misi gidaŋ wãˀ a ɓi na: Ɓa kisa laham na, sey ki mbuɗam mavel yo sey ki cifam lek leke. Ɓa kisa lumam gidaŋ na, sey ki cifam teˀ teˀ yo sey ki vulikiy vu kumo da ya. Amma kumo ki ngumom ta.

EZAYI 5:16

Bumbulvuŋ, misi gidaŋ wãˀa, a sa zil slimiɗ ti gi kiita naŋ. Buymisemuŋ mipala, a sa biga naŋ pala, ti jeŋŋe naŋ.

LEVIHEY 10:3

Moyis a ɓa Aroŋ na: «Bumbulvuŋ a ɓa le ngbaŋ takwa! A ɓi na: ‹Mizli makirohoko ng'avi ya na, anja a purikiy, ya pal, yo a mihiri ngi mizli gar na, yi wuɗ anja a gikiy dudok.›» Aroŋ a ndir lek.

LEVIHEY 11:44

Asi Bumbulvuŋ, Buymisemuŋ kumo i ya. Gam gwat kaɓa mizli muvuku vu taŋ, asi ya, ya pal. Gwatay mikirnini ngisi ruwuy hana na, ki jaka haŋ avu taŋ ta, vur kum macam ar dili ti haŋ kumo.

LEVIHEY 11:45

Asi mubo ti kum ti ruwuy Ezipte i ya Bumbulvuŋ, ɓa yi tiri Buymisemuŋ kum. Sey so na, ndiram kum pal, asi ya, ya pal.»

LEVIHEY 19:2

«Tila mi da Israyeleye gar, ɓa t'ani: Ndiram pal, asi ya, Bumbulvuŋ Buymisemuŋ kumo, ya pal.

LEVIHEY 20:26

Ndiram avu ya pal, asi ya Bumbulvuŋ, ya pal. Yi wunukum a wuzla mizli gar na, ɓa ki ndiram da ya.

LEVIHEY 20:7

Zuɓaka dili kumoy avra, ɓa ki ndiram pal, asi Bumbulvuŋ, Buymisemuŋ kumo i ya.

NAHUM 1:2

Bumbulvuŋ i Buymisemuŋ misi suloŋ, yo a pul cuwal ma. Bumbulvuŋ i mupula cuwal, himaˀ naŋ a gi zluwun. Mizli mazliram ti naŋ ta na, Bumbulvuŋ a pula cuwal naŋ ar taŋ, a zuɓ himaˀ fõh fõh ng'ar mesene naŋhaya.

HABAKUK 1:13

Pura hiri ɗike, malambaˀ anta ara ta, ki ɓusa pura malambaˀa gu ta, maguzuvraka mizli na, k'anta wuɗ pur naŋ ta, k'anta ngum pura bonoy ngi mizli ti hiri ta. Na, mitikina vuhoyo ki pura taŋ ti hiri na vur mike? Da mbur misi moˀore ara njirsla mbur mijeŋ fineˀ naŋ na, ka lek lek vur mike?

Matiye 6:24

«Ko mbur purla magi gawla ngi buyoy cuw gu anta. Malla a sa hirsa numuŋ, a sa wuɗ mekeleme, malla ta na, a sa gumbuˀ ng'avi pal numuŋ, a sa zirɗa mi ngi mekeleme. Bumbulvuŋ ati zlili, ki cifam gawla taŋ cuw taŋ gu ta.

ZOZUWE 24:18

Sukwi ngi mizli wal wal haɗa, Bumbulvuŋ a ɓula taŋ le a mbuŋ ndra, wãˀ naŋ na, a ɓul di i mizli Amorihey micifam angi hirwuy hana vuna. Ndra kwana, i sa gam mezegwel da Bumbulvuŋ, asi Bumbulvuŋ ndra i naŋ.»

ZOZUWE 24:23

Wurenna so na, kuli ngi mulakay misi a wuzla kum na, kirahaka taŋ avra. Kaka mevel kumo ar Bumbulvuŋ Buymisemuŋ ngi Israyel.

RUTH 1:15

Noˀemi a ɓaŋ: «Pura gis ɗike, ara mi nga wuzla mizli naŋhay, ng'avu kuli naŋhay. Mi asi gis ɗik na ya.»

SAMUYEL MUDUMBUŊ NAŊ 3:14

Vurˀe, i dumvu muy ngi Eliheye. Malambaˀ ngi muy ngi Elihey na, ko gwat masa puya anta ndiɗaˀ wãˀ, ko mikuli, ko gwat ngi vul ti vul da Bumbulvuŋ anta sa puya avra gu ta.»

SAMUYEL MUDUMBUŊ NAŊ 6:20

Dar mizli Bet-Semesey a ɓam: «Bumbulvuŋ Buymisemuŋ, mipal hana, masa cici a mbuŋ naŋ gu i waka?» Yo Anja a kirih kileŋ avu ndra, na ngi hay waniy ka?