ZOZUWE 24:18 - Bible en langue guiziga

¹⁸ Sukwi ngi mizli wal wal haɗa, Bumbulvuŋ a ɓula taŋ le a mbuŋ ndra, wãˀ naŋ na, a ɓul di i mizli Amorihey micifam angi hirwuy hana vuna. Ndra kwana, i sa gam mezegwel da Bumbulvuŋ, asi Bumbulvuŋ ndra i naŋ.»

ZOZUWE 24:18 ပူးပေါင်းရင်းမြစ်များ

DIMISEY 116:16

Aw Bumbulvuŋ ɗu, ani yi gawla ɗiki, haˀaw, yi gawla ɗik, mangal ngi ngwas migi slra ɗiki. Ka, ki pusuko ya le.

BI NGI ISRAYELEY 10:2

Ya migi ti Eziptehey, yo ya migi gwat mabigam gwat mekelemey a hay taŋ na, ɓa ki slufa ɓi nah da ziri ɗikey waɗ da dideˀ ɗikey. Dar kisa sinaka Bumbulvuŋ, i ya.»

BI NGI ISRAYELEY 15:2

Gidaŋ ɗu mihaɗi na, i Bumbulvuŋ, a kilo widi ɗu le. Buymisemuŋ ɗu i naŋ, i sa hunumaŋ. I Buymisemuŋ ngi dideˀ ɗu, i sa gaŋ dudok.

BI NGI ISRAYELEY 23:31

I sa ɗuva hirwuy kumo zle a mi mubuliy lavaɗ, hã sesẽŋ a mi mubuliy Mediterane, zle a wuzla ɓuh mikirɗak kirɗak ngi Sinaya, hã sesẽŋ a mizaw Efrata, asi i sa vulukum mizli ngi digahaya asi haŋ kum, ɓa ki ɓulaka taŋ a mbuŋ kumo.

MISE 4:2

Sukwi ngi mizli haɗa a sa ram nga diga, a sa ɓam: ‹Akum, juɗukum nga muwã Bumbulvuŋ, ng'ar hay ngi Buymisemuŋ ngi Zakop. Naŋ, a sa biga ndra jiviɗ naŋ, joˀ ndra, i sa sipaka jiviɗ naŋ vuna cirre.› Asi gwat ngi dubuno, a bo ti Siyoŋ, yo mingiɓi ngi Bumbulvuŋ a ndilo ndra ti Zeruzalem.

ZAKARI 8:23

Ya Bumbulvuŋ misi gidaŋ wãˀa, i ɓi na: Angi hin nah na, ziley kuruˀ maɓam mi wal avu ngi cala avu ngi cala na, a sa soko avu mbur Yude, kaw kaw haŋ avu mi ngi zana naŋ, a sa ɓam: «I wuɗam i ram asi ka, asi i cinaka na: Buymisemuŋ naŋ avu kum.»

SLRA 7:45

Guɗuk nah na, dideˀ ndrahay a lumakaŋ, Zosuwe muru ti taŋ na, a zuɓaka a haŋ, nga hirwuy taŋ mitiɓaka avu sukwi ngi mizli Buymisemuŋ muɓula taŋ a mbuŋ taŋ na, guɗuk nah a ndir hã a ndila hin ngi Daviti.

Slu cuw 10:21

Anja sey ki hunumam i naŋ, Buymisemuŋ kumo pal i naŋ, a gukum gwat madiɗahay le haɗi ati gwat magam zluwunoy, kum mupuraka taŋ ti hiri kum.

Slu cuw 33:27

Buymisemuŋ i li ɗum ɗik diga zlezle, naŋ gidaŋ zle misi nga dana ta ar slra naŋ a ruwuy aka. Maɓula mesene ɗikey a mbuŋ ɗik i naŋ, yo a ɓuw ɗaˀ na, ki ngizla taŋ pay.

ZOZUWE 23:9

Naɓa sukwi madiɗa madiɗa, migidaŋhay na, Bumbulvuŋ a sa ɓula taŋ a mbuŋ kumo. Na zle ko mbur purla micici zlak ɗaˀ a mbuŋ kum anta, hã dana.

ZOZUWE 24:17

Asi mike na, Bumbulvuŋ Buymisemuŋ ndra i naŋ. I naŋ mubo ti ndra ati dideˀ ndraˀahaya baɗ ti hirwuy Ezipte, tir li gi beke. Gwat madiɗa mabigi gwatay na, a ga taŋ le a mihiri ndra ani: angi jiviɗ ndra muzuɓaka gar, yo ndra mucohom a wuzla sukwi ngi mizli angi hirwuy wal wal gar na, mijigina ndra i naŋ.

ZOZUWE 24:19

Akẽh na, Zozuwe a ɓa mizli: «Kay! Ki gaka mezegwel da Bumbulvuŋ gu ta, asi mike na, naŋ i Bumbulvuŋ mipal. Naŋ a wuɗ ɓa Bumbulvuŋ kum pal i naŋ. Kum maslikiɗam ɓi, yo kum magam mungra na, naŋ a ɓusa ɓi nah gu ta.