ZOZUWE 23:9 - Bible en langue guiziga

⁹ Naɓa sukwi madiɗa madiɗa, migidaŋhay na, Bumbulvuŋ a sa ɓula taŋ a mbuŋ kumo. Na zle ko mbur purla micici zlak ɗaˀ a mbuŋ kum anta, hã dana.

ZOZUWE 23:9 ပူးပေါင်းရင်းမြစ်များ

BUYOY MUDUMBUŊ NAŊ 21:26

A gi gwat malambaˀ mukuy ta le wãˀ ti huruk huruk naŋ avu kulihey, kaɓa Amorihey, Bumbulvuŋ muɓula taŋ, ɓa a pulaka li da Israyeley na.

ƁI NGI HINEY MUCUW NAŊ 20:7

Buymisemuŋ ndra muɓula mizli ngi si ruwuy hana avra a mbuŋ Israyele mizli ɗikey, yo muvula hirwuyo wãˀ da dideˀ ngi ngama ɗik Abrahamay na, i ka takwa?

BI NGI ISRAYELEY 23:23

Modro ɗu a sa ki ɓaˀ a mbuŋ kumo, yo a sa ci ti kum nga hirwuy ngi Amorihey, Hitihey, perizihey, Kanaˀanay, Hivihey, waɗ angi hirwuy ngi Zebusihey. I mizli ya masa ngizla taŋ a mbuŋ kumo.

BI NGI ISRAYELEY 23:30

I sa ɓula taŋ neˀ neˀ a mbuŋ kumo. Sey da kum misikam le haɗa so na, i sa vulukum hirwuyo da kum wãˀ muduba.

SLRA 7:45

Guɗuk nah na, dideˀ ndrahay a lumakaŋ, Zosuwe muru ti taŋ na, a zuɓaka a haŋ, nga hirwuy taŋ mitiɓaka avu sukwi ngi mizli Buymisemuŋ muɓula taŋ a mbuŋ taŋ na, guɗuk nah a ndir hã a ndila hin ngi Daviti.

Slu cuw 11:23

naɓa sukwi ngi mizli mihaɗi fineˀ kumo, migidaŋ fineˀ kumo na, Bumbulvuŋ a sa ɓula taŋ gar, mber mber a mbuŋ kum avra, joˀ kisa tiɓaka hirwuy taŋ da kum.

Slu cuw 7:24

A sa vulukum buy madiɗa taŋhay asi haŋ kum, kisa susuyumoko slimiɗ taŋ wãˀ asi ruwuyo. Ko mbur masa ndir ti siifa a mbuŋ kum anta. Ki sa susuyumoko taŋ pay.

ZOZUWE 1:5

Angi hin ngi siifa ɗik gar na, ko mbur macici gu a mbuŋ ɗik anta wãˀ. I sa ndir ati kakaɓa ya mindir zleˀe ati Moyis na ya. Ko y'anta sa puluw fuk ta, yo y'anta sa hiziguw avra ta.

ZOZUWE 15:14

Dideˀ ngi Anakay ada makir, ti muy taŋhay, ti muy taŋhay. I Sesahay, Ahimanay waɗ Talmayay. Kalep a ɓula taŋ avra.

ZOZUWE 23:5

Bumbulvuŋ, Buymisemuŋ kumo, masa ɓula sukwi tayna kileŋ ti mbuŋ kumo, i naŋ vuna ti haŋ naŋ. A sa ga ɓa a kilam a mbuŋ kumo, hã kisa pam angi hirwuy taŋ, kaɓa Bumbulvuŋ, Buymisemuŋ kumo miɓa ɓi nah ɗaˀ le zleˀe tuwa.

ZOZUWE 23:8

Amma kumo, kum jumom ng'avu Bumbulvuŋ, Buymisemuŋ kumo tewle, kaɓa kum mugoko di hã a ndilo ani dana na.

ZOZUWE 24:18

Sukwi ngi mizli wal wal haɗa, Bumbulvuŋ a ɓula taŋ le a mbuŋ ndra, wãˀ naŋ na, a ɓul di i mizli Amorihey micifam angi hirwuy hana vuna. Ndra kwana, i sa gam mezegwel da Bumbulvuŋ, asi Bumbulvuŋ ndra i naŋ.»