ZOZUWE 23:13 - Bible en langue guiziga

¹³ sinaka sin le so tuwaŋ, Bumbulvuŋ, Buymisemuŋ kumo, anta sa ɓula sukwi tayna caˀa a mbuŋ kumo ta. Naɓa sukwi tayna a sa tiram avu kumo, kaɓa zuva ngi ji kum, kaɓa mazaɓ, yo kaɓa laway ngi sliɗ kum a virzi, waɗ kaɓa hadaw muzlulungoˀ zlulungoˀ a hiri. Sey da kum mingizlam le kuɗup angi hirwuy mezle, Bumbulvuŋ, Buymisemuŋ kumo muvulukum di hana.

ZOZUWE 23:13 ပူးပေါင်းရင်းမြစ်များ

BUYOY MUDUMBUŊ NAŊ 11:4

Naŋ kine, ti Salomoŋ migi gal na, ngwas naŋhay a sirkakaŋ, a huruk huruk a mbuŋ kulihey, mbak Salomoŋ, mevele anta kaslsla avu Bumbulvuŋ, Buymisemuŋ naŋ mata, nga naŋ pal avu ngi cine naŋ Davit zleˀe.

BUYOY MUCUW NAŊ 17:18

Akẽh na, Buymisemuŋ a zla zuɓa himaˀ fõh fõh ar Israyeleye. A kiraha taŋ kileŋ ti mihiri naŋ. Sey mindir i sukwi ngi Zuda tewle a mbuŋ naŋ.

BUYOY MUCUW NAŊ 17:20

Vurˀe, Buymisemuŋ a zliɗa Israyeleye gar avra. A tika taŋ ay ɓa a hinam hirnga, yo a vula taŋ a haŋ mivi vuhoy ɓa a ɓulaka taŋ kileŋ ti mihiri naŋ.

BUYOY MUCUW NAŊ 25:21

Akẽh na, buy madiɗa ngi Babiloŋ kwana, a ɓi ɓa a kiɗaka taŋ. Dar mizli a kiɗaka taŋ, hã a micam a Ribla a diga, ar hirwuy Hamat. Naŋ ka misenna mijaka Zudahay, miram ti taŋ kileŋ avu hirwuy taŋ na.

BUYOY MUCUW NAŊ 25:26

A dirba nah so na, sukwi ngi mizli Zudahay gar, zle avu mizlewey, sesẽŋ avu mizli madiɗahay, waɗ madiɗa ngi sojeheye gar, a slikiɗam, a ram nga Ezipte, asi ara zluwunam ti Babiloŋhoy.

DIMISEY 69:22

Mesene ɗuwoy a pikiy slalak le ar gwat ngi zumo, yo da yam ara giy ma na, a vulikiy mbaazla mikwereke.

BI NGI ISRAYELEY 10:7

Gawla ngi buy Eziptehey a ɓaka buy Ezipte: «Mbur hana a sa kiɗa mi ngi so ndra ti mendere ti vunaka? Pula mizli a ram nga gi mikuli da Buymisemuŋ taŋ Bumbulvuŋ. Ezipte ara zizi na, ki si na t'aruŋ kwa?»

BI NGI ISRAYELEY 23:33

Ki pulaka taŋ jiviɗ ɓa a pam asi ruwuy kumo ta, vur taŋ mahizigiɗukum, kisa gam mungra avu ya, kisa gam kuli taŋhay, naɓa ki cam le ar kwar ngi kuli taŋhaya.»

BI NGI ISRAYELEY 34:12

Jam lesl, mizli kum masa cam nga hirwuy taŋ gar na, ki jumom ati taŋ ta, naɓa a sa tiri i kwar avu kumo.

BI NGI ISRAYELEY 34:16

Da ziri kumoy ara zuɓam ziri taŋhaya ngi ngwas na, naɓa ziri taŋhay masa huruk hurukam a mbuŋ kuli taŋhay na, a sa sirkaka ziri kumoyo, a huruk hurukam aya.

EZEKIYEL 28:24

Naŋ kine, mizli Israyeleye, gwat masa zliga taŋ ka hadaw malla masa nguroho taŋ kaɓa mengrete ngrete na, anta mata. Ko mizli mugun hirnga taŋ kwana, anta sa hirsakaŋ mata. Dar mizli a sa sinaka yi Bumbulvuŋ.

SLUFA VU 33:55

Amma da ki ɓulaka mizli ngisi ruwuy tayna fec fec a mbuŋ kumo ta na, masa ndiram purla purla a wuzla kumo na, a sa gukum bonoy kaɓa ciita a hiri, kaɓa hadaw ar sar. A sa jiginam mi avu kumo, angi hirwuy kum mipam ara tehhe a muŋ.

Ɓimezle ngi Yesu Kristu LUK mitil di mi 21:24

Maslalam a sa zuma taŋ, a sa jaka taŋ ng'ar beke, a sa jaka taŋ nga wuzla sukwi ngi mizli ngi ruwuyoy gar. Sukwi mekelemey a sa kirpaka Zeruzaleme asi sar, hã da hin taŋ mikiɗ mi le.

Slu cuw 29:28

Gwat muɗum ɗumoy na, sey Bumbulvuŋ Buymisemuŋ ndra misina tewle. Amma gwat mibiga le njoy ar li babara na, i ngi ndra ati ziri ndrahay ngi sete, ɓa mingiɓi ngir ɓimujuwa hana gar na, i gam di slra.

Slu cuw 30:18

y'ani i ɓukum di njah dana: Ki sa ngizlam pay wãˀ. Hirwuy kum masa cam ɓa ki tiɓaka da kum a dubazaw Zurdeŋ na, kum anta sa zikam haɗa anga ta.

Slu cuw 4:26

Da ki gam mungra misi ka tayna le na, yi ɓukum ɗaˀ ɗaˀ le so tuwa, sedewo ɗuwoy dana, i muŋ ati hirwuy: Hirwuy kum masa tiɓaka da kum a dubazaw Zurdeŋ na, kisa susuymom anga kutum si, kum anta sa zikam anga haɗa ta, a sa ngizlukum pay.

Slu cuw 7:16

Mizli Bumbulvuŋ Buymisemuŋ kumo muvulukum taŋ le asi haŋ kum gar na, ngizlaka taŋ pay manja ircece. Ki huruk hurukam a mbuŋ kuli taŋhaya ta, vur kuli taŋhay majukum ar kwar.

TIMOTE MUCUW NAŊ 2:26

Yo ɓa a sa moko ti lesl taŋ a muŋ, a sa kiraham tivi mazaɓ ngi Satan mija taŋ, yo mitika taŋ ˀay, ɓa a gam gwat naŋ mawuɗo.

MIGI KIITAHAY 2:21

Naŋ kine, Zozuwe, ti naŋ mumuc t'aruŋ na, sukwi naŋ mupula taŋ mbak, a ɓula taŋ ta na, ya kwana, y'anta sa ɓul purla le asi taŋ ta ya.