ZOZUWE 22:27 - Bible en langue guiziga

²⁷ Amma i ndiraka na, ɓa a ndir i sedewo ar wala ndra ati kumo waɗ ar wala ngi dideˀ ndraˀahaya ma. Mikuli ndra mizlam zlamay ati ngi ngiɓiˀay na, i ngi biga, ndra magam a mbuŋ Bumbulvuŋ na, i slra naŋ. Ɓi misi: ‹Lum kum anta avu Bumbulvuŋ ta› na, naɓa dideˀ kumoy anta sa ɓaka dideˀ ndraˀahaya tumbuŋ kanah ta.

ZOZUWE 22:27 ပူးပေါင်းရင်းမြစ်များ

ZLI VIRZI 31:48

Labaŋ a ɓi: «Ɗugur mukuso hana, a tiri le dana, i sedewo ar wala ndra ati ka.» A zilaka Galet na vurˀe, mbiɗeˀvra: ‹mukuso zit hana i sedewo.›

ZLI VIRZI 31:52

Ɗugur mukuso ati ɗugur mikaˀ hana, i sedewo ndrahay. Hadam, y'anta sa tuwuɗa ɗugur mukuso ati mikaˀ hana nga guw malambaˀa ta, ka kwana, k'anta sa tuwuɗa ɗugur mukuso ati mikaˀ hana nga giy malambaˀa ta ya.

EZAYI 19:19

Ti hin nah na, a sa ndiram li gi mikuli da Bumbulvuŋ, a wuzla hirwuy Ezipte, waɗ a sa ngam ɗugur ngi Bumbulvuŋ gweˀ avu maakway naŋ.

Slu cuw 12:11

Gwat ya maslufukum t'ani gar na, kisa ram taŋ da Bumbulvuŋ Buymisemuŋ kumo, ar li naŋ masa wunaŋ ngi biga vu naŋ na: mikuli mizlam zlam wãˀ, mikuli ngi jumoˀay, mikuruˀ ngi gwat ngi migam kumoy, waɗ gwat ngi vul ngi mongoy kum ati gwat gar kum majuwaka le a mevel kum ngi ji mi ngi Bumbulvuŋ.

ZOZUWE 22:10

Dideˀ ngi Rubeney ati ngi Gatay waɗ reta ngi sukwi ngi Manase mimam na, ara ndilam a Gelilot a mi mizaw Zurdeŋ misi tir vay Kanaˀan. Dar a ndiram li madiɗa ngi gi mikuli, ndiwtiŋ, gweˀ avu mizaw Zurdeŋ.

ZOZUWE 22:26

Akẽh na, dar i ɓam ar wala ndra so na: Zuwen ndurukum li gi mikuli. Anta ɓa i gam mikuli mizlam zlam ara ta, ko mikuli muho gar kwana, ndr'anta sa gam ara ta ma.

ZOZUWE 22:28

Ndr'i ɓam ar wala ndra na: ‹Ndra ati dideˀ ndraˀahaya, da mizli a ɓam ndra mingiɓi hana le tumbuŋ na, i sa mbiɗaka taŋ di: Li gi mikuli ngi Bumbulvuŋ, dideˀ ndrahay a ndiraka le heˀ kanah, puraka mideŋ hana i nah. Mikuli ngi zlum ti zlum ati mikuli muho gar na, ndr'anta i gam ara ta. Amma ɓa a ndir i sedewo ar wala ndra ati kumo.

ZOZUWE 22:34

Dideˀ ngi Ruben ati ngi Gatay tuwa, a ɓam: «Li gi mikuli hana, i sedewo ar wala ndra ati Bumbulvuŋ Buymisemuŋ!» Dar a zilaka li gi mikuli nah tuwa: ‹Sedewo.›

ZOZUWE 24:27

Zozuwe a ɓa mizli gar: «Puraka ɗi, ɗugur misenna a sa ga sedewo ndra, asi mingiɓi ngi Bumbulvuŋ miɓa ndra di gar na, ɗugur hana a cine le. A sa ga sedewo kumo, vur kum masa ɓam, ki sinaka Buymisemuŋ kumo ta.»

SAMUYEL MUDUMBUŊ NAŊ 7:12

Samuyel a zuɓ ɗugur waɗ a ng'akaˀ ar wala ngir Mispa ati Daŋ. A vula slimiɗ da li nah Ebeŋ-Ezer, mbiɗeˀvra ‹ɗugur mijini›, asi a ɓi na: «Buymisemuŋ mijino ndra na sesẽŋ aka.»