ZOZUWE 22:22 - Bible en langue guiziga

²² «Bumbulvuŋ, Buymisemuŋ i madiɗa wãˀ, Bumbulvuŋ, Buymisemuŋ i madiɗa wãˀ. Ndra migam kanah na, da i slikiɗam di i ɓi malla da i gam di i teŋteŋ avu Bumbulvuŋ ta na, Bumbulvuŋ a si na le, yo Israyeley kwana a sa sinaka ya. Anja Bumbulvuŋ a pula ndra caˀa ti siifa ta.

ZOZUWE 22:22 ပူးပေါင်းရင်းမြစ်များ

BUYOY MUDUMBUŊ NAŊ 8:39

ka na, cino di zle a muŋ, ar hay ɗik, ka micifi anga na, pula taŋ mungra taŋhaya, ga slra ɗike, yo gi ti mburo gar weˀe avu gwat ngi gi naŋ, asi ki si na mevele le. Naŋ kanah gisiŋ, mevel ngi mizli gar, misina taŋ i ka pal ɗiki.

Ɗerewol JOP 10:7

Yi gi gwat malambaˀ ta, yo mbur masa tiɓiy tisi haŋ ɗik anta na, ki si na le ngbaŋ takwa?

Ɗerewol JOP 23:10

Naŋ, a si na jiviɗ ya maru ti raˀa le ngbaŋ, da a ci le a kwacay ɗu kwana, i sa bo cakar kaɓa ɓiri tapasl tapasl mipal naŋ kine micaka le ngi pur ar vu.

Ɗerewol JOP 31:22

anja pepesl ɗu a pusluh puslah avu dumvu ɗu, yo anja haŋ ɗu a ngil pasl ar mutukul haŋ.

DIMISEY 136:2

Hunumaka Bumbulvuŋ mimadiɗa ar kulihey cek na, asi gi teŋteŋ naŋ, anta kiɗ mi ta.

DIMISEY 37:6

A sa bugo gi jeŋŋe ɗike dizze kaɓa pas mabawa, yo gi kaslsla ɗike kwana, kaɗaŋ kaɗaŋ kaɓa pas deŋ.

DIMISEY 40:9

Buymisemuŋ ɗu, i wuɗ i gi gwat ka mawuɗo, yo i ja ɓimujuwa ɗike le a hur mevel ɗu.»

DIMISEY 44:21

Ka Buymisemuŋ ndra na, da i puykom hirnga le zleˀe ti ka, yo da i ra cufuɗam jini zleˀe avu kulihey, mbak ka le na,

DIMISEY 44:22

anja ni ka Buymisemuŋ misina gwat miyaŋŋa ngir mevel ngi mizli na, ki si na le takwa?

DIMISEY 50:1

Dimis ngi wuzla dimis ngi Asafay. Buymisemuŋ mifineˀ kulihey, Bumbulvuŋ a ɓi le, ara zila duniya, zle tisi pas mabawa, hã sesẽŋ asi pas madiɗi.

DIMISEY 82:1

Dimis ngi wuzla dimis ngi Asafay. Buymisemuŋ naŋ da deŋ a wuzla kus ngi mingilawuy naŋhaya, ara gi kiita a wuzla madiɗa ngi muŋhoy, a ɓa taŋ:

DIMISEY 95:3

Asi Bumbulvuŋ i Buy madiɗa misemuŋ, i buy madiɗa misi a hirnga kuliheye gar.

DIMISEY 97:7

Mizli gar mahuruk hurukam a mbuŋ kuliheye, ara pam mesem. Kum mizli majijaham asi gwat ngatarahay lambaˀ, yo kum kulihey gar, hurkom huruk huruk a mbuŋ Buymisemuŋ.

BI NGI ISRAYELEY 18:11

Wurenna, i si na le muduba, Bumbulvuŋ naŋ madiɗa fineˀ kuliheye, a biga ti Eziptehey maguzuvuraka Israyeley.»

ZEREMI 12:3

Bumbulvuŋ, ka ki siniy le, ki ra puriy, yo ki ra jiɗa wuluk ɗu: ya tisi ka. Amma mizli misi moˀoreheye, pa taŋ sek pal, kaɓa tumuŋhoy nga sli ˀay! Wi taŋ vu weˀ ngi kutuko hin ngi kiɗ taŋ!

ZEREMI 17:10

Ya Bumbulvuŋ, i ɗumburo ɓi ngir wuluk ngi mburo, i pura mevel ngi mburo, i wurka mburo gar weˀe avu gwat ngi gi naŋ, yo weˀe avu migir ngi slra naŋ.

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

MISE 7:9

Bumbulvuŋ miji mevel na, sey i ɓusaka ɓi nah, asi i gam mungra le ava. Naŋ masa cik vu asi ndra, yo naŋ masa ɗiya ndrakaslsla na, hin naŋ a sa ndilawa. A sa bo ti ndra ng'ar li minjahha, dar i sa singilaka slra mijeŋŋe naŋ na.

MALASI 3:18

Akẽh na, kisa puraka wal wal misi ar wala ngi mbur mijeŋŋe ati mbur misi moˀore, yo ar wala ngi mbur magi slra ngi Buymisemuŋ ati magi ta.

Ɓimezle ngi Yesu Kristu ZAŊ mitil di mi 21:17

A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.

SLRA 1:24

Dar a zlaka diradibiɗ, a ɓam: «Bumbulvuuŋ, ka misina mevel ngi mizli gar. Biga ndra mbur ka muwuna a wuzla mizli mucuw hanayna,

SLRA 25:11

Da kaɓa i gi gwat le gisiŋ, yo da yi gi malambaˀ madiɗa, mindila le zliv ɓa a kiɗikiy vagay na, y'anta zluwun ti muco ta. Amma da ɓi taŋ makupikiy di na, da ɓi midar anta anga ta na, mbur misi ti jiviɗ ɓa a vuliy asi haŋ taŋ gu anta. Yi cufuɗ ɓa a slinikiy ng'avu buy mimadiɗa ngi Roma.»

KORENTIHEY MUCUW NAŊ 11:11

I ɓi kanah vur mike? Vur y'anta wuɗukum ta kwa? Na, Buymisemuŋ a si na le, y'ada wuɗukum.

KORENTIHEY MUCUW NAŊ 11:31

Buymisemuŋ, Cine ngi Buy Yesu, maɗuwulam di mi hã ngi set na, a si na le, y'anta gi slir ta.

KORENTIHEY MUCUW NAŊ 5:11

Ndra misinaka zluwun ti Bumbulvuŋ sin si na, i puram jiviɗ ɓa mizli a tiɓaka Ɓimezle. Buymisemuŋ a si na ndra le kuy kuy wãˀ. Yi wa na, ki sinikiy le kuy kuy a hur mevel kum aya.

Slu cuw 10:17

Naŋ kine, Bumbulvuŋ Buymisemuŋ kumo, i Buymisemuŋ mufuna buymisemuŋhoy, i Bumbulvuŋ mufuna bumbulvuŋhoy, i Buymisemuŋ madiɗa haɗa, migidaŋ, magi zluwun da mizli, anta gi ti mizli wal wal ta, yo a hiɗikakaŋ ti gwat ngatara gu ta.

TIMOTE MUDUMBUŊ NAŊ 6:16

Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.

ZOZUWE 22:21

Dideˀ ngi Rubeney ati ngi Gatay waɗ reta ngi sukwi ngi Manase tuwa, a mbiɗaka da buy ngi Israyeley mudurmuk durmuk mbeˀ mbeˀ na:

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»

ƁIMUNJUYO 2:23

I sa kiɗa zir naŋhaya vagay vagay, ɓa kahana na, cikil ngi misikristuhoy gar a sa sinaka, ya, yi misina wuluk ngi mizli ati gwat taŋ mawuɗam a mevel taŋ. Yo ko wa gar a wuzla kumo, yi sa vulaŋ migir naŋ weˀe avu slra naŋ.

SAMUYEL MUDUMBUŊ NAŊ 15:23

Asi mike na, slikiɗa ɓi na, i malambaˀ kaɓa sipi ɓi ngi daˀasay, yo cin ta kwana, i malambaˀ kaɓa huruk huruk avu kulihey. Ka mihiziga Buymisemuŋ avra na, naŋ kwana a hiziguw le avra ya, yo k'anta ki buy ngi Israyel mata.»

SAMUYEL MUDUMBUŊ NAŊ 2:3

Ɓi mi kum mukoloŋ koloŋ ngi huhumo vu kum na, ki maka hiri naŋ ava mata. Anja mi ngi sliŋ a bo ti balam kumo ta: asi Buymisemuŋ i Bumbulvuŋ misina gwataya le gar, gwat ngi gi ngi mizli gar na, ma sla ɓi nah i naŋ.