ZOZUWE 22:18 - Bible en langue guiziga

¹⁸ Na kumo ma na, ki kraham le dana avu Bumbulvuŋ. Ki slikiɗam ɓi le dana ava, ɓa tiprik na, a sa slikiɗ himaˀ ar jum ndra Israyeley garaya so takwa!

ZOZUWE 22:18 ပူးပေါင်းရင်းမြစ်များ

SAMUYEL MUCUW NAŊ 24:1

Ti di numuŋ ada na, Bumbulvuŋ a ji mevel ar Israyeleye ma. Joˀ a pa mi da Davite ɓa a gi gwat taŋ mawuɗam ta. A ɓaŋ: «Aru, slufa Israyeley ati Zudahaya.»

BUYOY MUDUMBUŊ NAŊ 9:6

Amma, ka ati mizli ɗikey waɗ dideˀ kumoyo da ki mbiɗam duba le avu ya, yo ɓimujuwa ati ɓimuɗuva ɗuwoy, ya muɗuva taŋ a mbuŋ kum na, da kum anta jaka taŋ hirnga ta, da ki ra gam mezegwel da kulihey, yo ki ra huruk hurukam a mbuŋ taŋ na,

BUYOY MUCUW NAŊ 17:21

Ti di Buymisemuŋ mibi ti sukwi Israyel ti ngi zumabuy ngi Davit na, taŋ a cam buy taŋ i Zeroboˀam, mangal ngi Nebat. Na Zeroboˀam vuna so na, a ngizli ti sukwi Israyele kileŋ avu Buymisemuŋ, yo a ci ti mizli ng'ar mungra madiɗa.

ƁI NGI HIN GAR MUDUMBUŊ NAŊ 21:1

Ngi pas numuŋ ada na, Satan a wuɗ a ga malambaˀ da Israyeleye, a pa mi da Davite ɓa a slufa Israyeleye.

ƁI NGI HIN GAR MUDUMBUŊ NAŊ 21:14

Bumbulvuŋ a slino jiji mangizl vu sunok sunok nga ruwuy Israyele, a kiɗ mizli durmuk kukur tarnaˀ asi ruwuy Israyele.

ƁI NGI HINEY MUCUW NAŊ 25:27

zle ti hin ngi Amasiya mupula sipa Bumbulvuŋ. Mizli a gam gidiɓi ar Amasiya a Zeruzaleme, a kil nga Lakis. Amma a slinam mizli, a sipakaŋ nga Lakise, a kiɗaka a diga vagay.

ƁI NGI HINEY MUCUW NAŊ 34:33

Akẽh na, Zoziyas a susuyumo gi gwat malambaˀ mukuyta wãˀ ngi si ruwuy Israyele gar, yo a tikaˀay da mizli ngi si ruwuy Israyel gar, ɓa a huruk hurukam a mbuŋ Bumbulvuŋ Buymisemuŋ taŋ. Angi hin ngi siifa ngi Zoziyasa gar na, ko Israyeley a mbiɗam duba avu Bumbulvuŋ Buymisemuŋ ngi dideˀ taŋhaya ta.

LEVIHEY 10:6

Dar Moyis a ɓa Aroŋ ati ziri naŋ mizile mekelemey, Elazar ati Itamara «Ki pulaka ngwic hirnga kumoyo slipicak slipicak ta, yo ki ngiraka zanahaya kaɓa ki roko ti tuwuy a hiri ta. Da kine na, kisa micam, yo kisa soko ti himaˀ ngi Bumbulvuŋ nga hirnga zigiduw gar. Mizli, Bumbulvuŋ mizlizlira taŋ ti vu na, masa tuwaka taŋ i sukum kum Israyeley gar.

SLUFA VU 16:22

Amma Moyis ati Aroŋ, a hurkom huruk huruk, a ɓam: «Aw Bumbulvuŋ, ka mavul siifa da gwat ka miga gar, vur mbur purla migi mungra ma na, ki ji mevel ar jum ngi mizilehey keɗeɗe vur mike?»

SLUFA VU 32:15

Ani da kum mizli ngi Rubeney ati ngi Gataya, ki ngumam sipi Bumbulvuŋ ta na, a sa muro Israyeley a wuzlaɓuh, hã mizli a ngizlam pay, naɓa i kum migaka.»

Slu cuw 7:4

Naɓa mizli mulak tayna, a sa sirikaka dideˀ kumoyo, ɓa a mbiɗam duba avu Bumbulvuŋ, ɓa a huruk hurukam a mbuŋ kulihey. Yo Bumbulvuŋ kwana, a sa ji mevel ar kum, a sa ngizlukum pay kutum.

ZOZUWE 22:15

Misliney tuwa, a soko ng'avi dideˀ ngi Rubeney ati ngi Gatay waɗ reta ngi sukwi ngi Manase, a Galaˀat tuwa, a ɓaka taŋ na:

ZOZUWE 22:16

«Jum ngi mizli ngi Bumbulvuŋhoy a ɓam na: Gwat kum migaka ani da Bumbulvuŋ ngi Israyel na, i gwat malambaˀ madiɗa. Kum mindiram li gi mikuli hĩˀĩ da kum na, kite ki kiraham le dana avu Bumbulvuŋ, yo ki slikiɗam ɓi le avu Bumbulvuŋ takwa?

ZOZUWE 22:20

Akan, mangal ngi Zera, a gi teŋteŋ ta, asi naŋ muzuɓa gwat mitika jiviɗ nah le. Himaˀ ngi Bumbulvuŋ misa po na, ar jum ngi Israyeley gar takwa? Ko mumuc asi malambaˀ naŋ vuna, i naŋ pal naŋ ta jak ma ayɗi.»

ZOZUWE 7:1

Israyeley a gam teŋteŋ ar ɓi ngi gwat mitika le ta. Akan, mangal ngi Karmi, naŋ vuna i dideˀ ngi Zaɓdi, yo i dideˀ ngi popurok ngi Zera ma, yo naŋ i sukwi ngi Zuda. Gwat Bumbulvuŋ mitika taŋ vurˀe na, a zuɓaŋ. Akẽh na, Bumbulvuŋ a zuɓ himaˀ ar Israyeleye.

ZOZUWE 7:11

Israyeley a gam mungra le. Naŋ kine, jumoˀay ɗu ati taŋ, gwat ya miɓa taŋ di ɗaˀ le, ɓa a jaka a hirnga na, a ngilaka ɓi nah le. Naŋ kanah gisiŋ, gwat ya mitika ɓa a zuɓaka ta na, a zuɓaka le gbaˀa, a huloko le, waɗ mbizeˀ, kulaˀ a wuzla gwat taŋhay.

ZOZUWE 7:21

A wuzla zlili ngi mesene ndrahay na, yi pur zana mezle ngi Mezopotami, kuy naŋ a zli ta wãˀ, yo suloy ngi ɓiri bara skat cuw, waɗ ɓiri tapasl tapaslreta kilo, may taŋ a jiy haɗa teˀe, joˀ yi hila taŋ. T'ani ɗum a ruwuy, a hur guɗuk ɗu, yo dala naŋ da kulaˀ aseˀeŋ.»

SAMUYEL MUDUMBUŊ NAŊ 12:14

Da ki ra zluwunam ti Buymisemuŋ, da ki ra huruk hurukam a mbuŋ naŋ, da ki ra cinakaŋ mi, ɓi Buymisemuŋ muɗuvukum di le na, da kum anta slikiɗam ɓi vurˀe ta na, naɓa kum vuna ati buy mazum buy ar kumo, kisa sipaka Bumbulvuŋ Buymisemuŋ, kumo nga mbuŋ nga mbuŋ.

SAMUYEL MUDUMBUŊ NAŊ 12:20

Samuyel a ɓa mizli: «Ki zluwunam ta. Malambaˀ nah gar na, ki gaka le gisiŋ gwat naŋ. Na so na, ki ra kiraham ti vu Buymisemuŋ ta, amma huruk hurukam a mbuŋ Buymisemuŋ ti mevel purla.