ZOZUWE 21:45 - Bible en langue guiziga

⁴⁵ Naŋ kine, gwat mezlehey Bumbulvuŋ miɓa taŋ da sukwi Israyel gar na, misi ɓa a gi ta na, anta, a gam le gar muduba.

ZOZUWE 21:45 ပူးပေါင်းရင်းမြစ်များ

BUYOY MUDUMBUŊ NAŊ 8:15

Dar a ɓi: «I ra ga sise da Bumbulvuŋ, Buymisemuŋ ngi Israyele! Gwat, naŋ miɓa ɓi nah zleˀe da baha Davit na, a ga le, a ɓi zleˀe na:

BUYOY MUDUMBUŊ NAŊ 8:20

Naŋ kine, joˀ Salomoŋ tuwa, a ɓi ma: Bumbulvuŋ a ga gwat naŋ miɓa na le asi i zuɓa li ngi baha Davite le, i cifi le buy ngi Israyeley, kaɓa Bumbulvuŋ miɓa. I ndira hay misenna ngi zila slimiɗ ngi Bumbulvuŋ, Buymisemuŋ ngi Israyeley.

BUYOY MUDUMBUŊ NAŊ 8:24

Gwat ka miɓa ɓi nah zleˀe da baha, gawla ɗik Davit na, ki gaŋ di le. Haˀaw, ɓi ka miɓaŋ di na, ka vuna ti haŋ ɗike, ki ga le dana, ada pur.

BUYOY MUDUMBUŊ NAŊ 8:56

«Sise da Bumbulvuŋ muvula zuy da Israyel, mizli naŋhay, kaɓa naŋ miɓa ɗaˀ le zleˀe na. Ɓi mezlehey, naŋ miɓa taŋ, muboko ti balam Moyis gar na, ɓa mindir munja a gi slra na, anta.

NEHEMI 9:8

Ki luuma Abrahama na, i mbur miteŋteŋ a mbuŋ ɗike. Akẽh na, ki jumom ˀay ati naŋ, yo ki ɓaŋ, naŋ ati dideˀ naŋhaya, kisa vula taŋ hirwuy ngi Kanaˀanay, ngi Hitihey, ngi Amorihey, ngi Perizihey, ngi Zebusihey waɗ ngi Girgasihey. Gwat ka miɓa kisa ga na, ki ga le, asi ka jeŋŋe.

EZAYI 48:3

Gwat migam mudumbuŋhoyo, yi til taŋ mi le diga zlezle, yi ɓukum ɓi nah le ti balam ɗu, ki cinaka le. Gurjik si na, yi ga slra ɗu le, joˀ gwatay a gam.

SLUFA VU 23:19

Buymisemuŋ i mbur ɓa a gi slir ta. I mbur titira ɓa a mbiɗa wuluk naŋ ta. Da a ɓa ɓi le na, a ga cummo si, da a ɓi le ngi gi gwat na, a ga gbaˀa.

KORENTIHEY MUDUMBUŊ 1:9

Bumbulvuŋ muzulukum ɓa ki ndiram jom ati Mangal naŋ Yesu Kristu, Buy ndra na, gwat naŋ miɓa le na, a ga cummo.

TESALONIKEY MUDUMBUŊ NAŊ 5:24

Mbur muzulukum na, naŋ teŋteŋ, asi ɓi naŋ miɓa le gar na, a sa ga gbaˀa.

Ɗerewol TIT 1:2

ɓa a njaham hiri njah ar siifa ngi sete, Buymisemuŋ magi slir ta, miɓa ɗaˀ le zleˀe dumbuŋ angi gwatay gar na.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

SAMUYEL MUDUMBUŊ NAŊ 3:19

Samuyel ara gil, Buymisemuŋ naŋ da ati naŋ. Mingiɓi naŋhay gar na, a pul ko pal a diɗ a ruwuy ta.