ZOZUWE 2:18 - Bible en langue guiziga

¹⁸ Ti ndra masa coko nga ruwuy kumo na, zeweɗ gagaza hana, kisa juwa tizirehhe a mi fenetir ka mupo sar ti ndra ti nga na. Ki sa cikila miyi ɗikeye ngi hay ɗiki, sukum ɗikey ati mizli ngi hay kumoyo gar.

ZOZUWE 2:18 ပူးပေါင်းရင်းမြစ်များ

ZLI VIRZI 12:2

I sa tiri tika dideˀ ngi sukwi madiɗaŋ, i sa ɗuwuluw mi, yo i sa ga ɓa slimiɗ ɗik a zil haɗa. Mizli a sa lumam ɗuwula tisi ka.

ZLI VIRZI 7:1

Bumbulvuŋ a ɓa Nowe na: «Ci ng'ar palalama, ka ati mizli ngi hay ɗikey gar. Asi yi pura na, a wuzla mizli migwenehey na, mijeŋŋe a mbuŋ ɗu, i ka pal ɗiki.

ESTER 8:6

Bonoy masa so ar mizli ɗuwoy na, ɓa i pura ti hiri na, i ɓusa ɓi nah gu mbri mbrike? Muy ɗuwoy masa ngizlam na, ɓa i pura ti hiri na, i ɓusa ɓi nah gu mbri mbrike?»

BI NGI ISRAYELEY 12:13

Pumbuso, a sa bigiy hay kum misi anga. Da ya misa pura pumbuso le na, i sa tuwuɗ tuwaɗ ar kumo, yo ti ya masa kiɗa Eziptehey na, bonoy nah anta sa lumukum kumo ta.

DIMIS MIMEZLE 4:3

Mi ɗik ka mazum di gwata, naŋ kaɓa gabaga mislirkeɗ, mindezze, yo mingiɓi ɗike ndum haɗa. Kwala ɗike, a puro ligidaˀligidaˀ tir zana ɗik minjar a hirnga na, ka yi ngi hunduruk micahaka le cah a wuzla cuw.

LEVIHEY 14:4

mbur miɗiyi tuwa, masay a ɓi ɗaˀ, a sakaŋ ti gwatay ani: ɗiyuw misi titirihey cuw, misi i mupula jiviɗ naŋ le ngi zumoy, dum ngi miter, ngwic ngi tumuŋ, munduva ndezze, waɗ mihaŋ ngi widis mazilaka izop.

SLUFA VU 19:6

Masay a sa wuɗ dum ngi miter, mihaŋ ngi izop waɗ ngwic ngi tumuŋ, ngwic munduva migagaza ndezze. A sa pa taŋ cek ng'ar vu mazlumam di sla tuwa.

SLUFA VU 4:8

A sirtam gabaga mindezze ngi ngwic ngi tumuŋ a hirnga nah, waɗ garak mupuɗaw mislirkeɗ cay a hirnga taŋ gar, a caka ɓeɓele ngi zuɓ naŋ kulaˀ kulaˀ ava.

Ɓimezle ngi Yesu Kristu LUK mitil di mi 19:9

Dar Yesu a ɓi: «Lih a so le dana ar hay hana. Asi naŋ kwana, i dideˀ ngi Abraham aya.

SLRA 10:27

Piyer a ci ngi haya bal ti kiɗa slir ati naŋ. Keɗ na, zigiduw taˀ, a kusom le.

SLRA 10:33

Yi slin kutum ng'avi ka si, ani ki ngum so le ti mevel purla jaka. Wurenna so na, ndr'ani gar a mbuŋ ɗik aka, ɓa ngi cine ɓi ngi Bumbulvuŋ mislino ka, ɓa ki ɓa ndra di na.»

SLRA 11:14

A sa buguw gwat masa lihuw, ka ati hay ɗik gar.›

TIMOTE MUCUW NAŊ 1:16

Anja Bumbulvuŋ a pura ˀircece haɗa da mizli ngi hay Onesiforoyo, asi naŋ a vuliy gidaŋ le is mbeˀmbeˀe. Ko ti ya misi angi dangay na kwana, mesem a gaŋ nga pur ɗu ta.

HEBEREY 9:19

Dumbuŋ na, Moyis a til mi ti ɓimuɗuva da mizli gar, kaɓa naŋ muluma ar ɓimujuwa. A dirba nah, a wuɗ pumbus ngi ngarihey ati ngi bazuwayaya, lahaɗ ti yam, a kuca da ɗerewol ngi ɓimujuwa vuna waɗ da mizli gar. A kuca ti zana gagaza ngi ngwic ngi tumuŋ waɗ ti mihaŋ ngi izop.

ZOZUWE 2:21

Ngwas tuwa, a mbiɗa taŋ di: «I tiɓa le, anja a gi kaɓa mingiɓi kumo!» Akẽh na, a pula taŋ, joˀ taŋ a cohom so. A dirba nah na, a juwa zeweɗ gagaza tuwa, kaˀ a mi fenetire.

ZOZUWE 6:23

Gawla mupura hirwuyoy zleˀe tuwa, a cam ngi hay Rahapa, a boko di ng'avra, naŋ ati miyi naŋhay, sukum naŋhay waɗ gwat naŋhay gar. A boko ti muy naŋhaya gar, waɗ a cifaka taŋ a duba gala, zar avu walahay guɗuk ngi Israyeleye.

ZOZUWE 6:25

Rahap, ngwas sulome ati muy naŋhaya, Zozuwe a pula taŋ ti siifa waɗ gwat naŋhay gar. Rahap a cifi a wuzla Israyeleye hã dana, asi mizli Zozuwe mislina taŋ nga pura walahay Zeriko na, muɗumo taŋ i naŋ.