ZOZUWE 18:28 - Bible en langue guiziga

²⁸ Sela, Elef, walahay ngi Zebusihey, mbiɗeˀvra, Zeruzalem, Gibeya waɗ Kiriyat. Jom gar na, walahay madiɗahay kuruˀ nga mufaɗa, waɗ prok taŋhaya wãˀ wãˀ ma. Hana i hirwuy muvulaka da dideˀ ngi Benjameŋhey vur muyo vur muyo.

ZOZUWE 18:28 ပူးပေါင်းရင်းမြစ်များ

SAMUYEL MUCUW NAŊ 21:14

Tesl ngi ti sawul ati mangal naŋ Zonataŋ tuwa, a dikaka taŋ a Sela, angi hirwuy Benjameŋ, angi zivi ngi cine naŋ Kis. Gwat, buy muvula ɓi naŋ ngi gi ngi gi gar na, a gaka le. A dirba nah so na, Bumbulvuŋ a vulo zuy asi ruwuyo.

SAMUYEL MUCUW NAŊ 23:29

Helep, mangal ngi Baˀana, mbur Netofa. Itay, mangal ngi Ribay, mbur Gibeya angi hirwuy Benjameŋ.

SAMUYEL MUCUW NAŊ 5:6

Buy ati mizli naŋhay a cam ti gidaŋ nga Zeruzaleme. Ti di nah na, misi asi ruwuyo i mizli Zebusihey. A ɓaka Davite: «K'anta co ng'ar walahay ndra ta. Ko dangaray ati jegwerey kwana, a ndilaka le ngi ɓul ɗike.» Mingiɓi hana, a mbiɗeˀ avra: ‹Davit anta sa co, ɓa a zuɓa walahaya ta ndiɗaˀ.›

SAMUYEL MUCUW NAŊ 5:8

Tapasa na, Davit a ɓa mizli naŋhaya le zleˀe: «Da mbur muwuɗ le ɓa a kiɗa Zebusiheye na, sey a ci tir vigiɗ ngi yam milaka ti ruwuy ɓa yam a ɓul ti raˀa na, ɓa ara luuma taŋ. Amma dangaray ati jegwereye na, Davit a hirsa taŋ le.» Vurˀe, mizli a ɓam: «Dangaray ati jegwerey a cam ng'ar hay ngi Buymisemuŋ ta.»

ƁI NGI HIN GAR MUDUMBUŊ NAŊ 8:28

Buy ngi hayay angi tizer taŋ i taŋ so. A pam a Zeruzalem.

EZAYI 10:29

A tuwuɗaka mizli maram hiɗim hiɗime, a ɓam: «I sa hinam a Geba!» Mizli ara jijikam kirkir, mizli ngi Ramahay ara jijikam kirkir mizli Gibeyahay, ruwuy ngi Sawulo, ara kilam.

ZEREMI 6:1

Mizli ngi Benjameŋhey, bam tir walahay Zeruzalem avra, ɓa ki ra sipam li ɗum ar li mekelem. Fam tulum a Tekˀa, ng'aka drapo kaˀ a Bet-kereme, asi hiryi, mendere madiɗa, ara ndilo kum tisi diˀis vay muŋ.

Ɗerewol OZE 10:9

Israyel, zle ti gwat migi a Gibeya na, ki gi mungra le, na ki wus neˀ ta. Migi mungra madiɗahaya, kiɗa vu ara ndila taŋ sey a Gibeya cummo takwa?

SLUFA VU 26:38

Sukwi ngi Benjameŋ, vur muyo vur muyo, t'ani: Bela a yi Belahay. Asebel a yi Asebeley, Ahiram a yi Ahiramay.

SLUFA VU 26:54

Sukwi gar na, a sa lum li weˀe avu taˀ taŋ. Sukwi mihaɗa na, ki vula taŋ li haɗi ya, sukwi mineˀkini kwana, kisa vulaŋ li neˀkine ya.

SLUFA VU 33:54

Ki sa wunkaka li ti gi ceregezleŋ, vur sukwi vur sukwi, vur muyo vur muyo. Sukwi madiɗa, a lum haɗa ya, sukwi meciɗeke, a lum neˀkine ya. Da ceregezleŋ ngi sukwi midiɗ le angi li na, naɓa inga naŋ.

ZOZUWE 15:63

Mizli Zebusihey misi a Zeruzalem na, dideˀ ngi Zudahay a ɓulaka taŋ avra gu ta. Vurˀe, hã dana kwana, Zebusiheye t'ada jom ati dideˀ ngi Zudahay ar walahay Zeruzaleme.

ZOZUWE 15:8

Maakway a zuɓ ar hurjijiŋ ngi Hinom, ar misirnene ngi muwã Zebusihey tir vay ruwuy naŋ, mbiɗeˀvra Zeruzalem. Akẽh na, maakway a ki kini ngir ti hirnga muwãhay misi a mbuŋ hurjijiŋ ngi Hinom, tisi pas ngi pastaˀ naŋ, yo kini ng'ar kiɗa mi ngi li micay ngi mizli Rifayay, tir vay muŋ naŋ.

ZOZUWE 18:16

A pi sar kini ngir tivi kiɗa mi ngi muwã misek duba cakay ati hurjijiŋ ngi Ben-Hinom, tir vay muŋ ngi li micay ngi mizli Refayay. A pi sar tir hurjijiŋ ngi Hinomo, aru kini ngir ti ciki hirwuy Zebusihey, vay ruwuy naŋ, waɗ a pi sar kini nga En-Rogel.

ZOZUWE 18:27

Rekem, Irpeˀel, Tarala,

ZOZUWE 19:1

Taŋ migaka ceregezleŋ sar mucuw naŋ na, a diɗ ar sukwi ngi Simeyoŋ. A vulaka taŋ hirwuyo vur muyo vur muyo. Hirwuy ngi sukwi ngi Simeyoŋ, naŋ a wuzla hirwuy ngi dideˀ ngi Zudahay.

MIGI KIITAHAY 1:21

Mizli Benjameŋhey a ɓulaka mizli Zebusihey misi a Zeruzaleme gu ta. Zebusihey a cifam ati Benjameŋhey a Zeruzaleme hã dana aruŋ.

MIGI KIITAHAY 19:10

Amma mbur levi a ngum hin mata. A slikiɗam ati mangasl naŋ waɗ zungu naŋhaya cuw taŋ, kaˀ kaˀ ti sarde taŋhaya, a cohom, ara ndilam a Zebu, mbiɗeˀvra Zeruzalem.

SAMUYEL MUDUMBUŊ NAŊ 10:26

Sawulo kwana, aru ngi hay naŋ a Gibeya. Mizli gambarahay misi Bumbulvuŋ muwusa taŋ le a mevele na, a kisakaŋ.