ZOZUWE 18:16 - Bible en langue guiziga

¹⁶ A pi sar kini ngir tivi kiɗa mi ngi muwã misek duba cakay ati hurjijiŋ ngi Ben-Hinom, tir vay muŋ ngi li micay ngi mizli Refayay. A pi sar tir hurjijiŋ ngi Hinomo, aru kini ngir ti ciki hirwuy Zebusihey, vay ruwuy naŋ, waɗ a pi sar kini nga En-Rogel.

ZOZUWE 18:16 ပူးပေါင်းရင်းမြစ်များ

SAMUYEL MUCUW NAŊ 17:17

Zonataŋ mangal ngi Abiyatar ati Ahimas, mangal ngi Sadoko, taŋ a roko dedeŋ a En-Rogel a duba gala zleˀe, i ngwas beke mara taŋ ti ɓiheye, yo masa ra ɓaka da Davite kwana, i taŋ vuna. Asi da ara cam ng'ar walahaya na, taŋ anta wuɗam ɓa mizli a puraka taŋ ta.

SAMUYEL MUCUW NAŊ 5:18

Filistihey a soko, a nahaka sozo ngi Refayaya.

BUYOY MUDUMBUŊ NAŊ 1:9

Ngi pas numuŋ ada na, Adoniya a gi mikuli ti tumuŋhoy, slahay, waɗ ziri sla muzlumburahay gweˀ avu ‹ɗugur maslir ŋkekŋkek›, a ciki yam miviɗiviɗi a En-Rogel. Sukum naŋ, ziri buyoy ati mizli ngi hirwuy Zudahay gar, gawla ngi buyoy na, a zila taŋ ng'araŋ.

BUYOY MUCUW NAŊ 23:10

Li mazilaka Tofet ar sozo a Hinom na, buy a hirya, ɓa mbur a gi mikuli ti mangal malla ti zuŋ naŋ anga da kuli Moloko mata.

ƁI NGI HIN GAR MUDUMBUŊ NAŊ 14:9

Filistihey tuwa, a ndiloko, a nahaka sozo ngi Refaya heɓeheɓe.

ƁI NGI HINEY MUCUW NAŊ 28:3

Naŋ ti haŋ naŋ, a gi mikuli ti urdi angi hurjijiŋ ngi Hinom, yo a gi mikuli ti ziri naŋ mizilehey, kaɓa gi gwat mukuyta wãˀ ngi sukwi ngi mizli Bumbulvuŋ muɓula taŋ a mbuŋ Israyele na.

ƁI NGI HINEY MUCUW NAŊ 33:6

Naŋ vuna ti haŋ naŋ, a zluma ziri naŋhaya ngi mikuli ar hurjijiŋ a Hinom. A gi slra ti ɓi ngi pura jubuɗ, ɓi ngi cucuk, ɓi ngi mijuwri waɗ ɓi ngi njol. A gi malambaˀ ti gidaŋ ti gidaŋ a mbuŋ Bumbulvuŋ ngi jaŋ mevel.

EZAYI 30:33

Vu i miɗiya le zleˀe si, naŋ vur buy vuna ya. A kusom dum ndit ngi ɗiy naŋ, ar li miligidaˀa. ˀUf ngi Bumbulvuŋ misi kaɓa mekepel ngi himiɗna, a sa bula vu.

ZEREMI 19:11

Joˀ kisa ɓa taŋ: Bumbulvuŋ misi gidaŋ wãˀa, a ɓi na: I ngurufo mizli hanayna ati walahaya, kaɓa mangurufom gwat mindira le, misi a juɓ gu mata. A sa dikaka vagay ngi mizli mumucahaya a Tofet, asi li ngi dik taŋ anta.

ZEREMI 19:2

A dirba nah, kisa ra bi ar hurjijiŋ Ben-Hinom misi tir vay mizlingre ngi gigaˀayay na, ɓa ki til mi a diga ti ɓi ya masa ɓuw di ɗaˀ ɗaˀ na gar.

ZEREMI 19:6

Ya Bumbulvuŋ i ɓi na, yo mbak ɗagay so, hin ara ndilawa, anta sa zilaka li hana ‹Tofet› malla ‹hurjijiŋ Ben-Hinom› mata, amma a sa zilaka ‹hurjijiŋ ngi ngizla vu›.

ZEREMI 32:35

A ɗiyam li miɗingir le ngi mikuli da Baˀal ar hurjijiŋ ngi Hinom, ɓa a zlumaka ziri taŋ mizile ati mongosohoy da kuli Molek ara, ko i cufuɗa taŋ gwat kanah ɗaˀ ta ngbaŋ, gwat malambaˀ muwãˀ nah ngi hizigiɗa Zudahay na, ko yi wuluk ɗaˀ ɓa a gaka ta.»

ZOZUWE 15:63

Mizli Zebusihey misi a Zeruzalem na, dideˀ ngi Zudahay a ɓulaka taŋ avra gu ta. Vurˀe, hã dana kwana, Zebusiheye t'ada jom ati dideˀ ngi Zudahay ar walahay Zeruzaleme.

ZOZUWE 18:28

Sela, Elef, walahay ngi Zebusihey, mbiɗeˀvra, Zeruzalem, Gibeya waɗ Kiriyat. Jom gar na, walahay madiɗahay kuruˀ nga mufaɗa, waɗ prok taŋhaya wãˀ wãˀ ma. Hana i hirwuy muvulaka da dideˀ ngi Benjameŋhey vur muyo vur muyo.

MIGI KIITAHAY 1:21

Mizli Benjameŋhey a ɓulaka mizli Zebusihey misi a Zeruzaleme gu ta. Zebusihey a cifam ati Benjameŋhey a Zeruzaleme hã dana aruŋ.

MIGI KIITAHAY 1:8

Mizli Zudahay a zlaka Zeruzaleme ngi kiɗa vu, a tiɓakaŋ. A kiɗaka mizli sunok sunok ti maslalam, a wuraka walahaya.

MIGI KIITAHAY 19:10

Amma mbur levi a ngum hin mata. A slikiɗam ati mangasl naŋ waɗ zungu naŋhaya cuw taŋ, kaˀ kaˀ ti sarde taŋhaya, a cohom, ara ndilam a Zebu, mbiɗeˀvra Zeruzalem.