ZOZUWE 18:12 - Bible en langue guiziga

¹² Tir vay muŋ, maakway taŋ a zli zle a mi mizaw Zurdeŋ. A jiɗ kini ti ciki Zeriko, vay muŋ naŋ. Tisi pas ngi pastaˀa, a jiɗ kini ngir ti muwã, waɗ ara kiɗ mi a Bet-Aveŋ misi a wuzlaɓuh mikirɗak kirɗaka.

ZOZUWE 18:12 ပူးပေါင်းရင်းမြစ်များ

Ɗerewol OZE 10:5

Samarihey ara jijikam asi ziri sla ngi Bet-Even. Mizli naŋhay ati mizli mawaka vu taŋ kaɓa masay naŋhay na, a roko ar vagay, vur ɓi ngi zuŋ sla vuna. Wurenna, mezle ngi zuŋ sla mihaɗa na, a ram di le kileŋ avu ndra, anja a mumulom vurˀe.

Ɗerewol OZE 4:15

Kum Israyeley, da ki ra gam sulome na, anja ki caka Zudahay anga ta ɓula! Ki ram nga Gilgal, ar li mipal na ta, ki ram nga Betel, ar li ngi vu na ta, yo ki hudumom, ki ɓam: «Bumbulvuŋ naŋ ti siifa» na, ki ɓam ta.

Ɗerewol OZE 5:8

Fam tulum a Gibeya, yo fam zara a Rama. A Bet-Aveŋ, wudam widi ngi zli vurum. Sukwi Benjameŋ, a wuɗam a zlukuw ngi kiɗe ti dirba!

ZOZUWE 16:1

Hirwuy ngi dideˀ ngi Zozefeye, a zlo zle a mizaw Zurdeŋ migweˀ a ciki Zeriko, tisi pas ngi miprik ngi miyam Zeriko, i wuzlaɓuh mikirɗak kirɗak majiɗ zle a Zeriko ngir ti muwã Betel.

ZOZUWE 18:11

Taŋ migam ceregezleŋ na, ceregezleŋ a diɗ dumbuŋ ar sukwi ngi Benjameŋ. Hirwuy muvulaka taŋ di ti ceregezleŋ, naŋ ar wala ngi hirwuy ngi dideˀ ngi Zudahay ati ngi dideˀ ngi Zozefey.

ZOZUWE 2:1

Zozuwe, mangal ngi Nuno, a slin mizli cuw, zle a Sitime, ɓa ara puroko li yaŋ yaŋ. A ɓa taŋ: «A ra puroko hirwuyo waɗ walahay Zeriko.» Mupura lihey tuwa, a ram nga Zeriko, a cam ngi hay ngwas sulome ada, a zilaka Rahap, a hinam a hay naŋ.

ZOZUWE 3:16

dar yam maɓul a mizawa tir vay muŋ naŋ na, a cici. A ki totoŋ ɓultoŋ, naŋ zar kileŋ hã a Adam, walahay ngi ciki Sartaŋ. Yo yam maɓul jik kini ngir ti wuzlaɓuh mikirɗak kirɗak, mubuliy mandaŋ na kwana, a sli tasl wãˀ. Joˀ mizli a tuwuɗaka mizawa hiri taˀ nga Zeriko.

ZOZUWE 6:1

Mizlingre ng'ar walahay Zeriko i migicahay le giceˀ giceˀ kuy kuy wãˀ vur Israyeley. Ko mbur maci anta, mbur mabi anta.

ZOZUWE 7:2

Zozuwe a slin mizli baɗ a Zeriko ng'ar walahay Ay. Walahay Aya naŋ gweˀ avu Bet-Aveŋ, kini tisi pas ngi miprik ngi walahay Betel. Zozuwe a ɓa taŋ na: «Jiɗam, ara puroko hirwuyo.» Dar mizli tayna a ram nga pura hirwuy Aya so.

ZOZUWE 8:15

Zozuwe ati Israyeleye gar, a pulaka vu taŋ mbak da mizli Ayay a kiɗaka taŋ, a kilam a mbuŋ taŋ ngir ti wuzlaɓuh mikirɗak kirɗaka.

SAMUYEL MUDUMBUŊ NAŊ 13:5

Filistiheye kwana a juwam vu ngi kiɗa vu ati Israyeleye. Taŋ ti mota ngi vurumoy durmuk kukur makir, misi pilisey durmuk merkeɗ, yo waɗ sojehey zurnok zurnok haɗa kaɓa muyuŋ ngi mizaw. A ra pam a Mikmas tisi pas ngi miprik ngi Bet-Aveŋ.