ZOZUWE 13:31 - Bible en langue guiziga

³¹ Reta ngi hirwuy Galaˀata, walahayay ngi ruwuy Asetarot ati ngi Edreyi, walahayay ngisi ruwuy Basaŋ, buy Ok mazum buy angi taŋ angi taŋ gar. Hirwuy tayna gar na, i ngi reta ngi dideˀ ngi Makirey muvulaka taŋ di vur muyo vur muyo, Makir mangal ngi Manase.

ZOZUWE 13:31 ပူးပေါင်းရင်းမြစ်များ

DIMISEY 60:7

Laha ndra ti gidaŋ ɗiki, zila ndra mi, ɓa ndra yeme ɗikey na, i laham.

EZEKIYEL 48:4

Zle ar maakway ngi Neftali, tisi pas ngi miprik hã asi pas ngi pastaˀa, i hirwuy ngi Manase.

ZOZUWE 12:4

Buy mekeleme i Ok, buy Basaŋ, mbur mindir ngi wuzla mizli Refayay. Naŋ a Asetarot waɗ a Edreyi.

ZOZUWE 13:12

Angi hirwuy Basaŋ, hirwuy Ok miwa miwa gar, Ok mazum buy a Astarot waɗ a Edreyi, a wuzla hirwuy ngi Refayaya, mindir pal i nah, Moyis a kiɗa taŋ, a tiɓa hirwuy nah le ɗaˀa.

ZOZUWE 13:32

Moyis muwuɗuka hirwuy misi ti pas ngi miprik ngi dubazaw Zurdeŋ, misek duba cakay ati Zeriko na, ti naŋ misi ar li micay ngi Moˀap.

ZOZUWE 17:5

Naŋ kine, dideˀ ngi Manaseheye, a lumam hirwuy mi nga taŋ le taˀ taˀ kuruˀu, jom ng'avu Galaˀat ati Basaŋ misi a dubazaw Zurdeŋ na ma.

ZOZUWE 17:6

Naŋ kanah ma, angi sukwi ngi Manase na, ko ziri mongosohoy kwana, a lumam hirwuy mi nga taŋ le a wuzla ziri mizileheye ya. Amma hirwuy Galaˀata, i ngi dideˀ mekelemey ngi Manase ɓula.

ZOZUWE 9:10

Gwat naŋ miga da buy Amorihey mucuw misi ti dubazaw Zurdeŋ: Sihoŋ, buy Heseboŋ ati Ok, buy Basaŋ, micifi a Asetarot na, i cinaka ɓi nah le.

MIGI KIITAHAY 10:6

Mizli Israyeley a zlaka gi malambaˀ a mbuŋ Bumbulvuŋ sima. A huruk hurukam a mbuŋ Baˀal ati Astarte, waɗ a mbuŋ kuli ngi mizli Aramay, ngi Sidoŋhoy, ngi Moˀapay, kuli ngi Amoŋhoy, waɗ a mbuŋ kuli ngi mizli Filistihey. A pulaka Bumbulvuŋ mbak, a gam gawla naŋ mata.

MIGI KIITAHAY 5:17

Galaˀat a cifi hã duba Zurdeŋ. Na, Daŋ, ki cifi ar palalam ngi yamay vur mike? Aser a ndir a mi mubuliy, yo a cifi gweˀ avu li pi sar ngi palalam naŋhay.

SAMUYEL MUDUMBUŊ NAŊ 12:10

Akẽh na, a tilam mi ng'avu Buymisemuŋ, a ɓam: «I gam mungra le, asi ndra mupulaka Buymisemuŋ, yo ndra mihuruk hurukam a mbuŋ Baˀalay ati Astartehey na. Wurenna, laha ndra ti haŋ mesene ndraˀahaya, ɓa i sa huruk hurukam a mbuŋ ɗiki.»

SAMUYEL MUDUMBUŊ NAŊ 7:3

Dar Samuyel a ɓa mizli Israyeleye gar: «Da ki moko ng'avu Buymisemuŋ ti mevel purla na, susuyumoko kuli mulakay ati kuli Astartehey na. Ɗuvaka mevel kum ar Buymisemuŋ, yo huruk hurukam avu naŋ pal naŋ tewle, naɓa a sa luhukum tisi haŋ ngi Filistiheye.»