ZOZUWE 13:27 - Bible en langue guiziga

²⁷ Ar li micaya, i hirwuy Bet-Haram, Bet-Nimra, Sukot ati Safoŋ. Tayna i is ngi li buy Sihoŋ miwa taŋ, Sihoŋ muzum buy zleˀe a Heseboŋ. Hirwuy tayna taŋ tisi pas ngi miprik ngi mizaw Zurdeŋ. Mizaw Zurdeŋ i maakway ngi hirwuy nah, hã sesẽŋ a miyam madida ngi Zenezaret tir vay muŋ naŋ.

ZOZUWE 13:27 ပူးပေါင်းရင်းမြစ်များ

ZLI VIRZI 33:17

Zakopo kwana, aru nga Sukkot. A ndira hay a diga, waɗ gezleŋ muhurɗuk hurɗukoy, cap cap da gineweye. Vurˀe, a zila li hana Sukkot, mbiɗeˀvra: gezleŋ cap cap hurɗuk.

BUYOY MUDUMBUŊ NAŊ 7:46

A paka gwat tayna gar ti pi ndar ndar a ruwuy, ar sozo ngi Zurdeŋ, ar wala ngi ruwuy Sukot ati Sartaŋ.

DIMISEY 60:6

Mizli maɗuvukuw hirnga na, ki vuruka taŋ le, ɓa a kilam vur luvut maso ng'ar taŋ.

SLUFA VU 32:3

«Walahay Atarot, Diboŋ, Yazer, Nimra, Heseboŋ, Elale, Sebam, Nebo waɗ Behoŋ, taŋ i walahayay,

SLUFA VU 32:36

Bet-Nimra waɗ Bet-Haraŋ, a tiram taŋ walahay migidaŋhay, a ndiram gezleŋ ngi gineweye ma.

SLUFA VU 34:11

A sa bi baɗ a Sefama nga Ribla, tisi pas ngi miprik ngi Ayin. A dirba nah, a sa pi sar sesẽŋ, ara duko li musunok ngi mi yam Zenezaret.

Ɓimezle ngi Yesu Kristu LUK mitil di mi 5:1

Ngi pas mekelem ada na, Yesu a ro deŋ a mi yam madiɗa ngi Zenezaret, zigiduw ara ngislam vu, ɓa ngi cine ɓi ngi Buymisemuŋ.

Slu cuw 3:17

ati Araba. Tisi pas ngi pastaˀa kwana, maakway a sipi sozo ngi mizaw Zurdeŋ, ar wala ngi miyam madiɗa ngi Zenezaret ati mubuliy mutuwak, hã sesẽŋ a sar muwã Pisga tisi pas ngi mipriki.

ZOZUWE 11:2

Waɗ ma na, a slin ng'avu buy madiɗa vay muwãhay, mikini tir vay muŋ, nga Araba mikini tir vay ruwuy ngi Kinerot, nga ruwuy misi ar zugudum, waɗ ng'ar li micay ngi Dor mikini tisi pas ngi pastaˀ.

ZOZUWE 12:3

A wa wuzlaɓuh mikirɗak kirɗaka le ma, hã sesẽŋ a mi mubuliy Kinerot tisi pas ngi miprik naŋ, sesẽŋ a mi mubuliy mandaŋ, misi tisi pas ngi miprik, ar jiviɗ ngi Bet-Yesimot, yo tir vay ruwuyo sesẽŋ ar muzugudum ngi muwã Pisga bal bal ti prok naŋhaya.

ZOZUWE 13:26

Waɗ zle a Heseboŋ ma, hã sesẽŋ a Ramat-Mispe ati Betonim, yo zle a Mahanayime, hã sesẽŋ ar maakway ngi Lo-Dabar.

ZOZUWE 13:28

Hirwuy tayna gar, walahayay ati prok taŋhay gar na, sukwi ngi Gata, mi nga taŋ mulumam vur muyo vur muyo i nah.