ZOZUWE 13:25 - Bible en langue guiziga

²⁵ Hirwuy taŋ mulumam nga taŋ i Yazer, walahay ngisi ruwuy Galaˀatay gar, waɗ reta ngi hirwuy Amoŋhey, hã sesẽŋ a Aroˀer, migweˀ avu Raba.

ZOZUWE 13:25 ပူးပေါင်းရင်းမြစ်များ

SAMUYEL MUCUW NAŊ 11:1

Ngi vi naŋ mekelem, hirak ti buyoy mabam nga gi vurum na, Davit a slina Zoˀap ati gawla naŋhay gar waɗ Israyeley gar. A kiɗam asi mizli Amoŋhoyo sunok sunok, yo a ndahaka walahay madiɗa Rabba. Davite, naŋ a cifi a Zeruzalem.

SAMUYEL MUCUW NAŊ 12:26

Ti hin nah na, Zoˀap, madiɗa ngi sojeheye, a zla kiɗa vu ati walahay hirnga ngi Amoŋhoyo, a zuma slala buyo.

SAMUYEL MUCUW NAŊ 24:5

A tuwuɗaka mizaw Zurdeŋ, a pam sar nga Aroˀer, walahay vay ngi ruwuy mekelem ada ar sozo, a slikiɗam baɗ ti kẽh. A tuwuɗaka mizaw nga hirwuy Gat, a ram ngir ti Yazer.

ƁI NGI HIN GAR MUDUMBUŊ NAŊ 26:31

Yeriya i madiɗa ngir muy ngi Hebroŋhoy. Ar vi mizli ngir mufaɗ naŋ Davit mazum buy na, mizli Hebroŋhoy a laka virzi ngi dideˀ taŋhaya le, yo a lumam mizli mupuɗaw puɗaway le a wuzla taŋ, a lumam a ruwuy Yazer ngi Galaˀat.

EZAYI 16:8

Asi ɓuh ngi Heseboŋhoy a hiryi le. Guva ngi gudubun ngi Sipma, mbaazla naŋ mawa buy ngi sukwi ngi mizli ɓaˀ ɓaˀ na, a zli zle a Yaser hã yik nga wuzlaɓuh mikirɗak kirɗaka, yo mihaŋ naŋhay a ndilam sesẽŋ ar mubuliy.

EZAYI 17:2

Prok naŋhaya, a sa ndiram mupula le fuk fuk ngi wãˀ. Ginewey a sa zumam ara, a sa musukam vu anga, ko mbur masa ga taŋ ngaˀa anta.

ZEREMI 48:32

Gudubun ngi Sipna, i ra tuwuw ka fineˀ mizli Yazerey. Muzuŋ haŋ ɗik madiɗa, naŋ ɓaˀ hã a duba mubuliy, hã a ndila Yazer. Mihirya gwat a diɗ vu le kpis avu gwat ngi migam ɗikeye, a diɗ vu le ar yi ngi gudubun ɗike.

EZEKIYEL 21:20

Ɓa didak a muɗa mizli gbeŋ gbeŋ, ɓa mizli a ndilam kuros kuroso. A mizlingre taŋhay gar na, i ki maslalam le ɓa ngi ngizla mizli. A mbusaka le ɓa a wucuɗ walak walak kaɓa vuŋ, a sitaka le sat sat ngi ngizla mizli.

AMOS 1:14

I saka vu da walahay Raba, tapasa, mizli a sa wudam widi ngi vurum, widi misi tapas musure magi ar burkataŋ gambara, dar vu a sa zuma hay mimezle ngi Rabahaya.

SLUFA VU 21:32

Moyis a slin mupura lihey nga hirwuy Yazer, dar Israyeley a tiɓaka hirwuy migweˀ gweˀheye, a ɓulaka Amoriheye.

SLUFA VU 32:35

Atrot-Sofaŋ, Yazer ati Yogbaha,

Slu cuw 2:19

Ki sa ra bam puɗak angi hirwuy ngi dideˀ ngi Amoŋhoyo, ki cicam zlak ar taŋ ngi kiɗa vu ta, asi ko gwat ya masa vulukum neˀ le angi hirwuy taŋ anta. Asi mike na, i vula hirwuy vay nah na le da dideˀ ngi Lotoy, ɓa a wunkakaŋ.»

Slu cuw 3:11

(Dambalaka, Ok buy ngi Basaŋ na, mindir pal asi Refayay i naŋ. Kes naŋ midikakaŋ ti naŋ, naŋ da a Raba aruŋ, Raba walahay hirnga ngi hirwuy Amorihey. A ciɗam di i mandazlay migidaŋ ka ɓiri, jek naŋ fineˀ metir mufaɗ, yo sliprik naŋ, a gi gwat ngi metir cuw.)

ZOZUWE 13:11

Waɗ ma na, hirwuy Galaˀat ati hirwuy ngi mizli Gesurihey ati ngi Maˀakahay, waɗ hirwuy muwã Hermoŋ gar ati hirwuy Basaŋ, hã sesẽŋ a Salka.

ZOZUWE 13:24

Sukwi ngi Gata, Moyis a vula taŋ mi nga taŋ vur muyo vur muyo.

ZOZUWE 13:26

Waɗ zle a Heseboŋ ma, hã sesẽŋ a Ramat-Mispe ati Betonim, yo zle a Mahanayime, hã sesẽŋ ar maakway ngi Lo-Dabar.

ZOZUWE 21:39

Heseboŋ ati Yazer, waɗ pala ngi jigina ginew taŋhaya wãˀ wãˀ ma. Jom gar na, walahay mufaɗ.

MIGI KIITAHAY 5:17

Galaˀat a cifi hã duba Zurdeŋ. Na, Daŋ, ki cifi ar palalam ngi yamay vur mike? Aser a ndir a mi mubuliy, yo a cifi gweˀ avu li pi sar ngi palalam naŋhay.