ZOZUWE 13:14 - Bible en langue guiziga

¹⁴ Na so na, hirwuy Moyis muwuɗuka da Israyeley na, mulum ta, sey i sukwi ngi Levi pal naŋ. Asi Bumbulvuŋ a ɓa taŋ di le: Mikulihey magaka taŋ da Bumbulvuŋ, Buymisemuŋ ngi Israyel na, levihey a sa lumam mi nga taŋ angaŋ.

ZOZUWE 13:14 ပူးပေါင်းရင်းမြစ်များ

EZEKIYEL 44:28

A sa lumam mi nga taŋ, i ya vuna si. Kum anta sa vulaka taŋ li da taŋ asi ruwuy Israyele ta, li taŋ i ya vuna si.

EZEKIYEL 44:29

Gwat ngi migam ngi mikuli malla ginew ngi mikuli vur mungra ati mikuli ngi ɗiya ɓi na, masa zumaka i taŋ. Gwat mingizla ngi ga dudok da Bumbulvuŋ asi ruwuy Israyel gar na, a sa ndiram da taŋ.

Slu cuw 10:9

Vurˀe, sukwi ngi Levi a lum hirwuy muwunkaka da mizli na ta, yo a lum zlili kaɓa sukum naŋhaya ta, zlili nga naŋ i Bumbulvuŋ, naŋ kaɓa Bumbulvuŋ Buymisemuŋ kumo miɓaŋ di ɗaˀ le.

Slu cuw 12:12

A mbuŋ Bumbulvuŋ, kisa mumulom haɗa, kum ati ziri kum mizilehey ati mongosohoy, beke kum mizilehey ati mongosohoyo, waɗ mizli levihey micifam ar walahay kumoy, asi hirwuy muwunkaka na, t'anta ti mi nga taŋ ta.

Slu cuw 12:19

Angi hin ngi siifa kum a ruwuyo gar na, anja ki gam jalaɓi ti leviheye ta.

ZOZUWE 13:13

Amma na, Israyeley a ɓulaka Gesurihey ati Maˀakahay avra ta. Mizli Gesurihey ati Maˀakahay a cifam a wuzla Israyeleye hã dana aruŋ.

ZOZUWE 13:15

Sukwi ngi Rubene, Moyis a vula taŋ mi nga taŋ vur muyo vur muyo.

ZOZUWE 13:33

Amma Moyis muwuɗuka hirwuy na, a vula sukwi ngi Levi ta. Asi a ɓa taŋ na: taŋ masa gam slra da Bumbulvuŋ, Buymisemuŋ ngi Israyeley na, mi nga taŋ i nah si.

ZOZUWE 18:7

Amma kum masa wuɗkaka na, mizli levihey anta sa lumam mi nga taŋ a wuzla kumo ta ɓula. Asi mikuli taŋ masa gaka da Bumbulvuŋ na, mi nga taŋ i nah si. Ani Gat, Ruben waɗ reta ngi sukwi ngi Manase, a lumam mi nga taŋ le si, a dubazaw Zurdeŋ, tisi pas ngi miprik naŋ. Muvula taŋ di i Moyis, gawla ngi Bumbulvuŋ.»