ZOZUWE 12:8 - Bible en langue guiziga

⁸ Hirwuy tayna i: hirwuy vay muwãhay, ngir mukutukoy, ngi Arapay, ngir li mukutukoy, ngi wuzlaɓuh mikirɗak kirɗakay waɗ mikini tir vay ruwuyoy. Hanayna vuna gar na, i hirwuy ngi Hitihey, ngi Amorihey, ngi Kanaˀanay, ngi Perizihey, ngi Hivihey waɗ ngi Zebusihey.

ZOZUWE 12:8 ပူးပေါင်းရင်းမြစ်များ

ZLI VIRZI 10:17

Hivihey, Arkihey, Sinihey,

ZLI VIRZI 12:9

Dar Abram a kiraha guɗuko nga mbuŋ nga mbuŋ, aru kini nga Negev.

ZLI VIRZI 13:7

Tiri a slikiɗ ar wala ngi mijigin ngi Abramay ati ngi Lotoyo. Ti nah na, i Kanaˀanay ati Perizihey misi asi hirwuyo.

BI NGI ISRAYELEY 23:23

Modro ɗu a sa ki ɓaˀ a mbuŋ kumo, yo a sa ci ti kum nga hirwuy ngi Amorihey, Hitihey, perizihey, Kanaˀanay, Hivihey, waɗ angi hirwuy ngi Zebusihey. I mizli ya masa ngizla taŋ a mbuŋ kumo.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

Slu cuw 7:1

Moyis a ɓi: Bumbulvuŋ Buymisemuŋ kum, a sa ru ti kum nga hirwuy masa ndir da kum na, yo a sa ɓula sukwi ngi mizli haɗi a mbuŋ kumo, sukwi madiɗa madiɗa tarnaˀ, misi ti gidaŋ fineˀ kum. I Hitihey, Girgasihey, Amorihey, Kanaˀanay, Perizihey, Hivihey, waɗ Zebusihey.

Slu cuw 9:1

Moyis a ɓi: Israyeley, cinam ɗi, ki wuɗo tuwuɗaka mizaw Zurdeŋ dana. Ki sa ɓulaka mizli mihaɗi fineˀ kum, yo migidaŋ fineˀ kumo. Ki sa tiɓaka walahay taŋ madiɗahay, mugunohoy gun gun ti mohol migila sesẽŋ a dadala muŋ na.

ZOZUWE 10:40

Zozuwe a zuma hirwuyoyo le cek cek: hirwuy vay muwãhay, vay ruwuyoy ati vay sar gar ngir li muzugudum zugudumoy, waɗ vay sar muwãhay gar. A zuma taŋ le jom ti buy taŋhaya wãˀ wãˀ. Ko a pul mbur pal le ti siifa ta, gwat misi titirihey gar na, a ngizla taŋ le cek cek ngi ga dudok da Bumbulvuŋ. A ga kaɓa Bumbulvuŋ, Buymisemuŋ ngi Israyel miɓa ɗaˀ le tuwa.

ZOZUWE 11:16

Naŋ kine, Zozuwe a tiɓa hirwuyoyo le gar: hirwuy vay muwã, vay ruwuy gar, hirwuy Goseŋ gar, hirwuy ngir zugudumoy, sozo Zurdeŋ ati hirwuy muwã Israyeley waɗ hirwuy ngir zugudum naŋhaya.

ZOZUWE 3:10

A dirba nah, Zozuwe a ɓa taŋ: «Bumbulvuŋ misi ti siifa, tapas naŋ masa ɓula mizli a mbuŋ kum: I kanaˀanay, Hitihey, Hivihey, Persihey, Girgasihey, Amorihey waɗ Zebusihey na, kisa sinaka naŋ da a wuzla kumo gisiŋ na ava.

ZOZUWE 9:1

Gwatay migam a Ay gar na, ɓi naŋ a ndil le a slimiɗ buy ngi dubazaw Zurdeŋ vay muwãhaya cek, ngi ruwuy muzugudum, ngi ˀayzaw Mubuliy Madiɗa, hã sesẽŋ gweˀ avu Libaŋ. Dar mizli Hitihey, Amorihey, Kanaˀanay, Perisihey, Hivihey, waɗ Zebusiheye ma gar na,

MIGI KIITAHAY 1:9

A dirba nah ma na, Zudahay a ram nga kiɗa Kanaˀan misi tir vay muwã ati misi tir Ayzaw waɗ misi tir vay zugudumo.