ZOZUWE 11:15 - Bible en langue guiziga

¹⁵ Gwat tayna gar a gam na, asi Bumbulvuŋ miɓa ɗaˀ le da gawla naŋ Moyis, yo Moyis kwana miɓa ɗaˀ le da Zozuwe, Zozuwe a sipa le kasl kasl. Ɓi Bumbulvuŋ muɗuva da Moyis gar na, ko Zozuwe a hizig purla le avra ta.

ZOZUWE 11:15 ပူးပေါင်းရင်းမြစ်များ

ƁI NGI HINEY MUCUW NAŊ 30:12

Asi ruwuy Zuda kwana, Buymisemuŋ ara gi slra, ɓi ngi buy ati mizli hirnga naŋhay miɓaka na, ɓa mizli, jom ˀay purla, a gaka kaɓa Bumbulvuŋ miɓa.

SLUFA VU 33:50

Ar li micay ngi Moˀap mupuɗak angi Zeriko, gweˀ a mi mizaw Zurdeŋ na, Bumbulvuŋ a ɓa Moyise:

SLUFA VU 33:52

mizli ngisi ruwuy tayna, kisa ɓulaka taŋ a mbuŋ kumo avra gar, gwat miciɗa ngi ɗuguroy gar malla ɓiri mipa ti pihey gar na, kisa wahaka taŋ avra, yo kisa susuyumoko li miɗingir ngi gi kuli taŋhaya gar.

Matiye 23:23

«Kum buy ngi ɓimujuwahay ati Farisa miɓi micuw cuwoy, kay, kum ar bonoy! Kalaf ngi minti ati kalaf ngi luguɗo laray gar na, ki vulaka mukuruˀ taŋ ɓula. Amma jeŋŋe ati pura ircece waɗ gi teŋteŋ, ɓi madiɗa hanayna ngir ɓimujuwa na, ki kam slimiɗ ar taŋ ta. Anja ki gam di i nah zleˀe waɗ mekelemeye jak ayɗi.

Ɓimezle ngi Yesu Kristu LUK mitil di mi 11:42

Amma kay, kum Farisahay, kum ar bonoy! Kalaf ngi minti ati kalaf ngi ɓuhoy waɗ lar ngir guvahay gar na, ki vulaka mukuruˀ taŋhaya ɓula. Amma gwat Buymisemuŋ mawuɗ ati wuɗavu naŋ na, ki pulaka mbak murvay. Anja ki gam zleˀe i nah jaka, waɗ numuŋhoyo ma ayɗi.

SLRA 20:20

Ki sinaka le, ɓi zliv ɓa a jinukum gar na, yi ɗumo ɗaˀ ta. Jak na, yi tulukum mi ti ɓi ngi Bumbulvuŋ, i dubunukum gwata le a mihiri mizli, ko a hay kumoyo ma jaka.

SLRA 20:27

Yi ɗum ɓi ko neˀ ta ndiɗaˀ, jiviɗ ngi Buymisemuŋ miɗiya gar na, yi tulukum di mi le gar jaka.

Slu cuw 31:3

Bumbulvuŋ Buymisemuŋ kumo a sa kukum mbuŋ, i naŋ masa ngizla mizli misi a mbuŋ kumo, ɓa ki tiɓaka hirwuy taŋ. Kaɓa Bumbulvuŋ miɓa na, masa cifi buy kum i Zozuwe.

Slu cuw 31:5

Bumbulvuŋ a sa vulukum taŋ asi haŋ kumo, kisa gam ti taŋ kaɓa ya muɗuvukum ɓi nah na, cummo.

Slu cuw 31:7

Akẽh na, Moyis a zila Zozuwe a mbuŋ Israyele gar, a ɓaŋ: «Tum vu tam, cici zlak gidaŋ gidaŋ. Hirwuy Bumbulvuŋ miɓi ti hudum a sa vula da dideˀ kumoy tuwa na, masa ci ti taŋ ng'ara i ka. Masa wunka taŋ di i ka.

Slu cuw 4:2

Ɓimuɗuva ngi Bumbulvuŋ Buymisemuŋ kum, ya muvulukum di na, ki cam ɓi mekelem ng'ara ta, yo ki zuɓam avra ta ma, amma gam di slra kuy kuy.

Slu cuw 4:5

Puraka, i ra dubunukum ɓimujuwa ati sirikeye, kaɓa Bumbulvuŋ Buymisemuŋ ɗu miɓiy di na, da kum misa ndilam le angi hirwuy kum masa tiɓaka da kum na, naɓa kisa gam taŋ slra.

Slu cuw 7:2

Bumbulvuŋ Buymisemuŋ kumo a sa vulukum taŋ asi haŋ kum, kisa tikaka taŋ ˀay, ki ngizlaka taŋ pay. Ki ɗiyam ɓi ar wala kum ati taŋ ta, yo ko ki puraka taŋ ircece ta.

ZOZUWE 1:7

Naŋ kanah, sey ki mbur mbar, tum vu tam. Ɓimujuwa, gawla ɗu Moyis muɓuw di ɗaˀ le gar na, ki slimiɗ ar taŋ cineˀe, ko ki ngizli ava ta ndiɗaˀ. Naɓa ko da ka amaka gar na, gwat ka mawuɗ gi naŋ gara, ki ga gu.

ZOZUWE 11:12

Walahay ngi buy tayna gar na, Zozuwe a tiɓa taŋ le, waɗ a kiɗa buy ati mizli ngi raˀahaya gar ti maslalam. A ngizla taŋ le pay kaɓa Moyis, gawla ngi Bumbulvuŋ miɓa ɗaˀ le tuwa.

ZOZUWE 11:14

Zlili ati ginew ngir walahay tayna gar na, Israyeley a hilaka taŋ da taŋ kaɓa gwat ngi lum ngi vurum. Amma mbur titira gar na, a kiɗaka ti maslalam, hã a ngizlaka taŋ kap kap wãˀ ɓula. Ko gwat misi titiri pal a pulam ti siifa ta.

ZOZUWE 11:16

Naŋ kine, Zozuwe a tiɓa hirwuyoyo le gar: hirwuy vay muwã, vay ruwuy gar, hirwuy Goseŋ gar, hirwuy ngir zugudumoy, sozo Zurdeŋ ati hirwuy muwã Israyeley waɗ hirwuy ngir zugudum naŋhaya.

SAMUYEL MUDUMBUŊ NAŊ 15:11

«Ya miga ɓa Sawul a cifi i buy na, yi ra likaŋ, asi a mbiɗi duba le avu ya, yo mingiɓi ɗu ya muɗuvaŋ di na, a ja a hirnga ta.» A ga Samuyele welele teˀ, a tumbulo Buymisemuŋ ngi duvuɗo, hã li daŋ daŋ.