ZOZUWE 10:40 - Bible en langue guiziga

⁴⁰ Zozuwe a zuma hirwuyoyo le cek cek: hirwuy vay muwãhay, vay ruwuyoy ati vay sar gar ngir li muzugudum zugudumoy, waɗ vay sar muwãhay gar. A zuma taŋ le jom ti buy taŋhaya wãˀ wãˀ. Ko a pul mbur pal le ti siifa ta, gwat misi titirihey gar na, a ngizla taŋ le cek cek ngi ga dudok da Bumbulvuŋ. A ga kaɓa Bumbulvuŋ, Buymisemuŋ ngi Israyel miɓa ɗaˀ le tuwa.

ZOZUWE 10:40 ပူးပေါင်းရင်းမြစ်များ

BUYOY MUDUMBUŊ NAŊ 15:29

Basa micifi buy madiɗa kulaˀ si na, a kiɗa mizli ngi hay Zeroboˀamaya vagay vagay cek, ko a pul mbur ti siifa loŋ ta. A gi le kaɓa mingiɓi ngi Bumbulvuŋ mubo ti balam gawla naŋ Ahiya ngi Silo tuwa.

NEHEMI 9:24

Dideˀ taŋhay a cam le angi hirwuy nah, a zumaka le. Kanaˀanay, mizli ngi si ruwuyoyo ki hina taŋ hirnga le a mbuŋ dideˀ ndraˀahaya. Taŋ ati buy taŋhaya, ki vula taŋ le asi haŋ taŋ, ɓa a gam ti taŋ kaɓa taŋ muwuɗam.

DIMISEY 9:17

Bumbulvuŋ ara bugo vu, ɓa mizli a sinakaŋ, a zla kiita le, mbur miteŋteŋ ta na, a jaŋ ti kwar naŋ tehhe a muŋ.

BI NGI ISRAYELEY 34:12

Jam lesl, mizli kum masa cam nga hirwuy taŋ gar na, ki jumom ati taŋ ta, naɓa a sa tiri i kwar avu kumo.

SLUFA VU 13:17

Ti Moyis mislina taŋ nga puro hirwuy Kanaˀan na, a ɓa taŋ: «Cam nga Kanaˀana tir vay ruwuy naŋ, kisa ra jiɗam ti muwã.

Slu cuw 1:7

Wurenna, zuɓam jiviɗ, a ram ng'ar vay muwã ngi Amorihey ati midigwi taŋ Kanaˀanaya, i li micay ngi Zurdeŋ, hirwuy vay muwã, hirwuy mikini ngir ti ruwuy, vay ɗigaray, vay ruwuy naŋ, li misilaɓɓa ngi ciki mubuliy, a ram sesẽŋ a muwã Libaŋ, yo sesẽŋ a Efrat mizaw madiɗaŋ.

Slu cuw 2:34

A dirba nah si na, i tiɓaka walahay naŋhaya cek. I kiɗaka taŋ krap krap pay wãˀ. I ngizlaka ziley, ngwasay waɗ ziri pay wãˀ, ko i pulam mbur ti siifa pal ta.

Slu cuw 7:24

A sa vulukum buy madiɗa taŋhay asi haŋ kum, kisa susuyumoko slimiɗ taŋ wãˀ asi ruwuyo. Ko mbur masa ndir ti siifa a mbuŋ kum anta. Ki sa susuyumoko taŋ pay.

ZOZUWE 10:35

Kalla tapas nah vuna si na, a zumaka walahaya, a kiɗaka mizli ngi raˀahaya gar ti maslalam. Tapasa, a ngizlaka mizli kap, kaɓa taŋ migam ti walahay Lakis tuwa ma.

ZOZUWE 10:37

A zumaka walahay Hebroŋ ati prok naŋhaya gar, a kiɗaka buy Hebroŋ ati mizli ngir walahayay tuwa gar ti maslalam, ko a pulam mbur pal ti siifa ta. A gam ti walahay Hebroŋ kaɓa taŋ migam ti walahay Egloŋ tuwa ma. A wahaka walahaya, yo a ngizlaka mizli ngi raˀahaya gar ngi ga dudok da Bumbulvuŋ.

ZOZUWE 10:39

A zumaka walahaya, buy ngi raˀa ati prok naŋhaya waɗ mizli ngir taŋ gar na, a kiɗaka taŋ ti maslalam, a ngizlaka taŋ kap kap ngi ga dudok da Bumbulvuŋ. Ko Zozuwe a pul mbur pal le ti siifa ta. A gam ti walahay Debir ati buy ngi raˀa, kaɓa taŋ migam ti walahay Hebroŋ waɗ Lipna ati buy ngi raˀa tuwa ma.

ZOZUWE 11:16

Naŋ kine, Zozuwe a tiɓa hirwuyoyo le gar: hirwuy vay muwã, vay ruwuy gar, hirwuy Goseŋ gar, hirwuy ngir zugudumoy, sozo Zurdeŋ ati hirwuy muwã Israyeley waɗ hirwuy ngir zugudum naŋhaya.

ZOZUWE 12:8

Hirwuy tayna i: hirwuy vay muwãhay, ngir mukutukoy, ngi Arapay, ngir li mukutukoy, ngi wuzlaɓuh mikirɗak kirɗakay waɗ mikini tir vay ruwuyoy. Hanayna vuna gar na, i hirwuy ngi Hitihey, ngi Amorihey, ngi Kanaˀanay, ngi Perizihey, ngi Hivihey waɗ ngi Zebusihey.

ZOZUWE 18:21

Walahayay ngi sukwi ngi Benjameŋ, vur muyo vur muyo na, ani: Zeriko, Bet-Hogla, Emes-Kesis,

ZOZUWE 6:17

Walahay i muvula le da Bumbulvuŋ, vurˀe, a ngizlaka gwat ngi raˀahaya gar avra. Sey masa ndir ti siifa i Rahap ngwas sulome, naŋ ati mizli misi avaˀa a haya gar. Asi mike na, muɗumo mizli ndra mislinaka taŋ nga pura hirwuy na, i naŋ.

ZOZUWE 8:2

Ki sa gi ti walahay Ay ati buy ngi raˀa, kaɓa ka migi ti walahay Zeriko ati buy ngi raˀa na ya. Amma so na, zlili ati gineweye gar na, kisa hilaka taŋ da kum, kaɓa gwat ngi lum ngir vurum. Pi soje mipi hirihey sek ɗum ti duba walahaya.»

ZOZUWE 8:27

Israyeleye, gwat taŋ mihilam, kaɓa gwat muluma ar vurumo na, sey ginewey ati gwat mekelemey, kaɓa Bumbulvuŋ miɓa ɗaˀ le da Zozuwe tuwa.

ZOZUWE 9:24

Mizli tuwa, a mbiɗaka da Zozuwe: «Bumbulvuŋ, Buymisemuŋ kumo, miɓa gawla naŋ Moyise ɗaˀ le, ɓa a sa vulukum hirwuy hana gar da kum, yo a sa ngizla mizli ngisi ruwuy hanayna gar a mbuŋ kumo na, ndra gawla ɗikey i cinaka ɓi nah le si. I zluwunam ti kum haɗa teˀe, ndra migam kahana na, vurˀe.