ZOZUWE 10:39 - Bible en langue guiziga

³⁹ A zumaka walahaya, buy ngi raˀa ati prok naŋhaya waɗ mizli ngir taŋ gar na, a kiɗaka taŋ ti maslalam, a ngizlaka taŋ kap kap ngi ga dudok da Bumbulvuŋ. Ko Zozuwe a pul mbur pal le ti siifa ta. A gam ti walahay Debir ati buy ngi raˀa, kaɓa taŋ migam ti walahay Hebroŋ waɗ Lipna ati buy ngi raˀa tuwa ma.

ZOZUWE 10:39 ပူးပေါင်းရင်းမြစ်များ

BUYOY MUCUW NAŊ 10:11

Akẽh na, mizli ngi hay Akapay, misi ti siifahay a Zisreyel gar na, Zehu a ngizla taŋ pay. Mizli madiɗa naŋhay gar, ngama naŋhay ati masay naŋhay gar, a ngizla taŋ cek, ko a pul loŋ ti siifa ta.

ABDIYAS 1:18

Mizli ngi Zakopoy a sa tiram kaɓa vu, yo ngi Zozefeye, kaɓa irne vu. Amma mizli ngi Esawaya, a sa tiram kaɓa giziŋ. Mizli ngi Zakopoy ati ngi Zozefey a sa bulam kaɓa vu, waɗ a wuraka mizli hanayna tuwa avra. Ko mbur ngi Esaw masa ndir ti siifa anta loŋ ta. Asi i ya Bumbulvuŋ miɓi.

Slu cuw 3:3

Yo ma na, Ok buy ngi Basaŋ, Bumbulvuŋ Buymisemuŋ ndra, a vula ndra di le asi haŋ ndra jom ati soje naŋhaya. I ngizlaka taŋ le pay, ko i pulam mbur pal le ti siifa ta.

ZOZUWE 10:33

Akẽh na, Horam, buy Gezer, a kilo widi ngi walahay Lakise. Amma Zozuwe a kiɗa taŋ ati mizli naŋhaya, ko a pul mbur loŋ ti siifa ta.

ZOZUWE 10:37

A zumaka walahay Hebroŋ ati prok naŋhaya gar, a kiɗaka buy Hebroŋ ati mizli ngir walahayay tuwa gar ti maslalam, ko a pulam mbur pal ti siifa ta. A gam ti walahay Hebroŋ kaɓa taŋ migam ti walahay Egloŋ tuwa ma. A wahaka walahaya, yo a ngizlaka mizli ngi raˀahaya gar ngi ga dudok da Bumbulvuŋ.

ZOZUWE 10:38

Akẽh na, Zozuwe ati Israyeley gar, a mbiɗam hiri nga Debir, a zlaka vurum ati walahay Debire.

ZOZUWE 10:40

Zozuwe a zuma hirwuyoyo le cek cek: hirwuy vay muwãhay, vay ruwuyoy ati vay sar gar ngir li muzugudum zugudumoy, waɗ vay sar muwãhay gar. A zuma taŋ le jom ti buy taŋhaya wãˀ wãˀ. Ko a pul mbur pal le ti siifa ta, gwat misi titirihey gar na, a ngizla taŋ le cek cek ngi ga dudok da Bumbulvuŋ. A ga kaɓa Bumbulvuŋ, Buymisemuŋ ngi Israyel miɓa ɗaˀ le tuwa.

ZOZUWE 11:8

Bumbulvuŋ a vula taŋ asi haŋ ngi Israyeleye. Israyeley a kiɗaka taŋ, hã a sipaka taŋ sesẽŋ a Sidoŋ, walahay madiɗa, sesẽŋ a Misrefot-Mayim, waɗ sesẽŋ ar sozo ngi Mispe, kini tisi pas ngi mipriki. A ngizlaka taŋ kap kap ngi ga dudok da Bumbulvuŋ, ko a pulam mbur pal le ti siifa ta.

ZOZUWE 12:13

Debir, Geder,

SAMUYEL MUDUMBUŊ NAŊ 15:3

Wurenna so na, ara kiɗa Amalekeye vagay vagay. Gwatay taŋ misi ti taŋ gar na, ki ngizla taŋ, ko ki ra pul ta. Ziley, ngwasay, ziri memeɗehey ati ziri ngi mi ɗuwahay, slahay ati tumuŋhoy, zlogomohoy ati zunguhoy gar na, ki kiɗa taŋ vagay vagay.

SAMUYEL MUDUMBUŊ NAŊ 15:8

Agak, buy Amaleke, a jakaŋ naŋ ti ji, a kiɗa ta, amma a ngizlaka mizli gar ti maslalam.