ZOZUWE 10:37 - Bible en langue guiziga

³⁷ A zumaka walahay Hebroŋ ati prok naŋhaya gar, a kiɗaka buy Hebroŋ ati mizli ngir walahayay tuwa gar ti maslalam, ko a pulam mbur pal ti siifa ta. A gam ti walahay Hebroŋ kaɓa taŋ migam ti walahay Egloŋ tuwa ma. A wahaka walahaya, yo a ngizlaka mizli ngi raˀahaya gar ngi ga dudok da Bumbulvuŋ.

ZOZUWE 10:37 ပူးပေါင်းရင်းမြစ်များ

BI NGI ISRAYELEY 17:13

Zozuwe a ba hirnga da Amalekeye ti maslalam.

ZOZUWE 10:28

Kalla tapas nah vuna si na, Zozuwe a zuma walahay Makeda, a kiɗa buy ati mizli ngi raˀahaya gar, a ngizla taŋ kap ti maslalam, ko a pul mbur loŋ ti siifa ta. A gi ti buy Makeda, kaɓa naŋ migi ti buy Zeriko tuwa ma.

ZOZUWE 10:35

Kalla tapas nah vuna si na, a zumaka walahaya, a kiɗaka mizli ngi raˀahaya gar ti maslalam. Tapasa, a ngizlaka mizli kap, kaɓa taŋ migam ti walahay Lakis tuwa ma.

ZOZUWE 10:36

Zozuwe ati Israyeley gar a slikiɗam baɗ ti Egloŋ, a ram nga Hebroŋ, a zlaka vurumo.

ZOZUWE 10:38

Akẽh na, Zozuwe ati Israyeley gar, a mbiɗam hiri nga Debir, a zlaka vurum ati walahay Debire.

ZOZUWE 10:39

A zumaka walahaya, buy ngi raˀa ati prok naŋhaya waɗ mizli ngir taŋ gar na, a kiɗaka taŋ ti maslalam, a ngizlaka taŋ kap kap ngi ga dudok da Bumbulvuŋ. Ko Zozuwe a pul mbur pal le ti siifa ta. A gam ti walahay Debir ati buy ngi raˀa, kaɓa taŋ migam ti walahay Hebroŋ waɗ Lipna ati buy ngi raˀa tuwa ma.

ZOZUWE 10:40

Zozuwe a zuma hirwuyoyo le cek cek: hirwuy vay muwãhay, vay ruwuyoy ati vay sar gar ngir li muzugudum zugudumoy, waɗ vay sar muwãhay gar. A zuma taŋ le jom ti buy taŋhaya wãˀ wãˀ. Ko a pul mbur pal le ti siifa ta, gwat misi titirihey gar na, a ngizla taŋ le cek cek ngi ga dudok da Bumbulvuŋ. A ga kaɓa Bumbulvuŋ, Buymisemuŋ ngi Israyel miɓa ɗaˀ le tuwa.

ZOZUWE 11:12

Walahay ngi buy tayna gar na, Zozuwe a tiɓa taŋ le, waɗ a kiɗa buy ati mizli ngi raˀahaya gar ti maslalam. A ngizla taŋ le pay kaɓa Moyis, gawla ngi Bumbulvuŋ miɓa ɗaˀ le tuwa.