ZOZUWE 10:20 - Bible en langue guiziga

²⁰ Zozuwe ati Israyeleye, a kiɗaka mi ngi ga taŋ bonoy ti kiɗ mukuy ta, hã a ngizla taŋ leɗeɗ wãˀ. Dambalaka mekelemey a laham le ar wala taŋ, a kilam ng'ar walahay taŋhay muguno ti mohol.

ZOZUWE 10:20 ပူးပေါင်းရင်းမြစ်များ

SAMUYEL MUCUW NAŊ 20:6

Ar nah na, Davit a ɓa Abisaya: «Ani wurenna, Seba, mangal ngi Bikri na, a wuɗ a zluɓa avu ndra fineˀ zluɓ ngi Absalomo ma. Ka vuna, hila soje ɗuwoy mimezlehey, nga ya buy ɗike. Aru, ara sipo Seba, vur naŋ masa lum li ar walahay mugunohoy le ti moholoy, a ɗum avu ndra.»

BUYOY MUDUMBUŊ NAŊ 20:21

Naŋ kahana, buy Israyel mibi nga kiɗa vu: a ngizla misi piliseye kuɗup ati mota ngi vurum taŋhaya. A kiɗa soje Siriheye sunok sunok.

ƁI NGI HINEY MUCUW NAŊ 13:17

Abiya ati soje naŋhay a kiɗaka Israyeleye le haɗi. A kiɗam soje muwunahay ti wini vagay vagay durmuk skat skat zlum.

ZEREMI 4:5

Hizigaka widi asi ruwuy Zuda, ɓa a cin sesẽŋ a Zeruzalem. Ɓam na: Fam tulum asi ruwuyo. Tilam mi ˀay ngar ngar, ɓam: Kusom ng'ar walahay mugunohoy le ti mohol.

ZEREMI 8:14

Ndra deŋ ar li purla vur mike? Kusukum hirnga kos! Cukum ng'ar walahay mugunohoy le ti mohol, ko i wusam ta, asi Bumbulvuŋ Buymisemuŋ ndra, a tika ndra le, anja i wusam ta, a vula ndra yam ngi si ti slalak araŋ. Gisiŋ i zluɓam ɓi le avu Bumbulvuŋ.

Slu cuw 20:16

Amma da i walahay Bumbulvuŋ Buymisemuŋ kumo muvulukum di na, kisa pulam mbur pal le ti siifa ta.

ZOZUWE 10:10

Bumbulvuŋ a ga zluwun da soje Amoriheye, a kilam mber mber ti Israyeleye. Dar Israyeleye, a kiɗaka taŋ finiˀ finiˀ a Gabaˀoŋ. A sipaka taŋ kini ngir ti miɗingir ngi Bet-Horoŋ, a ram ti kiɗ taŋ sesẽŋ a Azeka, hã sesẽŋ a Makeda.

ZOZUWE 10:19

Na kumo na, ki zumam vu ta, kum sipaka mesene kumoyo, pam sek asi taŋ. Anja ki pulaka taŋ a cam ng'ar walahay taŋhaya mata, asi Bumbulvuŋ, Buymisemuŋ kum, a vulukum taŋ le asi haŋ kumo.»

ZOZUWE 10:21

Israyeley gar a moko ng'avu Zozuwe ar li pi sar taŋ a Makeda ti zuy. Ko mbur maɓa sukwi Israyele fẽt anta mata.

ZOZUWE 11:12

Walahay ngi buy tayna gar na, Zozuwe a tiɓa taŋ le, waɗ a kiɗa buy ati mizli ngi raˀahaya gar ti maslalam. A ngizla taŋ le pay kaɓa Moyis, gawla ngi Bumbulvuŋ miɓa ɗaˀ le tuwa.

ZOZUWE 11:8

Bumbulvuŋ a vula taŋ asi haŋ ngi Israyeleye. Israyeley a kiɗaka taŋ, hã a sipaka taŋ sesẽŋ a Sidoŋ, walahay madiɗa, sesẽŋ a Misrefot-Mayim, waɗ sesẽŋ ar sozo ngi Mispe, kini tisi pas ngi mipriki. A ngizlaka taŋ kap kap ngi ga dudok da Bumbulvuŋ, ko a pulam mbur pal le ti siifa ta.

ZOZUWE 8:24

Mizli Israyeley mingizlaka mizli Ayay pay wãˀ a duba gala, a wuzlaɓuh mikirɗak kirɗak, ar li taŋ misipaka taŋ tuwa na, mizli Ay mekelemey mindilam le asi haŋ taŋ gar na, a kiɗaka taŋ ti maslalam, hã a ngizlaka taŋ le pay wãˀ. A dirba nah, Israyeley gar a moko nga Ay a muŋ, a kiɗaka mi ngi mizli mindirama wãˀ ti maslaam.