ZOZUWE 10:19 - Bible en langue guiziga

¹⁹ Na kumo na, ki zumam vu ta, kum sipaka mesene kumoyo, pam sek asi taŋ. Anja ki pulaka taŋ a cam ng'ar walahay taŋhaya mata, asi Bumbulvuŋ, Buymisemuŋ kum, a vulukum taŋ le asi haŋ kumo.»

ZOZUWE 10:19 ပူးပေါင်းရင်းမြစ်များ

SAMUYEL MUCUW NAŊ 17:13

Da a kil le, ara ci le ar walahay mekelem na, Israyeley gar a sa zuɓam zeweɗey, ara ndahaka walahay nah vuna gun, a ɗiɗakaŋ sesẽŋ a mizaw, ko ɗugur loŋ purla masa ndir ar li nah anta.»

SAMUYEL MUCUW NAŊ 20:6

Ar nah na, Davit a ɓa Abisaya: «Ani wurenna, Seba, mangal ngi Bikri na, a wuɗ a zluɓa avu ndra fineˀ zluɓ ngi Absalomo ma. Ka vuna, hila soje ɗuwoy mimezlehey, nga ya buy ɗike. Aru, ara sipo Seba, vur naŋ masa lum li ar walahay mugunohoy le ti moholoy, a ɗum avu ndra.»

ZEREMI 48:10

Mbur maga slra ngi Bumbulvuŋ ti sefel na, i minisa le. Mbur mangum ɓa pumbus a gi avu maslalam naŋ ta na, i minisa le.

ZEREMI 8:14

Ndra deŋ ar li purla vur mike? Kusukum hirnga kos! Cukum ng'ar walahay mugunohoy le ti mohol, ko i wusam ta, asi Bumbulvuŋ Buymisemuŋ ndra, a tika ndra le, anja i wusam ta, a vula ndra yam ngi si ti slalak araŋ. Gisiŋ i zluɓam ɓi le avu Bumbulvuŋ.

ZOZUWE 10:18

Zozuwe a ɓa mizli na: «Gidigiloko ɗugur madiɗahay ɗasl ɗasl a mi butumo, pam mizli sek a meˀe, ɓa a jiginakaŋ.

ZOZUWE 10:20

Zozuwe ati Israyeleye, a kiɗaka mi ngi ga taŋ bonoy ti kiɗ mukuy ta, hã a ngizla taŋ leɗeɗ wãˀ. Dambalaka mekelemey a laham le ar wala taŋ, a kilam ng'ar walahay taŋhay muguno ti mohol.