ZOWEL 2:1 - Bible en langue guiziga

¹ Fam tulum a Siyoŋ, wudam deŋ a muwã ɗu mipal! Anja mizli ngi si ruwuyoy gar, a jijikam kirkir: asi hin ngi Bumbulvuŋ ara ndilo gweˀe.

ZOWEL 2:1 ပူးပေါင်းရင်းမြစ်များ

PIYER MUDUMBUŊ NAŊ 4:7

Gwatay gar a sa kiɗam mi gweˀe. Ndiram ti sinmijileŋ, gam gwat weˀe ɓa ki diram dibiɗ gu.

ZOWEL 2:15

Fam tulum a Siyoŋ, tiram pal ti gi dalyam, tilam mi ngi gi cikil mipal.

ZOWEL 1:15

Kayya! Hin nah na! Hin ngi Bumbulvuŋ a ndilo le, i hin ngi hirya gwat, Buymisemuŋ mupulo jiviɗ naŋ.

SOFONI 3:11

Ti dinah, sukwi ɗu, k'anta sa gi mesem ti gwat ngi gi ɗik malambaˀ na mata, ti slikiɗa ɓi ɗik avu ya mata, asi hirak ti nah na, mizli ɗikey mahuhumom vu fineˀ gidaŋ na, i muɗa taŋ le avra, joˀ kisa pula jijih ɗik ar muwã mipala.

SOFONI 1:14

Hin madiɗa ngi Bumbulvuŋ naŋ gweˀe, naŋ gweˀe, ara zuɓo sar paɗ paɗa. Da hin nah mindilo le na, mizli a sa wudam cərəwcərəw, ko mbur miwirwir kwana, a sa widi: ‹gawla kilawa›.

ZEREMI 5:22

Bumbulvuŋ a ɓi na: Ki zluwunam ti ya ta mbrike? Ki jijikam a mbuŋ ɗu ta mbrike? Mipa muyuŋ ar deɗe ngi maakway da mubuliy, maakway naŋ ngi set, ɓa a tuwuɗ ta na, i ya takwa? Yam a slikiɗ jirif jirif, amma naŋ anta lum gidaŋ ta, naŋ mangi diɓel na, a hurum cufuyoh cufuyoh, amma ko a tuwuɗa ta.

EZAYI 66:2

Yo ma na, gwat misi titirihey, kum mapuraka taŋ gar na, i ya miga taŋ ti haŋ ɗu, yo i ngayahay gar. Ya maɗuv hiri taˀ na, ng'ar mbur muvuso, mbur misi ar bonoy, ng'ar mbur mazluwun ti mingiɓi ɗu. I ya Bumbulvuŋ maɓi.

TESALONIKEY MUDUMBUŊ NAŊ 5:2

Kum vuna, ki sinaka hin ngi Bumbulvuŋ le kuy kuy: a sa ndilo gurjik kaɓa muhul maso ti duvuɗu.

ABDIYAS 1:15

Asi hin ngi Bumbulvuŋ a ndilo le gweˀe, hin ngi gi kiita da sukwi ngi mizli. Gwat ka miga na, a sa gukuw di da ka aya.

AMOS 3:6

Ada a fam tulum asi ruwuyo manja a muɗa didak da mizli kwa? Da Bumbulvuŋ a ga ta na, gwat ngi mendere a gi avu mizli kwa?

Ɗerewol OZE 5:8

Fam tulum a Gibeya, yo fam zara a Rama. A Bet-Aveŋ, wudam widi ngi zli vurum. Sukwi Benjameŋ, a wuɗam a zlukuw ngi kiɗe ti dirba!

EZEKIYEL 7:12

Pas naŋ a ndila le, hin naŋ a ndir mata. Anja mbur mahiɗik gwata, a mumul ta, anja mbur migi terere a lik ta, asi himaˀ ɗu a slikiɗ le fõh fõh ar zlili ngi si ruwuy gar.

ZEREMI 4:5

Hizigaka widi asi ruwuy Zuda, ɓa a cin sesẽŋ a Zeruzalem. Ɓam na: Fam tulum asi ruwuyo. Tilam mi ˀay ngar ngar, ɓam: Kusom ng'ar walahay mugunohoy le ti mohol.

Ɗerewol ZAK 5:8

Kumo kwana, ɓusam ɓi. Tumom vu a mevel kumo, asi Bumbulvuŋ ara so gweˀ.

FILIPIHEY 2:12

Naŋ kanah, yeme ɗuwoy, zleˀe na, ki cinikiy mi le ndrehhe. Anja ki cinikiy mi, sey da y'ada avu kumo tew ta, amma ko ti ya misi anta avu kum wurenna ta na kwana, cinikiy mi fineˀ misi zleˀe jaka. Cikam vu ti ɓi ngi lih kumo, ti zluwun waɗ ti jijik kirkir.

SOFONI 1:16

I hin ngi fi tulum ati widi ngi vurum ar walahay muguno le ti moholoy ati hay musuburoy, misi a hirnga moholoy mira zliram.

AMOS 8:2

A ɓiy: «Amos ka mapur na i mike?» Yi mbiɗaŋ di: «I kiɗgil ti yi ngi widis minahaŋ. Bumbulvuŋ a ɓiy: «Israyel, mizli ɗuwoyo, hin taŋ a ndila le muduba, y'anta sa pula mungra taŋ na teˀ mata.

Ɗerewol OZE 8:1

Fam tulum, tilam mi, ar mizli ngir hay ngi Bumbulvuŋ, mendere ara po sar kaɓa kurom, asi mike na, a ngilaka jumoˀay ɗu le, yo gwatay ya mudubuna taŋ di na, a slam huma le ava.

EZEKIYEL 33:3

Mbur mijigina li tuwa naŋ mupura le, vurum ara so ng'asi ruwuyo na, a fi tulum ɓa mizli a wam vu.

EZEKIYEL 12:23

Ɓa taŋ: Bumbulvuŋ, Buymisemuŋ a ɓi na: I susuyumo mikicuwul hana avra, anta sa ɓaka asi ruwuy Israyele mata. Ɓa taŋ jak na: ‹Hin ara ndilawa, gwat ya mabiga ngi pur ti kleŋ gar na, a sa gi›.

EZEKIYEL 7:10

Hin a ndilo le, n'ani, gwat ngi kiɗa kum a ndilo le, n'ani a jiviɗi. Gi moˀore ara ru nga mbuŋ nga mbuŋ, cin ta muwãˀ naŋ ara sik nga mbuŋ nga mbuŋ.

DANIYEL 9:20

I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

DANIYEL 9:16

Bumbulvuŋ, ka maga gwata jeŋŋe na, anja mevel ɗik ati himaˀ ɗik, a mbiɗi duba avu Zeruzalem, walahay ɗik, muwã ɗik mipal na. Asi vur mungra ndrahay ati malambaˀ ngi dideˀ ndrahay na, sukwi mugun hirnga ndra gar, ara zaka Zeruzalem ati mizli ɗikeye.

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

EZEKIYEL 33:6

Da mbur mijigina li mupura le, vurum ara sawa, a fa tulumo ta, yo mizli a wam vu ta na, da vurum a so le, a kiɗam mbur ngi si ruwuyo le vagay na, naɓa a kiɗaka mbur nah asi malambaˀ ngi mbur mijigina li, i sa cufuɗa pumbus naŋ avu mbur mijigina li.

ZEREMI 16:10

Ki sa ɓa ɓi hana gar da mizli tayna, amma a sa cufuɗukuw: «Bumbulvuŋ a cico bonoy madiɗa ar ndra kahana vur mike? I gam mungra madiɗa wanaka? I zluɓam ɓi wana avu Bumbulvuŋ Buymisemuŋ ndra ka?»

ZEREMI 16:7

Mizli ngir hay vagayaya, ko mbur ngi sa vula taŋ gwat ngi zum anta, ko ngi tikin taŋ ɓa a taˀaka tuwuyo tekeɗe ka. Mizli misi ar vagay ngi cine taŋ malla ngi mumuŋ taŋ kwana, ko mbur anta ngi sa vula taŋ gwat ngi si ɓa ngi tikin taŋ ta.

EZAYI 66:5

Kum mizli majijikam ti mingiɓi nga ya Bumbulvuŋ na, cinaka mingiɓi, ya maɓukum di ani: Sukum kumoy mahirsukum, yo maɓulukum avra vur ya na, a ɓam ani: «Anja ya Bumbulvuŋ i biga dudok ɗu, yo anja ɓa a puraka zluzluɓ kumo kini.» Na masa pam mesem i taŋ vuna jaka.

EZAYI 2:12

Asi Bumbulvuŋ, i misi gidaŋ wãˀa, hin naŋ ada pal, ti hin nah na, mizli mapuraka vu taŋ kaɓa taŋ gidaŋ, taŋ fineˀ mizli na, a sa ga taŋ kiita, ɓa a vuso taŋ, ɓa a mataŋ nga ruwuy.

DIMISEY 119:120

Dum vu ɗu gar ara jijik ti zluwun a mbuŋ ɗike, yo ɓi ka mujuwa a mevel na, ara giy zluwuno ma.

DIMISEY 87:1

Dimis ngi wuzla dimis ngi sukwi Kore. Bumbulvuŋ a pa walahay Zeruzaleme ar muwã muvuku vu taŋ.

SLUFA VU 10:3

Da taŋ misa faka fugum tayna le cuw taŋ na, mizli a sa kusom cek cek a ciki ɗik, a mizlingre guɗuk ngi zlir ti ya Buymisemuŋ.

ZAKARI 8:3

Ya Bumbulvuŋ i ɓi ani: I ra mawa ng'avi Siyoŋ, ɓa i cifi a Zeruzaleme. A sa zilaka Zeruzaleme «Walahay-miteŋteŋ», yo a sa zilaka muwã ngi Bumbulvuŋ misi gidaŋ wãˀa ma na, «Muwã Mipal».

ƁI NGI HIN GAR MUDUMBUŊ NAŊ 15:28

Israyeley gar ara ki saka akoti ngi jumoˀay ngi Bumbulvuŋ nga Zeruzaleme ti ji salalay, ti fi tulum, zara, ti kiɗa jãwjãw, gujuvur waɗ garaya.

KORENTIHEY MUDUMBUŊ 14:8

Yo da mbur mifi tulumo, a fa i ˀay ngi tulum ta si na, masa juw vu nga gi vurum, i waka?

ƁIMUNJUYO 6:17

Asi hin madiɗa ngi zuɓa himaˀ taŋ na, a ndilo le. Macici zlak gu, i waka?»

BI NGI ISRAYELEY 10:14

Jaray tuwa, ara slikiɗ giv giv asi hirwuy Ezipte gar, a pam sar asi ruwuy ngi buy Ezipte gar: A zuɓ ka vuŋ, ko ti zlezle, jaray a gi ɗaˀ kanah ta, yo anta a sa gi kanah tumbuŋ ta ma kini.

EZEKIYEL 30:3

Asi hin ngi Bumbulvuŋ ara ndilawa, a ndilo le gweˀ vuna si. I hin ngi gazlavay titira kuyta wãˀ. Hin ngi ga kiita da sukwi ngi mizli.

ZOWEL 2:11

Bumbulvuŋ, naŋ ara ɓi ˀay kaˀ a muŋ, a mbuŋ soje naŋhaya. Soje naŋhaya taŋ haɗa teˀe: yo migi gwat, naŋ maɓa ɓi naŋ na, naŋ gidaŋ. Hin ngi Bumbulvuŋ i hin madiɗaŋ, a gi zluwun haɗi wãˀa: mbur maɓusa gu ada kwa?

AMOS 5:18

Mizli makutuko hin ngi so ngi Bumbulvuŋ na, kay, taŋ ar bonoy! Hin ngi so ngi Bumbulvuŋ vuna, ki lumam di mike? Tapasa, a sa gi i hin ngi luvuŋ, i hin ngi li minjahha ta.

ZAKARI 14:1

Zeruzalem, hin ara ndilawa ani, i hin ngi Bumbulvuŋ, tapasa, mizli a sa wunkaka zlili ɗike daˀ a mihiri ɗik vuna si.

SLUFA VU 10:2

«Ɓi ɓa a vuɗukuw fugum ngi ɓiri barahay cuw. Ki sa fa ngi zila mizli malla ɓa mizli ngir walahay miwal wala, a slikiɗam.

EZAYI 13:6

Wudam widi nbgi vagay asi hin ngi Bumbulvuŋ naŋ gweˀe! Hin nah so ka gwat ngi ngizla vu, i Buymisemuŋ mingizla vu mislino di.

EZAYI 13:9

Puraka hin ngi Bumbulvuŋ ara sawa, i hin mihimaˀ, yo i hin ngi himaˀ mufõh fõh mufineˀ gidaŋ, a sa tiri ti ruwuyo daŋ daŋ, waɗ a ngizla migi mungraˀahaya kap.

EZEKIYEL 21:12

Da taŋ misa cufuɗukuw le: ‹Ki tuwuy mike› na, kisa mbiɗa taŋ di: ‹I tuwuy labara mandilawa ani. Mevel a sa sla taŋ gar. Haŋ taŋhay a sa ndiram guluɓ guluɓ, mevel anta ar haya mata, popurokoy a sa tiɓam yam ciliw ciliw. Ani labara ara ndilawa, a gi le gisiŋ. I ya Bumbulvuŋ, Buymisemuŋ maɓi.›»

SOFONI 1:7

Taˀaka mi a mbuŋ ya Bumbulvuŋ, asi hin nga ya Bumbulvuŋ naŋ gweˀe. ya Bumbulvuŋ i ra juw vu ngi gi mikuli, mizli naŋ mizilo taŋ, a ɗuwula taŋ mi le, ɓa a ndiram taŋ pal.