ZOWEL 1:9 - Bible en langue guiziga

⁹ Hapa ngi vul ati mbaazla ngi puslo, anta sa ram di ng'ar hay ngi Bumbulvuŋ mata. Migi mikuli, mizli ngi slra ngi Bumbulvuŋhoyo, a roko ti tuwuy ngi vagay.

ZOWEL 1:9 ပူးပေါင်းရင်းမြစ်များ

ƁI NGI HINEY MUCUW NAŊ 13:10

Na ndra na, Bumbulvuŋ Buymisemuŋ ndra i naŋ, ndr'i pulakaŋ ta: masayay magaka mezegwel da Bumbulvuŋ na, i ziri ngi Aroŋhoy, yo i levihey, ara gaka slra taŋ!

BI NGI ISRAYELEY 28:1

«Moyis, sukum ɗik Aroŋ waɗ ziri naŋ mizileheye, ti Nadaŋ, Abihu, Elazar waɗ Itamara, zilo taŋ nga ciki ɗiki, baˀ pal avu Israyel mekelemeye, ɓa a gikiy mikuli.

EZAYI 61:6

Kumo so na, a sa cukum slimiɗe ‹Migi mikuli ngi Bumbulvuŋhoy›, yo a sa zulukum ‹Migi slra ngi Buymisemuŋ ndrahay›. Ki sa zumam migidaŋ ngi sukwi ngi mizli, yo kisa jijaham ti zlili taŋhaya.

TUWUY 1:16

Ya matuwuy na aseˀeŋ, hiri ɗu ara budug tuwuy. Asi mbur ngi tikin ɗu ɓa i taˀa tuwuyo, mbur ɓa a vuliy gidaŋ na, naŋ kileŋ avu ya. Ziri ɗuwoyo, a zizam le avu ya, asi mesene ɗu, naŋ gidaŋ haɗa.

TUWUY 1:4

Jiviɗ ngi Siyoŋhoy gar, a ndiram le daŋ daŋ, ko mbur mawi haŋ nga diga anta. Mizli anta ar li ngi lumahaya mata, masay ngi raˀahaya, ara niˀicam. Ziri diili ngi raˀahaya, ara likam, kay, i bonoy mukuyta wãˀ avu Siyoŋ.

Ɗerewol OZE 9:4

Tˀanta sa kucaka li ti mbaazla vur Bumbulvuŋ mata, mikuli taŋ, anta sa ciraŋ hiri mata. A sa tiri avu taŋ, kaɓa ɗaf ngi vagay, mizli mazumam gar na, a tiram taŋ ti dili. Asi mike na, masa vula taŋ siifa i ɗaf vuna, amma anta sa cam di ng'ar hay ngi Bumbulvuŋ ta.

ZOWEL 1:13

Kum masayay, kam zana ngi vagay, tuwam kaɗam kaɗam, kum migi slra ngir li gi mikulihey, tuwam ˀirslik ˀirslik. Migi slra ngi Buymisemuŋ ndrahay, soko, hinam ti zana ngi vagay ɓaˀ ɓaˀ avu vu, hapa ngi vul ati mbaazla ngi pusl, anta ram di ar hay ngi Buymisemuŋ kumo mata.

ZOWEL 1:16

Gwat ngi zum mikiɗ mi, yo ar hay ngi Bumbulvuŋ, mumul ati jiɗa mececẽleŋ anta mata na, a gi a mihiri ndra ta kwa?

ZOWEL 2:14

Da a sa mbiɗa wuluko kwani, misina i waka? Yo a dirba nah, a sa ɗuwulukum mi, naɓa, kisa soko ti hapa ngi vul waɗ mbaazla ngi pusl da Bumbulvuŋ, Buymisemuŋ kumo.

ZOWEL 2:17

Masayay ati mizli ngi slra ngi Bumbulvuŋhoyo, ara tuwam ar hay ngi Bumbulvuŋ, ar wala ngi jawleeru ati li gi mikuli. Anja a tumbuloko Bumbulvuŋ, a ɓam: «Bumbulvuŋ, pura ircece da mizli ɗikeye, anja ki pula mizli ɗikeye mesem mesem ta, ɓa sukwi mekelemey a singiram ar taŋ ta, ɓa a ɓam: «Bumbulvuŋ taŋ naŋ amaka?» ta.