ZOWEL 1:4 - Bible en langue guiziga

⁴ Gwat ngi migam, misi mi ngi mumuyuŋ na, yuk a zuma le tirneˀ, yo misi mi ngi yuko, tuˀuf a zuma le tirneˀ, waɗ misi mi ngi tuˀufo, jaray a zuma le leɗeɗ.

ZOWEL 1:4 ပူးပေါင်းရင်းမြစ်များ

BUYOY MUDUMBUŊ NAŊ 8:37

Da may misa gi le asi ruwuyo malla da jiji mozorbono misa gi le, da gwat ngir guvahay ara muˀulom malla ara zãˀãm daˀ arleˀe, da yuk ati jaray a bo le hindiˀille, ara sawa, da Israyeleye, mesene taŋhay ara guzuvuraka taŋ, sesẽŋ angi walahay taŋ migidaŋhay, da mendere malla jiji doflo wanaka gar misa gi le,

ƁI NGI HINEY MUCUW NAŊ 6:28

«Da may misa gi le asi ruwuyo, malla da jiji mozorbono misa gi le, da gwat ngi migamay ara muˀulom malla ara zãˀãm ar guva, da jaray malla yuk a bo le hindiˀille, Israyeleye, da mesene taŋhay ara ndahaka walahay ngi si ruwuy taŋhaya, ko da i jiji doflo wana, malla jiji wanaka gar misa ndilo le,

ƁI NGI HINEY MUCUW NAŊ 7:13

Da i gica muŋ le, ba vuŋ gi mata, da i pulo jaray le ɓa a zuma gwat ngi si ruwuyo, da i slino mozorbono le ng'ar mizli ɗuwoyo,

DIMISEY 105:34

Bumbulvuŋ a ɓi ɗaˀ ma na, jaray a ndilawa sirit sirit, waɗ ɓeɓeke slirɓiɓiɓi, a sluf ta.

DIMISEY 78:46

A vula gwat ngi sifi taŋhaya da jaray a zumaŋ, migir ngi slra taŋ, a vula da yuk ɓa a zumaŋ.

BI NGI ISRAYELEY 10:4

Da ki ngum pula taŋ ɓa a cohom ta ɓula si na, zle tiprike, i sa slino jaray asi hirwuy ɗike.

BI NGI ISRAYELEY 10:5

A sa sirtaka hirwuyo sirit wãˀ, ko mizli anta sa puraka feŋ gu mata. Gwat ngi migam milih purla purla avu yam na, a sa tirnaˀaka tirneˀ wãˀ, a sa zumaka widis kumoy maɗiɗam a ɓuh cek,

EZAYI 33:4

A kusoko gwat ngir vurumo, kaɓa makusumom yuku, a wusam vu ng'ara kaɓa jaray mawus vu.

ZEREMI 51:14

Bumbulvuŋ misi gidaŋ wãˀa, a hudum le ti slimiɗ naŋ tehhe a muŋ, a ɓi: «I sa ga ɓa mizli haɗa a nahaka walahay ɗike heɓeheɓe kaɓa jaray, a sa wudam widi ngi pula cuwal ng'ar ka.»

ZEREMI 51:27

Ngaka drapo kaˀ asi ruwuyo, fam tulum a wuzla sukwi ngi mizli. Ɓaka sukwi ngi mizli a juwam vu ngi gi vurum mipal ati naŋ, zilaka buy mazumam buyoy na, ɓa ara lumakaŋ: buy Ararat, buy Mini waɗ buy Askenas. Ɓaka madiɗa ngi sojeheye ɓa a hilam mizli nga lumaŋ. Slinam ti misi pilisey urnok urnok, kaɓa jaray mazuɓ hindiˀille ka gazlavay, ɓa ara lumakaŋ.

ZOWEL 2:25

Buy misemuŋ a ɓi: «Mumuyuŋ, yuk, tuˀuf waɗ jaray, soje ɗuwoy mihaɗa tayna, ya mislina taŋ ng'ar kum, vihey misi taŋ muzumaka gwat ngi migam kumoy na, i wurkukum taŋ a muŋ.

AMOS 4:9

I go jijihey wal wal da daw ngir guva kumoyo, a muˀulom, a zãˀãm. Gwat ngir jarne kumoy ati gudubun kumoy, ˀuruf kumoy waɗ tutumbur kumoyo, birnjeɗek a zuma taŋ le pay. Gar ti nah kwana, ki moko ng'avi ya ta na si. I ya Bumbulvuŋ maɓi.

AMOS 7:1

Bumbulvuŋ, Buymisemuŋ ɗu, gwat naŋ mibigiy di anihĩ: Keɗ na, ara go jaray, naɓa hirak ti giziŋ mazla ɗiɗi ti ɗiɗi aruŋ, a dirba mislaka giziŋ mudumbuŋ naŋ le ngi murbuc da buyo.

MALASI 3:11

I sa tika birnjeɗeke, ɓa a zuma gwat ngi migam kumoyo mata, yo ɓa gudubun ngir guva kumoy a yam. I ya Bumbulvuŋ misi gidaŋ wãˀ maɓi.

Slu cuw 28:38

Ki sa ram ti hilfa daw nga zlig haɗi, amma kisa lumam daw ti sifi, neˀkini, asi jaray a sa tirnaˀa tirneˀ tirneˀ gar.

Slu cuw 28:42

Widis kumoy ati gwat ngir guva kumoy gar, i yukoy masa zumaka taŋ.