ZONAS 4:9 - Bible en langue guiziga

⁹ Akẽh na, Buymisemuŋ a ɓa Zonasa: Ka miji mevel vur widis hana na, naŋ kasl sukwani?» Zonas a mbiɗaŋ di: «Hĩ! Ya miji mevel hã ngi cufuɗa muc na, naŋ kaslsla.»

ZONAS 4:9 ပူးပေါင်းရင်းမြစ်များ

BUYOY MUDUMBUŊ NAŊ 21:4

Akap a mi nga hay naŋ ti lik, yo ti mevel, asi Nabot, mbur Zisreyel miɓaŋ: «Guva ngi dideˀ ɗuwoy mupulikiy di na, yi vuluw di ta.» A hin kuɓ ar arngawo naŋ, hiri pulaˀ ng'avu dalam, ko a ngum zuma gwat ta.

Ɗerewol JOP 18:4

Ka Jop mahiriya vu ɗik ti mevel ngataraŋ, ki wa na, ɓa mizli a pulaka hirwuyo njoŋ asi ka, yo ɓa mandazlay muwãhay a kiraham ng'ar li mekelem vur ka sukwa?

Ɗerewol JOP 36:18

Anja ji mevel a ci ti ka ng'ar slikiɗa ɓi ta so! Ki wa na, ki mbiɗa hirnga ɗike gu ti gwat ngi lum ɗike kwa? Anja wuluk nah, a guw gilaw ta!

Ɗerewol JOP 5:2

Haˀaw, makiɗa mbur gilawa i mevel a kwacay, mbur manja lesle, i suloŋ makiɗaŋ a kwacaya.

ZONAS 4:1

Zonas a cin ndum ta ndiɗaˀ wãˀ, a ji mevel.

ZONAS 4:10

Bumbulvuŋ a mbiɗaŋ di: «Ka, ki ra pura ircece da widis hana, ka migir vu ɗik neˀ vurˀe ta, i ka migila ta, a gil ar duvuɗ purla, yo ngi duvuɗ naŋ mekelem si na, a mucu.

ZONAS 4:8

Akẽh na, pas mujuɗo na, Buymisemuŋ a go himiɗ mawur vu tisi pas ngi miprike, dar pas a wura Zonas a hirnga. A ndir mata ngi ɓurslaŋ, joˀ Zonas a cufuɗ mucu, a ɓi: «Bonoy titiri, wuya ar vigiɗi.»

Matiye 26:38

Joˀ Yesu a ɓa taŋ: «Didak a muɗiy le wãˀ ti lika muco. Cifam aka, i hinjam ta gar ndra.»

KORENTIHEY MUCUW NAŊ 7:10

Vur ndurɓo hiri ka Buymisemuŋ mawuɗ na, a ga ɓa mbur a zil marava maru ti mburo nga lihi, yo mbur anta wulka mata. Amma ndurɓo hiri ngi duniya mawuɗ na, aru ti mburo ng'ar mucu.

ƁIMUNJUYO 9:6

Angi hin nah na, mizli a sa puram jiviɗ ngi mucu, amma anta sa lumam muco ta. A sa hĩyãm mucu, amma muc a sa kil kileŋ avu taŋ.

MIGI KIITAHAY 16:16

Dalila ara hila mi da Samsoŋ, ara mbiɗaŋ hirnga ti mingiɓi misi purla hana, a funa gidaŋ le da Samsoŋ ka ngi mucu,