ZONAS 4:2 - Bible en langue guiziga

² A tumbulo Bumbulvuŋ, a ɓaŋ: «Aw Bumbulvuŋ ɗu! Ti ya misi angi hirwuy ɗu na, i ɓi a kwacay ɗu zleˀe kahana vuna. Ya muwus vu ngi kil nga Tarsis na vurˀe. I si na le kuy kuy zleˀe si, ki Buymisemuŋ migi mezle, mapur ircece, maji mevel kutum ta, mawuɗ vu haɗa, yo da ka mujuwa ɓi le a mevel ngi gi malambaˀ da mburo na, ki pula teˀe.

ZONAS 4:2 ပူးပေါင်းရင်းမြစ်များ

BUYOY MUDUMBUŊ NAŊ 19:4

Naŋ vuna so na, aru nga wuzlaɓuh, hiipas ar li ru, waɗ ara cifi asi widis meciɗek adakaˀ pal naŋ. A pura zuwen naŋ mamucu, a ɓi: «Y'anta ɓusa bonoy hana gu mata! Bumbulvuŋ, wurenna, zuɓa siifa ɗu. Na zle ya puɗaw fineˀ dideˀ ɗuwoyo kwa?»

DIMISEY 103:8

Bumbulvuŋ a pur ircece, yo a gi mezle haɗi teˀe, a ji mevel kutum ta, yo naŋ teŋteŋ haɗa.

DIMISEY 145:8

Bumbulvuŋ naŋ ti mevel mezleŋ, yo a pur ircece haɗi, a ji mevel kutum ta, yo naŋ teŋteŋ haɗa.

DIMISEY 78:38

Amma Buymisemuŋ, naŋ i mupura ircece, ara pula malambaˀ taŋ, mbak ngizl taŋ kuɗupo jak. A muca mevele le sar mbeˀ mbeˀe, a bo ti ji mevele njoy wãˀ ta.

DIMISEY 86:15

Amma ka so na, Bumbulvuŋ, ki Buymisemuŋ, mapur ircece, yo misi mevel mezleŋ, maji mevel kutum ta, ka teŋteŋ haɗa, yo kakaslsla ma.

DIMISEY 86:5

Bumbulvuŋ, ki mbur mezle haɗa, yo ki pul mungra ma, mizli matumbulukuw gar na, ki vula taŋ gwata ti gula ti hazum.

DIMISEY 90:13

Bumbulvuŋ, kisa pula ji mevel ɗik ar ndra, hã ti vunaka? Mo ng'avi ndra, pura ndrˀircece da ndra gawla ɗikeye.

BI NGI ISRAYELEY 32:14

Dar Bumbulvuŋ a pula malambaˀ, naŋ mawuɗ a ga da mizli naŋhay zleˀe tuwa.

ZEREMI 18:8

Amma da sukwi nah tuwa, a zil marava le ar naŋ migi malambaˀ avu ɓi micica ɗu na, naɓa malambaˀ ya mawuɗ ngi gaŋ di na, i pula ɓi nah teˀe.

ZEREMI 20:7

Bumbulvuŋ ɗu, ki tikiniy le haɗa, haˀaw, i pula vu ɗu le mbak, ki tikiniy le, ki lum gidaŋ le a hirnga ɗu, yo ki tikiy ˀay le. Vur hin gar na, mizli ara singiram ar ya, mizli gar ara gam ti ya dungur.

ZEREMI 26:13

Amma wurenna, mbiɗaka kpak kumo, mbiɗaka gwat ngi gi kumo, Bumbulvuŋ Buymisemuŋ kumo mazulukum na, cinakaŋ. Kanah na, Bumbulvuŋ a sa pula hiryi, naŋ mujuwa a mevele ngi gukum di tuwa.

ZEREMI 42:10

‹Da ki ngumam le ngi cifi asi ruwuy hana na, naɓa i sa cucukum gidaŋ gidaŋ, y'anta sa zuzukum mata, yi sa cifi ti kum hǝɗ hǝɗ kuy kuy, y'anta sa hizigiɗukum mata wãˀ, i sa wulka malambaˀ ya mugukum di na.

AMOS 7:3

Dar Bumbulvuŋ a mbiɗa wuluko, a ɓi: «Anta sa gi kanah mata.»

AMOS 7:6

Akẽh na, Bumbulvuŋ a mbiɗa wuluko, a ɓi: «Anta sa gi kanah mata.»

ZONAS 1:3

Amma Zonas a slikiɗ nga naŋ, ɓa a kil nga Tarsis, kileŋ avu Bumbulvuŋ. A pi sar nga Zafa, a lum palalam a diga maru nga Tarsis. A wurka dala ngi palalama, a ci asi migi slra ngir palalamaya, ɓa aru nga Tarsis, kileŋ avu Bumbulvuŋ.

ZONAS 3:10

Buymisemuŋ a pura gi gwat taŋ na: ara pulaka jiviɗ taŋ malambaˀa. Akẽh na, a pula ɓi naŋ mujuwa a mevel ngi ga taŋ malambaˀ na. A ga mata.

ZONAS 3:9

Misina i waka! Asinta, Buymisemuŋ a sa mbiɗa wuluko, a sa pula ɓi naŋ mujuwa a mevel na, a sa muca mevele, kanah na, anta sa kiɗa ndra vagay vagay mata kwani?»

MISE 7:18

Buymisemuŋ, ka mapuy mungra, yo ka mapula slikiɗa ɓi ngi mizli ɗikey mindiram ti siifa na, ngi wi ati ka vuna i kuli wanaka? K'anta ki ji mevele ngi wãˀ ta, ka, ki wuɗ di i gi mezle da ndra.

Ɓimezle ngi Yesu Kristu LUK mitil di mi 10:29

Amma naŋ a wuɗ a biga, naŋ i mbur mijeŋŋe, a ɓa Yesu: «Na, mbur cil ɗu vuna, i waka?»

Slu cuw 4:31

Asi Bumbulvuŋ Buymisemuŋ kumo, Buymisemuŋ mapur ircece haɗi, anta sa pulukum fuk ta, anta sa ngizlukum pay ta, naŋ anta sa puyuk hirnga ti jumoˀay, naŋ mujumo ati dideˀ kumoy na ta.