ZONAS 2:4 - Bible en langue guiziga

⁴ Ki hizigiy le ng'ar heleleŋ a wuzla mubuliy, ya guzluv a diga a wuzla yam, diɓel ngi yama gar, asi cala asi cala, a mbizlo ng'ar ya.

ZONAS 2:4 ပူးပေါင်းရင်းမြစ်များ

BUYOY MUDUMBUŊ NAŊ 8:48

da a cufuɗam wereke le avu ka ti mevel purla waɗ ti membezleŋ ngi vu taŋ wãˀ, angi hirwuy ngi mesene taŋhay, taŋ mijahay anga tuwa, da ara diram dibiɗ, hiri pulaˀ pulaˀ ngir tivi hirwuy, ka muvula da dideˀ taŋhay, ngir tivi walahay ka muwunaˀ, yo ngir tivi Hay, ya mindira ngi zila slimiɗ ɗik ara tuwa na,

BUYOY MUDUMBUŊ NAŊ 9:7

naɓa kum Israyeleye, yi sa bi ti kum avra ti ngi hirwuy ya muvulukum di na. Yo Hay misenna, ya mitiri di pal ɓa yi ndir ara tuwa na, yi sa pula mbak zlõh avra. Dar mizli gar a sa singiram ar Israyeleye, a sa kiɗam ti taŋ mambaˀ.

ƁI NGI HINEY MUCUW NAŊ 6:38

taŋ misi i mijahay le angi hirwuy miram taŋ ng'ara tuwa, da ara zilam marava ti mevel purla, ti membezleŋ ngi vu taŋ wãˀ, yo da ara diram dibiɗ, hiri pulaˀ pulaˀ ngir tivi hirwuy taŋ, hirwuy ka muvula da dideˀ taŋhay na, yo hiri pulaˀ ngir tivi walahay ka muwuna, waɗ ngir tivi hay ya mindira ngi zila slimiɗ ɗik tuwa na,

DIMISEY 31:22

Sise ngi ɗik Bumbulvuŋ ɗu, asi ki giy cekene le da ya ti gi teŋteŋ ɗik na, ar walahay muguno le ti vurum.

DIMISEY 42:8

Daka muhurumo yamaya le ti gidaŋ gboh na, yam ngir mubuliy mijileŋ jileŋheye, a zilam vu ar wala taŋ. Ki ngi taŋ diɓel, ki mbuzlo taŋ grip grip cek ng'ar ya, kay, yam a ndiy le surum wãˀ.

DIMISEY 5:7

Ki ngizla mizli misi slireye. Mbur migi gilaw da mizli ati mikiɗa hirnga na, anta guw ka Bumbulvuŋ kuyta wãˀ.

DIMISEY 88:6

Yi mihiziga le fuk, giceˀ a wuzla mumucahay, i bam vu le ati mizli mumucahay ar zivi, misi ko k'anta wuluk ar taŋ mata, asi a gwaham le avu ka.

DIMISEY 88:7

Ki hizigiɗiy ya le ng'ar vigiɗ mijileŋ, ng'ar luvuŋ mitimbiɗim makiɗ vu vagay.

EZAYI 38:17

Bonoy ɗu tuwa, a tiri wuya le. Asi ki so le gumbaˀ avu ya ɓa yi muc ta, yo ki hiziga mungra ɗuwoyo le gar nga dirba ɗiki.

EZAYI 49:14

Zeruzalemey a ɓam: «Bumbulvuŋ a pula ndra le zlaɗa, Bumbulvuŋ a puyuk hirnga le ti ndra.»

ZEREMI 15:1

Bumbulvuŋ a ɓiy: «Da ko Moyis ati Samuyel a boko le dedeŋ a mbuŋ ɗu aka, vur ɓi ngi mizli tayna tekeɗe kwana, y'anta sa cine taŋ di ta na si. Ɓula taŋ a mbuŋ ɗu avra, anja a cohom!

ZEREMI 7:15

I sa zliɗukum kileŋ avu ya, kaɓa ya mizliɗa sukum kum, dideˀ ngi Efrayimey gar na ya.

TUWUY 3:54

Yam a ndiy le yik, joˀ yi ɓi: kay, yi miziza le so!

EZEKIYEL 37:11

A ɓiy na: «Ka mburu, tes salawaɗ hanayna i Israyeley. A ɓam na: ‹Tesl ndra i tesl salawaɗ mikpazlaŋ kpazlaŋhay, njaha hiri ndr'anta mata, i zizam le wãˀ.›

DANIYEL 6:10

Ar nah na, buy Dariyus a tuh ɓi micica ngi tika gwatay, a ɗuva haŋ ara.

ZONAS 2:7

Yi pi sar le, hã sesẽŋ asi virzi ngi muwãhay, miviŋ ngi ruwuy ngi mizli mumucahay a gicam le kiɗasl kiɗasl ngi wãˀ a hirnga ɗu. Amma ka, yawwa Bumbulvuŋ, Buymisemuŋ ɗu! Ki jiɗo ti ya le ti siifa tir vigiɗe.