ZONAS 1:9 - Bible en langue guiziga

⁹ Zonas a mbiɗa taŋ di: «Yi mbur Heber, yi huruk huruk nga ya a mbuŋ Bumbulvuŋ, Buymuŋ, miga mubuliy ati hirwuyoy na.»

ZONAS 1:9 ပူးပေါင်းရင်းမြစ်များ

ZLI VIRZI 1:10

Buymisemuŋ a vula slimiɗ da li mingbaŋngbaŋ tuwa ‹hirwuy›, yo yam micikil ar li purla kwana, a vulaŋ slimiɗe ‹mubuliy.› Buymisemuŋ a pura na, naŋ kuy.

ZLI VIRZI 14:13

Yo mbur a loho le pal, a so fa labara naŋ da Abram mbur Hebere. Abrama, hay naŋ gweˀ avu widis madiɗa ngi Mamre. Mamre i mbur Amori, i sukum ngi Eskol ati Aner. Taŋ makir taŋ a jumomˀay le ati Abrama.

ZLI VIRZI 24:7

Bumbulvuŋ, Buymisemuŋ a zuɓo ya baɗ a hay baha, baɗ angi hirwuy ngi muy ɗuwoyo, a ɓiy le, yo a hudum le, a ɓi: I sa vula hirwuy hana da dideˀ ɗikey, yo i naŋ masa slina modro naŋ a mbuŋ ɗike, kisa zuɓo ngwas da mangal ɗu a diga.

ZLI VIRZI 39:14

a zilo migi slra ngi hay naŋhay, a ɓa taŋ: «Puraka ayɗi! A soko ndra ti mbur Heber ɓa a gi ti ndra dungur. A so ng'avi ya ɓa a hin ti ya, joˀ yi zil vu ti gidaŋ.

BUYOY MUCUW NAŊ 17:25

Mizli tayna a zlaka a cifam asi ruwuyo so. Vur taŋ i mizli mahuruk hurukam a mbuŋ Buymisemuŋ ta tuwa na, dar Buymisemuŋ a slino taŋ moboroy, ara kiɗaka taŋ.

BUYOY MUCUW NAŊ 17:28

A wuzla masayay mijaka taŋ zleˀe nga diga tuwa na, mbur purla a so cifi a Betel. Dar a zla a dubuna taŋ jiviɗ ngi huruk huruk a mbuŋ Buymisemuŋ so.

ESDRAS 1:2

Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

ESDRAS 5:11

Na a zilam ndra mi ani: ‹Ndr'i gawla ngi Buymisemuŋ miga muŋ ati hirwuy, i ra maka hiri ngi ndira hay hana, buy madiɗa ngi Israyel mindira zleˀe tay mi naŋ, a gi le ani vi mbeˀ mbeˀe.

NEHEMI 1:4

Ya micina mingiɓi hana tuwa cin na, ya joˀ nga ruwuy ti tuwuy, hã i zik ar li like, hin mbeˀ mbeˀe. Yo i ra gi dalyam, i ra dir dibiɗ a mbuŋ Buymisemuŋ misi ar birngiŋ.

NEHEMI 2:4

Buy tuwa, a cufuɗiy: «Ki wuɗ na mbri ska?» Akẽh na, yi dir dibiɗ da Buymisemuŋ ngir birngiŋ,

NEHEMI 9:6

Bumbulvuŋ i ka pal ɗik tewle. Muŋ ati gwatay misi anga gar na, miga taŋ i kaha. Hirwuy ati gwat ngi raˀahay gar, miga taŋ i kaha. Mubuliy ati gwat ngi raˀahay gar, miga taŋ i kaha. Mavula siifa da gwat hanayna gar i kaha. Yo gwat ngi muŋhoy gar na, a hurukom huruk huruk a mbuŋ ɗiki.

Ɗerewol JOP 1:9

Amma mukupaɓi tuwa, a mbiɗa da Bumbulvuŋ: «Jop mazluwun ti ka Buymisemuŋ vuna, i ngatara kwa?

DIMISEY 136:26

Hunumaka Bumbulvuŋ ngi muŋ, asi gi teŋteŋ naŋ, anta kiɗ mi ta.

BI NGI ISRAYELEY 1:15

Ngwas miyi ngwasay ada cuw, numuŋ a zilaka Sifra, mekeleme Puwa. I taŋ mayaka ngwas Hebereye. Buy Ezipte a ɓa taŋ na:

BI NGI ISRAYELEY 2:13

Li naŋ muwun ma na, a bi ma: keɗ na, mizli Heberey cuw, ara kiɗam vu. A ɓa mbur muzluɓa ɓi na: «Ki kiɗa mbur ngi ruwuy ɗik asi mike?»

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

Ɗerewol OZE 3:5

A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.

SLRA 14:15

a ɓam: «Hey, ki gam nah i mi akẽh ka? Ndra vuna, ndr'i mizli titirahay kaɓa kum vuna ya. Ɓimezle ndra matulukum di mi hana na, ɓa ki pulaka gwat malambaˀ misi ka tayna, ɓa ki mbuɗoko hiri ng'avi Buymisemuŋ misi ti siifa, miga muŋ, hirwuy, mubuliy ati gwatay misi ar taŋ gar.

SLRA 27:23

Asi mike na, modro ngi Bumbulvuŋ ɗu ya mahuruk huruk a mbuŋ naŋ na, a bigiy vu le ngi duvuɗ nga dana vuna si,

FILIPIHEY 3:5

Ya, a cikiy a mizawa ti hin dangafaɗa, yi mbur Israyel, yi tizer ngi Benyameŋ. Yi mbur Heber mijeŋŋe naŋ, vur ɓimujuwa na, yi mbur Farisa.

ƁIMUNJUYO 11:13

Hirak ti pas nah na, hirwuy a wus ti gidaŋ haɗi hiɓik hiɓik. Walahay muwuɗka a wuzla kuruˀ na, pal a mbizli. Mizli durmuk tarnaˀ a micam angi walahay mimbizli vuna. Mizli mindiram ti siifahaya, a zluwunam haɗi, a gaka dudok da Buymuŋ.

ƁIMUNJUYO 15:4

Aw Bumbulvuŋ, mazluwun ti ka ta, i waka? Mavuluw dudok ta, i waka? Asi mipal i ka tewle. Sukwi ngi mizli gar a sa soko, a dilkam a mbuŋ ɗiki, asi gwat ngi gi ɗikey gar na, a njikam le ti jiviɗ naŋ kuy kuy.»

ƁIMUNJUYO 16:11

A zaka Buymuŋ, asi bonoy taŋ masaka, waɗ asi waˀa misi gweh gweh migi avu taŋ na. Amma, taŋ magam gwat malambaˀ na, ko a zilam marava vurˀe ta na si.