ZONAS 1:3 - Bible en langue guiziga

³ Amma Zonas a slikiɗ nga naŋ, ɓa a kil nga Tarsis, kileŋ avu Bumbulvuŋ. A pi sar nga Zafa, a lum palalam a diga maru nga Tarsis. A wurka dala ngi palalama, a ci asi migi slra ngir palalamaya, ɓa aru nga Tarsis, kileŋ avu Bumbulvuŋ.

ZONAS 1:3 ပူးပေါင်းရင်းမြစ်များ

ZLI VIRZI 3:8

Ngi pastaˀ, li zuyyo na, a cinaka ˀay ngi Bumbulvuŋ Buymisemuŋ maliˀi ar guva. Zil ati ngwas a ɗumom di a wuzla widis ngir guvahay tuwa.

ZLI VIRZI 4:16

Dar Kayẽ a cuh kileŋ a mihiri ngi Buymisemuŋ, ara cifi a hirwuy Nodi, kini tisi pas ngi miprik ngi guva ngi Eden.

BUYOY MUDUMBUŊ NAŊ 19:3

Eli mupura kanah na, a slikiɗ, a kil ɓa a laha hirnga naŋ. A ndil a Berseba, angi hirwuy Zuda, a pula gawla naŋ a diga.

BUYOY MUDUMBUŊ NAŊ 19:9

Eli mindil a muwã Horep tuwa na, a ci ng'ar butum, a hin a diga. Bumbulvuŋ a ɓaŋ: «Ki gi mi aka ka Eli?»

ƁI NGI HINEY MUCUW NAŊ 2:15

Dum ngi muwã Libaŋ, i sa ngumukuw di ka mevel ɗik muwuɗ le gar, yo i sa juwaka taŋ, i pukuw taŋ capap capap ar mubuliy sesẽŋ a Zafa, ka kwana, kisa jijira taŋ nga Zeruzaleme ya.»

ƁI NGI HINEY MUCUW NAŊ 2:16

Salomoŋ a slufa mulakay misi asi ruwuy Israyele cek kaɓa cine naŋ Davit muslufa zleˀe na, mulakaya taŋ durmuk skat ti kukur zlum nga makir, ti skat skat merkeɗe.

ƁI NGI HINEY MUCUW NAŊ 9:21

Asi buyo naŋ da ti palalam ngi yamay, a slina taŋ nga Tarsis ati gawla ngi buy Hiramay. Angi vi makir gar na, palalamay tuwa, a moko ti Tarsise ti gwatay mbaf mbaf ar taŋ: i ɓiri tapasl tapasl, ɓiri bara, slin ngi begenehey, virihey waɗ ɗiyuw tekuhoy.

ESDRAS 3:7

Waɗ ma na, a wurkaka miciɗa ɗuguroy waɗ mujuwa marjahaya, yo a vulaka gwat ngi zum, gwat ngi si waɗ mal da mizli Sidoŋhoy ati mizli Tirey, ɓa taŋ kwana, a slinoko taŋ dum ngi widis miter ngi Libaŋ tir mubuliy, hã sesẽŋ a Zafa. A gaka kanah, asi Sirus, buy ngi Perse, a vula taŋ jiviɗ nah le.

Ɗerewol JOP 1:12

Akẽh na, Bumbulvuŋ a ɓa mukupaɓi tuwa: «Da kine na, zlili naŋ gar na, n'ani asi haŋ ɗiki. Amma ki ja haŋ avu siifa naŋ ta ɓula.» Dar mukupaɓi a cuh ti mbuŋ Bumbulvuŋ.

Ɗerewol JOP 2:7

Ti mukupaɓi tuwa mucuh le ti mbuŋ Bumbulvuŋ na, a ga Jopo, a ngil kukula mukuy ta naŋ wãˀ, zle a hur sar hã sesẽŋ a wuzla hirnga.

DIMISEY 107:23

Mizli maram ti palalam ar mubuliy, yo magam slra nga taŋ ar mubuliy madiɗahay na,

EZAYI 2:16

a sa ga da palalam madiɗa ngi yamay, ati palalam hirngahay.

EZAYI 23:1

Tila mi vur walahay Tir. «Palalam ngir mubuliy madiɗahay, wudam cǝruw cǝruw, asi a ngizlaka hirwuyo le pay, ko hay anta mata!» A cinaka labara nah, ti taŋ masoko tir matura ngi Sipre.

EZAYI 23:10

Hirwuy Tir, huva guva ɗik misilaɓɓa kaɓa mizaw Nil, asi li pi sar ngi palalam ɗikey anta mata.

EZAYI 23:6

Mizli ngi ciki mubuliyey, tuwuɗam mubuliye sesẽŋ a Tarsis, a wudam cǝruw cǝruw.

EZAYI 60:9

Naŋ kanah, mizli mikileŋ kileŋhey a roko hiri lawwa ng'avi ya, palalam madiɗahay ara ram a mbuŋ, ɓa ngi mo ti ziri ɗik mizileheye, zle kileŋ, a soko taŋ jom ti ɓiri bara ati ɓiri tapasl tapasl taŋhay a haŋ, ɓa ngi giy dudok da ya Bumbulvuŋ Buymisemuŋ ɗiki, dudok da ya Buymisemuŋ mipal ngi Israyeley, asi ya muɗuvuw hirnga na.»

ZEREMI 10:9

Kuli tayna i ɓiri bara kembreˀ kembreˀ, musoko di ti Tarsis, yo i ɓiri tapasl tapasl musoko di ti Ufas, migaka slra nah i misina slra ngi ɓirihey ati mipi ɓirihey ti pi, aka ka taŋ zana gagaza wit wit, waɗ gagaza ndezze. Miɗiyaka taŋ cek i misina ɗiya gwatay tewle.

EZEKIYEL 2:8

Ka mburu, cine ɓi ya maɓuw di anihĩ: ki tiri mbur mislikiɗa ɓi, kaɓa sukwi ngi mizli mislikiɗa ɓi hanayna ta. Wuna mi ɓa ki zuma gwat ya mawuɗ i vuluw di na.»

EZEKIYEL 27:12

«Mizli Tarsisey ati mizli ɗikeye, a gam terere ngi gwatay wal wal haɗa. Ar deɗe ngi zlili ɗik mihaɗa na, taŋ a sukuw ti ɓiri bara, ɓiri ho gar, ndifri waɗ plom.

EZEKIYEL 3:14

Akẽh na, ˀUf muzuɓiy faw nga muŋ tuwa. Ya maru na, ti mevel fõh fõh a hur ɗu. Gidaŋ ngi Bumbulvuŋ naŋ da angi ya kuy kuy.

ZONAS 1:10

Zluwun a ga mizli tuwa haɗa, a cufuɗakaŋ ‹Ki gi gwat mike?› Mizli micinam, naŋ muslufa taŋ ɓi naŋ tuwa na, a sinaka le muduba, dambalaka a kil na ti kil ti Bumbulvuŋ.

ZONAS 4:2

A tumbulo Bumbulvuŋ, a ɓaŋ: «Aw Bumbulvuŋ ɗu! Ti ya misi angi hirwuy ɗu na, i ɓi a kwacay ɗu zleˀe kahana vuna. Ya muwus vu ngi kil nga Tarsis na vurˀe. I si na le kuy kuy zleˀe si, ki Buymisemuŋ migi mezle, mapur ircece, maji mevel kutum ta, mawuɗ vu haɗa, yo da ka mujuwa ɓi le a mevel ngi gi malambaˀ da mburo na, ki pula teˀe.

Ɓimezle ngi Yesu Kristu LUK mitil di mi 9:62

Yesu a ɓaŋ: «Mbur mija haŋ le avu gam ngi slahay, yo da ara pur murdirba na, i mbur mizlir avu Zumabuy ngi Buymisemuŋ ta.»

SLRA 15:38

Amma Polo, naŋ anta ti may ngi ru di mata, asi a pula taŋ le zleˀe ɗaˀ a Pamfili, a gi slra ati taŋ mata.

SLRA 26:19

«Naŋ kine, Agripa, buy madiɗaŋ, gwat muso paɗ a muŋ, ya mupura ti kleŋ na, yi sli himaˀ ava ta.

SLRA 9:36

Ngwas mitiɓi mekelem ada a Zafa, a zilaka Tabita. Ti mi Greke, ‹Dorkas›, mbiɗeˀvra: ‹Mangazaw› A gi gwat mezlehey haɗi teˀe, a jina misi murgahaya haɗi.

SLRA 9:38

Lida naŋ gweˀ avu Zafa jaka, mitiɓihey micinaka Piyere naŋ da a diga na, a slinam mizli cuw nga zil naŋ, a ɓakaŋ: «Ambuh, wuso vu ng'avi ndra.»

SLRA 9:42

Mizli ngi Zafahay gar, a cinaka ɓi nah le, joˀ mizli haɗi a tiɓaka ɓi ngi Bumbulvuŋ.

SLRA 9:43

Piyer a zik a Zafa haɗi, a hay Simoŋ mekelem ada, i mbur mufukuɗa garaka.

KORENTIHEY MUDUMBUŊ 9:16

Avi ya na, tila mi ti Ɓimezle, i ɓi ngi huhumo vu ta, i tikaˀay ɓa sey yi gaŋ. Da i til mi ti Ɓimezle ta na, kay, i bonoy avu ya.

TESALONIKEY MUCUW NAŊ 1:9

Kuti taŋ na, i zizi wãˀ hã ngi surmutuk, kileŋ a mi hiri ngi Bumbulvuŋ, ɓa a puraka dudok naŋ mawucuɗo ta wãˀ.

ZOZUWE 19:46

mi yam Yarkoŋ, Rakoŋ, ati li mugun gun a ciki Zafa.