ZLI VIRZI 39:9 - Bible en langue guiziga

⁹ A hay aka vuna ma na, naŋ anta dum hirnga ɗu ta, yo a sli himaˀ ti gwat avu ya ko neˀ ta, sey ka tewle, asi ki ngwas naŋ. Ɓa i ra ga gwat malambaˀ mifineˀ gidaŋ kahana, yo ɓa i gi mungra avu Bumbulvuŋ mbri mbrike?»

ZLI VIRZI 39:9 ပူးပေါင်းရင်းမြစ်များ

ZLI VIRZI 13:13

Na mizli ngi Sodomoy vuna i misi moˀorehey haɗi, i migi mungrahay kuyta wãˀ a mbuŋ Bumbulvuŋ.

ZLI VIRZI 20:3

Amma ngi duvuɗ nah na, Buymisemuŋ a biga vu da Abimeleke angi musuwun, a ɓaŋ: «Ani kisa mucu, asi ka muzuɓa ngwas hana na, naŋ ti zil.»

ZLI VIRZI 20:6

Angi musuwun vuna ma na, Buymisemuŋ a mbiɗaŋ di: «Ya vuna kwana, i si na le, ki ga ti mevel mezleŋ, yo mutukuw ɓa ki gi mungra avu ya ta na, i ya vuna ma, ya mupuluw ɓa ki wusa ta na, vurˀe.

ZLI VIRZI 20:9

Dar Abimelek a zila Abrahama, a cufuɗaŋ: «Ki ga ndra hana i mike? Yi guw malambaˀ mi, ɓa hã ki ciy ng'ar mungra madiɗa jom ati zumabuy ɗu ka? Ki giy hana i gwat ngi gi da mbur ta.»

ZLI VIRZI 24:2

Ngi pas mekeleme ada na, Abraham a ɓa mbur mizik le haɗi ngi si gawla naŋhay, majigina zlili naŋ gar: «Ca haŋ ɗik asi tuwal ɗu.

ZLI VIRZI 39:10

Vur hin gar na, ara ɓa Zozefe ɓa a hin di, amma ko Zozef a ngum ta.

ZLI VIRZI 41:40

Masa cifi madiɗa ngi hay ɗu i ka. Mizli ɗuwoy gar a sa cinam avu ka, yi sa funuw na, ti zumabuy tewle.»

ZLI VIRZI 42:18

Angi hin mimakir naŋ na, Zozef a ɓa taŋ: «Puraka gwat kum masa gaka ngi laha hutuŋ kum ani. Yi mbur mazluwun ti Buymisemuŋ.

SAMUYEL MUCUW NAŊ 11:27

Bat-Seba, ti hin ngi tuwa zil naŋ mikiɗ mi na, Davit a slin ara zuɓakaŋ di, a zuɓa ngi hay naŋ. Bat-Seba a tiri ngwas naŋ, a yaŋ mangal mizile. Amma gwat Davit miga na, Bumbulvuŋ a hĩyã ta.

SAMUYEL MUCUW NAŊ 12:13

Dar Davit a mbiɗa da Nataŋ: «Yi gi mungra le avu Bumbulvuŋ.» Nataŋ a mbiɗa da Davite: «Bumbulvuŋ kwana, a puluw mungra ɗike le, k'anta sa muc ta.

NEHEMI 5:15

Buy miwi lihey dumbuŋ ar ya na, a guzuvuraka sukwi Yudeheye le. Mbak suloy kukur mufaɗ taŋ mawurkaka na le ma na, hin gar na, a cufuɗaka taŋ ɓa a vulaka taŋ gwat ngi zum ati gwat ngi si ma gar. Ko gawla taŋhay kwana, a zumam buy le ar sukwi Yudeheye. Amma ya, yi ga kaɓa taŋ na ta, asi yi ra zluwun ti Buymisemuŋ.

NEHEMI 6:11

Akẽh na, yi mbiɗaŋ di: «Mbur misi kaɓa ya na, ɓa i kil sukwa? Na zle, mbur misi kaɓa ya na, i ci ng'ar hay ngi Buymisemuŋ, ɓa hã y'ada ti siifa gisiŋ sukwa? Kay, y'anta sa ci vuna ta si.»

Ɗerewol JOP 31:23

Kay, zluwun ara giy ti kuti ngi bonoy Buymisemuŋ magiy di na, i cici a mbuŋ naŋ buyo gu ta.

DIMISEY 51:4

Buniy malambaˀ ɗuwoy ndrehhe avra, yo buniy mungra ɗu avra.

BI NGI ISRAYELEY 20:14

Ki gi madama ta.

MIKUCUWULOY 6:29

Ko wa gar maru ng'avu ngwas ngi cil naŋ na, naŋ kanah ya, ko wa gar muwusaŋ le na, naŋ anta bi njiraŋ ta.

MIKUCUWULOY 6:32

Mbur magam madama ati ngwas na, hirnga anta ava ta, a gi kanah ngi ziza siifa naŋ.

TILA MI 7:26

Ngwas maji vu kaɓa ngamngam, mevele i mazaɓ, yo haŋ naŋ i zeweɗ ngi juwa mbur na, yi ra pura ɓi nah ndrehhe, naŋ ɗalak fineˀ muco, mbur macira hiri da Buymisemuŋ na, a lih avu ngwas nah gu, amma mbur migi mungra a pulaŋ vu mbak a jaŋ.

ZEREMI 28:16

Bumbulvuŋ a ɓi na, yo mbak ɗagay so: i sa ɓuluw avra tisi ruwuyo, kisa muc tumbulumna, asi ka mitil mi ɓa mizli a slikiɗam ɓi avu Bumbulvuŋ na.»

ZEREMI 50:7

Mizli mulumaka taŋ le gar na, a humbuɗam ti humbuɗ na si, mizli mazliram ti taŋ tahaya, a ɓam: «Ko i gam di i malambaˀ ta, asi a mizli tayna a zluɓam ɓi le avu Bumbulvuŋ.» Li cifi taŋ mijeŋŋe i Bumbulvuŋ, yo cine taŋhay muɗuvaka wuluk taŋ taˀ zleˀe na aseˀeŋ!

LEVIHEY 20:10

Da mbur a hin le ti ngwas ngi mbur cil naŋ na, a kiɗaka taŋ vagay vagay cuw taŋ, mbur mizile ati ngwasa.

LEVIHEY 6:2

«Aroŋ ati ziri naŋhaya, ɓa taŋ ɓi ngi gwat ya mawuɗ ani: Ɓi ngi mikuli ngi zlum zlam zlam wãˀ: Mikuli hana a hin kap ti duvuɗo ar li zlum hã ti mipriki. Vu naŋ da, ara tiɓi ar li gi mikuli na si.

SLUFA VU 32:23

Amma sinaka sin le, da ki gaka kanah ta na, naɓa ki gam mungra le a mbuŋ Bumbulvuŋ, joˀ zayɓi naŋ a sa mbiɗi nga hirnga kum.

Ɓimezle ngi Yesu Kristu LUK mitil di mi 12:48

Amma gawla misina gwat buy naŋ mawuɗo ta, yo da a gi gwat zliv a ndila le ɓa a lum kiɗ na, a sa kiɗakaŋ neˀkini si. Mbur muvulakaŋ gwat le haɗi na, a sa cufuɗam ava haɗa ya. Mbur mupulakaŋ gwat le haɗi na, a sa cufuɗam ava haɗi ti vendeke.

KORENTIHEY MUDUMBUŊ 4:2

Dambalaka, gwat mawuɗam avu mizli mijikaway na, sey a bigaka vu taŋ i mizli miteŋteŋhey.

Ɗerewol TIT 2:10

Yo anja ko a huloko taŋ gwat neˀ ta, anja a bigaka teŋteŋ taŋ ndrehhe wãˀ jaka. Ɓa kanah na, mizli a sa ɗuvaka hirnga da dubuna ɓi ngi Milih ndra Buymisemuŋ.

HEBEREY 13:4

Anja mbur a pura ɗuvavu ngi zil ati ngwasa, i gwat mupuɗaw. Anja zil ati ngwas a ndiram teŋteŋ ar wala taŋ. Asi sulomehey ati migi madamahaya, Buymisemuŋ a sa ga taŋ kiita.

ZAŊ MUDUMBUŊ NAŊ 3:9

Da mbur i zuŋ ngi Buymisemuŋ na, a pula gi mungra, asi hilfa ngi Buymisemuŋ naŋ da a hur naŋ. N'anta gi mungra gu mata, asi Buymisemuŋ i Cine naŋ.

ƁIMUNJUYO 21:8

Amma muzluwunoy, mizli miteŋteŋhey ta, mizli magam lambaˀ lambaˀ, mikiɗa hirngahay, migi madamahay, mizli misi ti sin ngi gi cekenehey ati madilkam a mbuŋ kulihey, waɗ migi slirey gar na, a sa lumam li cifi taŋ angi mubuliy ngi vu, waɗ ngi baruudu. Nah na, i muc mucuw naŋ.»

ƁIMUNJUYO 22:15

Amma mizli migi lambaˀhay ati misi ti sin ngi gi cekenehey, migi madamahay ati mikiɗa hirngahay, mihuruk huruk a mbuŋ kulihey, waɗ ko wa gar mawuɗ ɓi ngi slir malla magi slir na, a ndiram a duba gala.